تموت عيونهم فيني وانابك ميتة عيوني للكاتبة دمعة الفرقا كاملة

هيفاء تناظر بروش:هذا عجبني..
جنا تلتفت يمين ويسار وتكلم نفسها:اف ورا ماجا ورا ماجا..
هيفاء:هيه اكلمك..
جنا تاركه طرحتها على راسها بأهمال طالع نص شعرها وحاطه مكياج كامل لفت على هيفاء و ميلت شفايفها وبدون نفس:خير..
هيفاء مدت لها البروش:شوفي وش رايك..
جنا بدون ماتناظره قالت بلامبالاة:حلو اقول انا رايحه للحمام..
هيفاء:لاتطولين انتظرك..
..جنا طلعت من المحل مشت بغرور وتكبر لفتت انظار الناس..
بعضهم احتقروها لعبايتها المفتوحه اللي مطلع فستانها الابيض فوق الركبه
ولمشيتها كلها دلال ومكياجها كأنها رايحه لعرس مو سوق..وهاذولي معتبرتهم جنا صفر على الشمال..
وبعضهم عيونهم عليها اعجاب فيها وبمشيتها ودلعها..وهاذولي اهتمام جنا..
ابتسمت لشباب بتطلع عيونهم عليها..رفعت جوالها ودقت على..
احمد وينك انت للحين..
احمد:توني داخل للفيصليه..
جنا:ليه تأخرت..
احمد بأحتقار معتبر كل الناس حشره:والله عاد كيفي عندك مانع يله خلصيني مين هاذي اللي تبيني اروح عندها بسرعه ترى وراي مشاوير..
جنا:شوفها في محل اكسسوريز..
احمد:اها وانتي وينك معها..
جنا:لاانا اتمشى..
احمد:اوكي احسن بعد من قرفك..<<ودخل جواله في جيب بنطلونه..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
مشاري نازل من الدرج يغني:اوه خوخه عندنا..
خلود:ايه خوخه عندكم..
مشاري سلم عليها وسلم على خالته:كيفك خالتي..
ام مشعل:حمد الله بخير وش اخبار الدراسه في كندا..
مشاري:ماشي الحال (لف على خلود) كيف الحمل..
خلود:متعبني..
مشاري:الله يعينك الاسعيدان وينه..
خلود عطته نظره:سعيدان هاه..
مشاري:اوه سوري شكلي غلطت..
هديل جايه وجايبه كاس عصير مدته لخلود وبدون نفس:تفضلي..
خلود:ش ..
هديل قاطعتها بأنفعال:خلاص ماابي اسمع منك شي والا هالكاس بيجي في خشتك..
خلود بأنفعال:هيه وجع كنت بقول شكراً..
الكل:ههه..
هديل حطت راسها على بطن خلود:امك ذي جننتني هدوله تسمعيني انا خالتك يابعد قلب خالتك..
ام مشعل:ههه هديل بعدي عن اختك عورتيها..
مشاري:المشكله هي ممصمه على ان خلود بتجيب بنت..يااختي الدكتوره قالت ولد يعني بتجيب مشاري..
خلود:لا احلفوا اصلاً انا ماراح اسمي لاهديل ولامشاري..
مشاري بنظرات خبث:ايه ماراح تسمين الا اللي يقول عليه سعيدان..
خلود ضربت فخذه:ايه ايه ماراح اسمي الا اللي يقول عليه سعيدان ارتحت..
ام مشاري من جوا المطبخ:هديل..
هديل عضت شفايفها بقهر:الله يصبر ذا الهديل نعم..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
ريم بعد ماتحممت راحت لتسريحتها وطلعت علبة مكياجها وقعدت تتفنن بوجهها..<<انفتح الباب بقوه ريم نطت من الخوف...
تركي:ههه مساء الخير..
ريم لفت عليه معصبه:اظن فيه شي اسمه استئذان..
تركي طلع وسكر الباب ودقه:لو سمحتي ممكن ادخل..
ريم:ههه..
تركي دخل مبتسم:مساء الخير..
ريم:مساء النور توك صاحي..
تركي:ايه وين الاسره الكريمه..
ريم:امي راحت لخالتي وابوي راح لشركه ومشيعيل نايم..
تركي:اها يله باي..
ريم:تروك..
تركي:هاه..
ريم:ماراح تتعشى معي..
تركي:لااشبعي انتي عليك بالعافيه باي..
ريم كشرت:بااي..<<رفعت جوالها ودقت على لمى..
ريم:هاي..
لمى:مساء الخير والاحساس والطيبه..
ريم:وش عندها الرايقه..<<وتربعت على سريرها..
لمى تاكل خيار:ابد سلامتك بس نمت نومه وحلمت حلم عجيب لكن النكد مهيوه قومتني..
مها ضربت فخذها:نكد في عينك..
تركي دخل:اقول وش رايك تخاويني..
ريم:لمو لحظه شوي..
لمى:اوكي..
ريم حطت يدها على السماعه:انت مارحت..
تركي:اظن كذا خ لحظه لحظه كأني سمعت اسم لمو..
ريم:ايه قاعده اكلم لمى خير وش عندك..
