تكفون تعالوا احكموا من الغلطان أناو لاهو

السلام عليكم
كيفكم يافراشات
بعد ماشفت المشاكل هنا وحلولكم لها قلت
بطرح مشكلتي لأني حاسه اني بطق وبنفجر من الغصة
السالفة ومافيها أنا حامل في التاسع وكلها كم يوم واولد والحمد لله عندي ولد من قبل
ومتزوجه من 3 سنوات
بس المشكله زوجي مايحب يطلعني ولا يوديني للسوق إلا بعد زعل
فيه صفه كريم على نفسه وعلى الناس بس علي شحيح وبخيل شوي
وأنا نفسيتي مره تعبانه أحس اي شي يزعلني
وصار تقريبا لنا اسبوعين وماطلعني يعي اصرف نفسي عند جاراتي
واهلي بعيدين عني ومتغربه
لو مااتكلم مايطلعني انا قلت له طلعني مو شرط نتعشى برا
مثلا نشرب كوفي عصير آيسكريم يعني موفره عليه ماعاد احب اتعشى برا
وفيه اغراض ناقصتني من الصيدليه كل يوم يقول بعدين
المهم يوم الخميس اللي راح عزمتني جارتي وقالي بتروحين قلت لا على اساس اطلع معاه
وبعدها الساعه 9ونصف طلعنا ورحنا للمحلات اللي ابغاها هو نزل لحاله وبعدها مالقى الغرض اللي يبغاه
وقال ماعندهم شي قلت طيب بنزل ابغى اشتري قال لا بكره بجيبك
وهو راح لمحل شاهي وقال تبغين قلت لا
وبعدها قال تبغين مكان معين قلت ايوه قال وين قلت للهايبر ابغى كم غرض
وكان نفسي ب كون زون وسينابون وابغى محل مذركير ابغى اكمل اغراضي
وقال مااقدر يوم ثاني فيني النوم والساعه 10 رجعني للبيت وانا زعلت وقلت ليش تسألني وين تبغين
قلت يعني بتطلع قال نص ساعه وراجع انا زعلت وعصبت وقال سوي نعناع ناوي على سهره
ونزلني وراح ومارجع إلا الساعه 12ونص وماسويت النعناع وبعدها جلس عند التلفزيون إلى الساعه 3 ودخل ينام
وأنا مقهوره لأنه كل يوم يطلع مع اخوياه ولا يمل منهم اقل شي يجلس معهم ساعتين
ولو واحد دق عليه واحنا طالعين يرجعني للبيت هم اهم مني
انا زعلت لأنه رجعني وهو يقول فيني النوم بس لأن وقت اخوياه جا رجعني
واليوم الثاني عصب علي وهزأني يقول ليش ماسويتي نعناع ولا فطور ولا غداء
وانا مارديت عليه بكلمه وحده
وإلى يومكم هذا مانكلم بعض واحس كل ليل ابكي من موقفه لهذي الدرجه مايحب يجلس معي
وإذا رجع من برى ماينام إلا وقت متأخر نومه خفيف ويشبع على طول تكفيه كم ساعه
وحتى الفراش ما يعطيه حقه إلا لمن اقوله
مره مقصر هو شوي فيه عزة نفس يقول إذا تبغين تعالي
والله تعبت أنا اخاف اولد اليوم او بكره واحنا زعلانين
وش الحل معاه
عاد هو مستحيل يتنازل ويتأسف مع انه هو الغلطان
الله يخليكم ايش اسوي نفسي مخنوقه والدمعه على خدي