تمارين برنامج p90x

1. وعندي حماس منقطع النظير انى ابدأ فيه طيب وين المشكله ؟

صباح الخير يا حلويين..
بنات جده خصوصا كيفكم ... وكل بنات المنتدى الجميل .
برنامج p90x معروف له كم سنه منتشر في اليوتيوب بس انا دوبي اكتشفه ..

وعندي حماس منقطع النظير انى ابدأ فيه طيب وين المشكله ؟

المشكله انه مو لاقيه غير مقتطفات منه او مجرد مقاطع فيديو بسيطه لا تتجاوز العشر دقايق في معظمها
مع انه هوا برنامج كامل متكامل فيه جدول يومي عن التمارين لكل يوم جزء من الجسم وطبعا يعتمد على تقوية الجسم باستخدام المقاومه والاوزان ودا الشي اللى انا ابحث عنه لانه في النوادي كل الكلاسات عباره عن كارديو طول الوقت ويادوب كلاس واحد في الاسبوع اوزان وكدا ما ينفع لانه الكارديو صح ينحف و صح ينشط الدورة الدمويه لكن ما تحتاجيه غير 10 او 20 دقيقه بالكتير وبعد كدا لازم تمارين تقوية العظام والعضلات عشان ينشد جسمك بعد ما نحفتى والا راح تكوني نحيفه صح لكن بجسم مترهل لو اكتفيتي بالكارديو فقط ( الايروبيك - دراجه-سير....) فعشان كدا ابغا احد يدلنى من فين اشتري السيدي كامل
لانه فيه الجدول والتمرينات اليوميه لمده 3 شهور 90 يوم وكمان مع النظام الغذائي
يا سلام على العالم دي مخ ماتركوا شي الا ابدعوا فيه صراحه بس اهم شي طبعا الاراده واتباعه بنفس الطريقه والالتزام فيه عشان تاخدي النتايج فعلا في 3 شهور بس ولو تشوفي في اليوتيوب كيف مصورين التطور في اجسامهم قبل و بعد البرنامج شي خيال
يلا بنات جده يارب اكون حمستكم عشان اللى عندها همه تبحث عنه وتدل الكل عليه وممكن نسوي قروب ونتحدى بعض كمان