تكفون شيروا علي

1. أخواتي أبغى شوركم


2. أنخطبت من قريب لي قبل سنه تقريبا

السلام عليكم و رحمة الله و بركاته

أخواتي أبغى شوركم

أنخطبت من قريب لي قبل سنه تقريبا

و أنا الآن وافقت عليه موافقه مبدئيه لا أحد يعلم بموافقتي سوى أخته و هو لأن أخته تزن علي تبي تعرف ردي المهم إلى الآن ما كلموني أهلي أول يوم جو يخطبوا كلمتني أمي بالموضوع وقالت أبوك قال بعد ماتكون نفسك لأنه كان توه متوظف حكومي و عليه ديون و بعد ما البنت تخلص دراستها
المهم ألحين ما أجو وكل ما تكلمني أخته تقول راح نجي قريب و يشوفك الشوفه الشرعيه
و أنا رافضه أنه يشوفني مع إني نفسي أشوفه مو لأني مو جميله الحمد لله مقبوله
و رفضي للشوفه ممكن ما يصير نصيب لأنه قريبي قلت لها بعد التحاليل ( فحص الزواج ) إذا كنا مناسبين لبعض و قبل العقد يشوفني
و أنا خايفه والله صرت أفكر كثير خاصة لأني رومانسيه وهو اللي عرفته من الكلام عنه رومنسي
و أحيانا أتمنى الزواج يتم قريب لأني أفكر بزيادة وبعد لأني خايفه من الكلام اللي أسمعه من صديقاتي المتزوجات عن ...... أنتو تعرفو حتى فكرت أقول له نعيش اول الشهور مثل الأخوان
و أتمنى أوقات أني متزوجه لأني أبي أكون ام مثل أي بنت و أحيانا كمان أحتاج أفضفض لأحد و ما ألقى أحد ما عندي أخت أو صديقه تفهمني وتخاف علي مثل الأخت أختي الوحيدة بعيدة عني بعد السماء عن الأرض بكل شيء و تقول لا تتزوجي الزواج نكد وتعب و العزوبيه حريه لأني عايشه في بيت أهلي على كيفي لكن بحدود لأن أخلاقي الحمد لله عاليه و عمري 21 و أختي لما تزوجت كان عمرها 19
أنتظر ردكم تكفون