تكفون ابغى اراكم

كل هذا بايدج
رقم واحد طلبج
دايم تكشخيله وتلبسين احلى الملابس
تطيعين اوامره وتعاملينه مثل الملك ومثل الطفل تدللينه
تسويله احلى الاكلات الي يحبها
ترتبين ملابسها وتعطرينها باحلى الروائح
تلبين رغباته
تكونين جريئه بالامور العاطفيه وتسمعينه الكلام الحلو ليل نهار وتبوسينه كل وقت وتحضنينه مثل الطفل
تفاجئنه مفاجات حلوه
تذكرينه بالمناسبات وتقدميله الهدايا الي يحبها
اذا طلع من البيت تودعينه بحنان وشوق واذا رجع تهللين فيه وترحبين
لاتصرخين عليه ولاتغلطين مهما صار خلي الانوثه شعارج الدائم
اذا في شي مضايقج صارحيه بكل هداوه
اكتبيله رسائل بين حين وحين وحطيها له بالمكان الي يقعد فيه رسائل حب طبعا
وطلبج الثاني ايضا يخليه يحبج اكثر
خالته تعاملينها معامله محترمه تنادينها يما بدل خالتي تسويلها بعض الحلو والاكلات الخفيفه تشاركينها معاها تطلعين معاها وتتسوقين تشتريلها هدايا بين وقت ووقت ولوشي بسيط تسولفين معاها وتضحكين تتابعين معاها التلفزيون وايد امور ممكن تسوينها

الله يعطيك العافيه يالاسطوريه على ردك الصراحه احس انه ينفع الله يوفقك
بس انا فيني عيب واحد اني عجازه يعني احب القعود كثير مااحب الحركه

لاحبيبتي هذا احلى سن لج والنشاط كله مايتعوض بهالسن عاد استغلي نشاط مرحله الشباب الي مايتكرر باشياء مفيده اذا ماسويتي كل هذا الحين متى تسوينه ؟

أختي الاسلوب والدلع والكلمات الحلوة والاحترام وحاولي تلبيت طلباته
مثلا اذا امرك باي امر قولي ( من عيوني ،، انت امر وانا انفذ ،، من طلبني غير زوجي )
واهتمي في اهله ولاتكونين راعية مشاكل
واذا غلط عليك ازعلي بس اذا راضاك اجلسي شوي وارضي وقولي انا مازعلت الا علشاني اغليك
اذا شفتيه متضايق روحي له وامسحي على راسه واسالي وشفي دنيتي متضايق
اهتمي بظهرك مو لازم كل يوم مكياج كامل ولبس روعه
اهم شي النظافة ويكون مظهرك حلو
وفأجيه يوم من الايام انك تكونين بكامل زينتك
وهدايا المناسبات
مثل الحين مقبلين على رمضان اهدية قران ومسواك (اهم شي اشياء تدل على رمضان)
ولاتنسين هدية العيد
طولت عليك
بس اتمنا اكون وفيت