تكفون ابي ظريقه للفرج مافي طريقه

الله يفرج همك ويكتب لك الخير

ماتدري وين الخير حبيبتي
انت ادعي الله بالخير
وادعي لأختك بعد يمكن خطيببك هذا خير بكثير وبدون ماتدري من ولد خالك
الله يكتب لك ولأختك اللي فيه خير

وش تتوقعين بتكون اجاباتنا بنقول
اهربي معه << فلم هندي
كلمي ولد خالتك وقول تعال اخطبني رسمي << قويه بتطيحين من عينه والرجال يحب اللي يلحقها مو اللي تلحقه خصوصا قبل الزواج
ارفضي وبقوه ولا تتزوجينه << يمكن حوبته ربي يعاقبك ولا تتزوجين طول عمرك لا ولد خالتك ولا غيره
اقول خلي عنك الخرطي والحب والسوالف اللي مالها داعي اول ماتتزوجين ويقولك ياعمري ياحبيبتي بتنسين ولد خالتك وتنسين اللي جابوه بعد
واهلك اللي سووه هو عين الصواب اجل يضيع عمرك سنين مع واحد يمكن يجي ويمكن لا
والله ياما سمعت سوالف بنات انتظرو يوم راح عمرهم راحو عنهم
وصدقيني هو لو انه يبيك صدق كان اول ماسمع انك خطبتي دق الباب وبعدين لو هو قبل باختك صدقيني معناتها مايبييك هو شاري العائلة مو انتي ليه تضيعين عمرك
صدقيني الحب اللي قبل الزواج خرابيط جهال الحب الحقيقي هو اللي يجي بعد الزواج هذي المشاعر الحقيقية
بعدين خافي الله تخيلي ان اللي خطبك يحب ومتعلق بوحده غيرك ويبي يعيش معك مو حرام
شوفي الحين انتي مملكه او مخطوبه فرقي عشان نعرف نجاوب
اشرحي القصة لنا
كيف موقفك لما انخطبتي وافقتي او مغصوبه
بس والله بقولك شئ هو لو يبيك كان سو المستحيل عشانك بس واضح انه شاري فقط العائلة لانه بيخطب اختك يعني انتي لاتعنين له شئ
يمكن لو انه يبيك انتي لشخصك كان قلت لك ارفضي وسوي وسوي وسوي بس الشخص اللي بتضحين عشانه بيروح لاختك يعني امسكي خطيبك احسن لك
حرا ام عليك تضيعين اللحظات الحلوه هذي بتفكير بواحد ثاني غير خطيبك حبيه وتعلمي كيف تحبينه
صدقيني حبك هذا خرابيط لان دائما البنت يتعلق قلبها باول رجل تشوفه بحياتها او اول ولد تحبه وتبني احلامها وحياتها وتقعد تتخيل لكن صدقيني ضاع من عمرك اللي ضاع لا تضيعين احلى لحظات بعمرك مع خطيبك وزوجك وحبيبك وعشيقك وابو عيالك
وبقولك شئ صدقيني الرجال اذا الحرمه تطلقت او فسخت خطوبتها او ملكتها يحس انها فيها شئ ناقص عشان كذا غيره رفضها فصدقيني حتى لو رفضتي عشانه بيحس فيك شئ ناقص وبيروح لاختك ماهو قائل انك فسختيها عشان تحبينه صدقيني فلا تضيعين الفرصه غيرك تتمنى ريحة رجال مو رجال
اذا الرجال مايعيبه شئ من ناحية الدين ،،، وموظف ومقتدر ولا فيه اي عيب حرام ترفضين من ترضون دينه عشان حب جهال
ادعي الله في سجودك وفي كل وقت ان يجعله دم قلبك وماء عينك ودفئ حياتك وان يملئ قلبك بحبه ويجعل بينكم المودهوالرحمه والسكن والالفة والمحبة وان يؤلف بين قلوبكم وان يجمع بينكم على خير وان يجعله حبيبك وعشيقك وكل شئ بحياتك وان يزيل محبة ولد خالتك وتعلقك به من قلبك وان يطهر قلبك ويجعل قلبك لا يتعلق الا بالحلال
اكثري من الاستغفار لاتخلين الشيطان يلعب عليك شوفي كيف كرهك بالحلال وعلق قلبك بالحرام روحي استغفري ربك وصلي صلاة الحاجة وتوبي الى الله من كل الذنوب وابدئي صفحة جديدة مع الله ومع نفسك ومع خطيبك عيشي هاللحظات بكل حب وبكل صدق اجعليه كل شئ بحياتك شوي شوي بتحبينه وشوي شوي بتتعلقين فيه بس اصدقي مع الله هذا هو الفرج اللي تبحثين عنه طبيقه والله بيفرج عنك بإذن الله

