تكفى لحقوا علي

1. مساء الخيرات


2. القصه بدت من سنه (ماعليه تحملوني) خذوا نفس الأول يالله بسمه نبدا

مساء الخيرات

شلونكم ان شالله بخير السموحه إن كان خرعتكم من الادرس بس والله أنا متوهقه ومعتمده على الله ثم عليكم وأنا متأكده انكم ماراح تخذلوني وأتمنى أي وحده مرت بنفس تجربتي أو عندها حل ماتبخل علي وابشروا بالدعوات

القصه بدت من سنه (ماعليه تحملوني) خذوا نفس الأول يالله بسمه نبدا

شعري طويل ل اسفل ظهري والأهم من هذا كثير وصحي واسود وناعم وكل من شافني يسألني انت شنو حاطه على شعرك وأنا والله حتى زيت الزيتون مااحطه عليه (وحده ماتحب الزيوت ) وأقول من الله كذا ربي حافظه... وماعدت افرد شعري مثل قبل من زود الناس إلي كلوني بعيونهم كانوا يقولون غلبتي زينب العسكري (ياشينها) المهم من سنه تقريبا بدا شعري يتساقط قالولي فتره وتعدي قلنا نشوف إلا كل مالها الحكايه تتطور لدرجة لما استحم البلاعه (الله يكرمكم) تنسد بسبة شعري والتساقط مستمر لما يومكم هذا طاح الثلاث ارباع وبقي الربع غير التقصف والضعف وفقد لمعته..... مادري شلي صابني هي عين ولا هذا من اهمالي طول السنين والحين توها بانت النتيجه !!! مع العلم توني 17 سنه وربي اني ابكي ليل نهار وانا اشوفه يطيح قدام عيني وانا مالي حيله
تكفى طلبتكم إذا أي وحده عندها زيت أو شي تعطيني اياه وتكون مجربه مابي اعفس الدنيا أكثر ماهي معتفسه شفت خلطات كثيره بالمنتدى بس أنا مابي معجزه ولا ابي ارده مثل ماكان كل إلي ابيه ويكفيني احافظ من إلي بقي من شعري وسامحوني ان طولت عليكم بس والله من زود حرقتي والله لايكتب عليكم مثل إلي صابني
والحمد والشكر لله على كل حال
أختك ملاك عمري م