تكفون الي عندها غساله كلفنيتر دورين تدخل

ياليت الي عندها معلومه ماتبخل علي الله يوفقكم

ا لسلام عليكم
هذه هي غسالتي الازرار من اليسار هي كالتالي:
الاول: لتوقيت النشاف افركيه لبداية الاخضر عند START
الثاني: لتشغيل النشاف افركيه ل ON
الثالث: لتحديد حرارة النشاف وفيه اربع درجات هي من اليسار من دون حرارة ، حرارة منخفضة، حرارة متوسطة، حرارة عالية وهذه الدرجه اللي استخدمها دائما ولكل انواع القماش ....تطلع مكويه
الرابع: درجة حرارة الماء المستخدمه في الغسيل فيه اربع درجات انا استخدم الثانية دافئ دافئ
الخامس: مستوى الماء للغسيل من اليسار قليل ، وسط، مليان عاد طبعا تختارين على حسب كثرة الملابس
السادس: توقيت الغسيلاسحبيه لبرا و افركيه لبداية الاخضر ثم اضغطيه ...وهي تشوف شغلها
ملاحظة: اذا بغيتي الملابس تنقع في الصابون شوي او تبغي تفرك مرة ثانيه لا تقفلي باب الغسالة
راح تفرك بالصابون و توقف قبل ما تطلع الماء ...فتيجي انتي تفركي مؤقت الغسيل للبدايه و تقفلي الباب عشان تفرك بالصابون ثاني و تشطف بالمويه
هذا اللي عندي و اي سؤال انا جاهزة
لا تنسينا من دعواتك

اهلين اختي انا عندي مثل غسالتك وكنت محتاسه فيها بس انا اخذت الكتالوج
وترجمته في الكمبيوتر وماشاء الله مشت معايه
الاخت الي قبلي ماقصرت
اذا فيه اي سؤال لايردك الا الصابعك
ملاحظه مهمه
فيه بعض الملابس تنغسل باليد لا تحطيا فوق مباشره لان المجفف مافيه تصريف مويه
حطيها تحت في الغساله وسكري الغطا ولفي اول دايره على اليمين نهاية الخط الازرق او الاخضر تعدي النقطه والسحبي الدايره على فوق وهي تجفف القطعه بعدين انتظري شوي لحد ماينفتح الغطا لان الغطا ماينفتح بسرعه له امان طلعي لبستك فوق وجففيها اول ماتجف علقيها في الدولاب
اسفه على الاطاله وا ن شاءالله استفدتي

ثلج ساخن
مشكوره يالغاليه ماقصرتي
بس انا اشوف النشاف مايجفف كل الملابس ميه بالميه
وين المشكله تتوقعين؟

ودي اشتري مثل غسالتكم بس كيف النظافه ممتازه
او نص ونص ممكن تجاوبوني

وش صار على غسالتك تنصحين فيها ولا لا

مرحبا اختي انا الغسالة عندي من اول ما تزوجت يعني بتكمل السبع سنوات
في البداية ضليت سنتين مو عارفه لها الين ما جبنا الصيانه التابعة لشركة الباحة
وصلح النشافة الحرارية كان السير للتنشيف مو مشدود وما تنشف غير 50 بالمية
والموية تسرب وقت العصر وطلع من الهوز لازم يكون مرتفع لفوق ورفعه لنا بسلكل الين الصنبور
والحمد لله الين الحين ما شالله الله عليها تمام التمام
والملابس اذا فيها بقع بخي عليها فنيش وافركيها بالفرشاة وارميها بالغسالة وشوفي النظافة
بالنسبه للغسيل الملابس البيضا استخدمي الجهه الي باللون الازرق والملون بالاخضر
وفي زر للموية المستخدمة اذا كانت معتدلة او تبغينها حارة او بارد ثلاث خيارات
وكمان للتنشيف بيكون على يدك اليسار زر لوقت المحدد للتنشيف من 10 الين 70 دقيقة
اضغطي علة اون وتشتغل ومع اختيار درجة الحرارة هاي او لو
واذا في اي استفسار انا حاضرة
وزي ما قالت الاخت ثلج ساخت ترجمي الكتالوج وبتعرفي عليها بشكل واضح

درووره6
مادري ليه يوم قريت ردك حسيت انك وقتها كنتي قابسه يعني معصبه
عموما ياعسل اشوف انها من ناحية التنظيف تنظف بصراحه
انا طبعا اقيس على ملابس بنتي الصغيره عمرها سنه وانتي ادرى بهالعمر كيف بقع ملابسهم تصير
ومن هنا حكمت عليها انها تنظف ماشاء الله
بس للامانه انا ملابس بنتي اذا فيها بقع صعبه علطول بنفس الوقت اغسلها بالغساله
اخاف اتركها يوم مثلا ويصعب تنظيفها
ياقلبي نصيحه اذا بتشترين غساله اسألي كثير
نزلي موضوع خاص بأستفسارك وشوفي راي الاغلبيه
وموفقه بالغساله ياعمري
بس مره ثانيه لاتعصبين علي ترى ابكي والله
بعدين ماحبك

sada2222
ياحبيلك والله
وربي شرحك مره واضح ماشاء الله عليك ماقصرتي ياعيني
احبك ما ااره