الله يجزاكم خير ومايحطكم ربي ...بمكاني
انا يا اختي تملكت عليه وانا اترجاء ابوي ترجي انه مايملكني ولا يزوجني
اهلي كانو ياسئين اني بتزوج وان بيجيني رجال احسن من هذاا
لان كم مره انخطب ومايصير نصيب ...عشان كذا ما انتضرو ولد خالي
وكل ما استخير احلم باامه تلبسني طقم الماس يوم فسرته انه زواج وخير
والمره الثانيه حلمت عطتني ساعه بيضاء بعد كان معنها فرج وزواج بااذن الله ..
ومره حلمت اني كنت لابسه جزمه بني وبدلتها بسودا بعدين وركبت معاه بسياره بيضاء.. ورحت معه
وكل الاحلام تفسيرها بااذن الله انه هو زوجي عشان كذا لين الحين عندي امل وانه لي
وماتقبلت خطيبي
هو ما خطب اختي بس امهه لمحت لا امي يمكن تبي ولدها ينسى او مايتغير عليه شي
والله محتاره وخايفه ومتردده

الله يفرج همك يارب
للهم يا مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء
بيدك الخير انك على كل شيء قدير تولج الليل في النهار وتولج النهار في الليل وتخرج الحي من
الميت وتخرج الميت من الحي وترزق من تشاء بغير حساب اللهم ارزق شفايف فوشيه سلطان زوج لها وارزقها منه الذريه لصالحه وارزق جميع بنات الحمله والمنتدى الازواج الصالحين اللهم انك رحمن بالدنيا والأخرة ورحيمهما اللهم
ارحمني رحمة تغنني بها رحمة عمن سواك

الله يفرج همك مالك الاالدعاء
وارضي بواقعك دام الرجال مافيه شي
واذ انت مره مومتقبلته سوي اي شي ولاتاخذينه لاتظلمينه
كلمي اخته ارسليها له رساله انك ماتبينه اوله هوسوي اي شي
رغم اني ماانصحك لانك ماتدرين لوان محديخطبك غيره
لوانه يعيشك احلى حياه

مو شرط ياقلبي الاحلام تتفسر عليه هو
حبيبتي خلاص انتي الحين متزوجه ولا زم تقتنعين فيه لانه نصيبك
وش الي يضمنك انك اذا تطلقتي يجيك ولد خالتك
عيشس حياتك يابنت الناس
ولا تقولين احب وما احب
هذا زواج ياقلبي
عمر رحله سعيده
بدال ماتفكرين كيف تبنين حياتك
كيف تسعدينه تقولين انا احب ولد خالتي
انا ماقلت هالكلام عشان اجرخك او شي ابيك تعيشين الواقع الي انتي فيه
واذا هو من نصيب اختك لا تردينه عن اختك
انتبهي لحياتك ترا الحرمه بيدها تعيش بجنه او تعيش بنار

انتي ماحبيتيه انتي حبيتي الاحلام اللي ؤسمتيها براسك معاه ولانك اقنعتي نفسك انك تحبينه وزوجك اذا جلستي تكررين انا ماحبه عمرك ماراح تقدرين تحبينه لازم تشيلين الافكار السوداء وركزي على خطيبك وبينك وبين نفسك كرري انه احبه انا ابموت فيه وعلى قولة نزار قباني الحب بالارض بعض من تخيلنا لو لم نجده عليها لاخترعناه ..
بعدين الحب مو كلمه او حلم اذا هو انسان محترم واهلك سالو عنه وهو شخص تمام اكيد راح يسعدك بس انتي كوني ذكيه واكسبيه ودامه مهنيك اكيد بتحبينه الحب ابسط مما نتخيله وخصوصا لو كان بالحلال ربي يسهله
لو كان انسان مسؤل ومحترم بشهادة الجميع يعني الاشياء الاساسيه المطلوبه لاي شخص ممكن تعاشرينه زيه زي الصداقه والاخوه
هذي ضمانة من رب العالمين
(ومن آياته أن خلق لكم من أنفسكم أزواجا لتسكنوا اليها ، وجعل بينكم مودة ورحمة ، ان في ذلك لآيات لقوم يتفكرون ) …
سورة الروم / آية 21ا
الحب الله مسهله وميسره بين اي زوجين لاتحاتين اهم شي صفي النيه وكوني ذكيه بنفس الوقت كل ماحبيتيه اكثر كل ما احبك واعطاك اكثر
الحب زي البذره لازم عشان تنمو وتعطيك ثمر توفرين لها الضوؤ والتربه الخصبه والهوا اما حب قبل الزواج مستحيل تثمر شي وانتي زارعتها بالظلمه حتى لو بينك وبين نفسك لانها بتبقى علاقه ناقصه ..لكن لما تختارين انسان على اساس العقل وتتزوجينه تقدرين تخلينه يحبك بشوية ذكاء ولما يحبك انتي بدورك راح تموتين فيه وتحبينه لانه بيكون مصدر سعادتك
الله يوفقك يارب

حبيبتي عيشي حياتك
يمكن لما تتطلقين يقول ولد خالتك مابيك مطلقه
فكري بالغقل
فيه بنات كذا يحبون حد بس وقت الزواج خلاص زواج
الله يوفقك حبيبتي ويسعدك