تركي نط عليها ومد يده:هاتي هاتي..
ريم من بين اسنانها:مجنون انت..
تركي على صوته:ايه مجنون بلمى يااويل قلبي..
ريم رفعت السماعه:الوو لمى تركي يبي يكلمك..
لمى مصدومه:وشو..
تركي سحب الجوال:هاي..
لمى:..................
تركي:افا افاا ليه الحلو مايبي يرد علينا..
لمى:يله باي..
تركي:لحظه ياختي ماقلنا شي..
لمى:وش تبي..
تركي:ابي اقولك الاحمر عليك خيال..
لمى تناظر لبسها:بس انا مو لابسه احمر..
تركي:لا بس انا اتخيلك لابسته خ..
لمى:تصدق انك فاظي..
تركي:ايه اصدق وليه مااصدق..
لمى:باي..<<وسكرت..
تركي يناظر الجوال:افا..
ريم:احسن..
تركي:طيب الايام بينا يالميوه..
ريم:هههاي ياخي البنت ماتبيك اتركها في حالها..
تركي:وش دراك انها ماتبيني بس هي مستحيه..
ريم:ياربي يامستحيه شوف تصير معجزه اذا لمى استحت المهم اتركني اكلم البنت..
تركي وقف:اوكي وسلمي لي عليها وقولي لها بردها لك في الافراح خ..
ريم:خ..الوو..
لمى مولعه:هين اوريك..
ريم ببرود:وش سويت..
لمى:تخليني اكلمه يالدبا..
ريم:عادي وش فيها..
لمى:هيه وشو اللي عادي..
ريم:قولي لي الحين ليه ماجيتي النادي..
لمى:والله راحت علي نومه..
ريم:يالنذله دقي دقه وحده على الاقل خبريني انك ماراح تجين..
لمى:سوري نسيت..
ريم:هين بسويها فيك يوم علشان مره ثانيه تحرمين تنسين..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
احمد خذ كم لفه كذا عناد في جنا..دخل للمحل شاف هيفاء اللي حاطه لثمه خفيفه ومبينه ملامحها عرفها لان جنا عطته صوره لها...
هيفاء ماسكه سوارتين وحده حمراء والثانيه اسود مع ابيض:اوكي الحمراء احب لونها..
احمد بصوته الجذاب:وانا بعد احبها..
هيفاء لفت عليه ورمشت بعيونها:تكلمني..
احمد"ياخذ ام العيون ياشيخ" ابتسم ابتسامه ذوبت هيفاء خذ السواره من يدها:ايوه اكلمك انتي (ناظر في السواره) الحلو ماياخذه الا الحلوو..
هيفاء قلبها يدق بسرعه نزلت عينها:شكراً..
اللبناني:اهلين استاز احمد شو اخبار الاستاز راشد ان شاء الله منيح..
احمد ناظره بأحتقار بصوت واطي:ممكن تنطم..
اللبناني بلع ريقه:حادر..
احمد همس في اذن هيفاء:ماقلت الا الصدق تصدقين عادعمري ماشفت بنت قمر( وشدد على قمر) كذا..
هيفاء ابتسمت ورفعت عينها شافت شكله من قريب مره..
شعره ناعم اسود وطويل شوي.
عيونه واسعه رماديه من الله..
طويل وابيض وكان لابس تيشيرت مره ضيق محدد شكل جسمه..كان جذاب بشكل غير طبيعي في كل شي..
اقدر اقول انه"كل من شافه تولع فيه"..
"ايوه هذا اللي اتمناه رجال حلو وكشخه وشكله ولد عز ياارض احفظي ماعليكي"..
احمد:ماتعرفنا..
هيفاء:انا هيفاء..
احمد:الحين وفي هالحظه بس عرفت اني محظوظ (طلع كرت) اتمنى نتواصل..
هيفاء خذت الكرت ويدها مرتجفه:اوكي..
احمد بأبتسامته اللي تدوخ:يله اتركك الحين بس لاتنسين..<<اشر على الكرت وحط السواره على الطاوله وطلع..
هيفاء تراقبه تراقب مشيته خيال والله خيال..
اللبناني:هيدا الاستاز احمد ابنو للسيد راشد ال...... التاجر دايماٌ بيجي لهون..
هيفاء هزت راسها وهي مومعاه اصلاً..
جنا كانت واقفه وشافت كل شي بين هيفاء واحمد ابتسمت بخبث"والله والله لأخلي سمعتك في التراب يا (بأستهزاء) اخت راكان.."
دخلت وعلى وجهها اكبر ابتسامه:تأخرت عليك..
هيفاء مفهيه:.............
جنا سحبت طرحة هيفاء:احاكيك..
هيفاء انتبهت:هاه..
جنا:هاه ههه وش فيك شوفي شكلك وشلون صاير..
هيفاء تعدل طرحتها وجنا سحبتها:خلك فري..
هيفاء:ماحطيت ميك اب شكلي خايس..
جنا مسكتها:اوكي تعالي للحمامات معاي العده كلها..
هيفاء لفت على اللبناني:يله حاسب..
اللبناني طاحت عيونه:حادر..
اللبناني مفهي في ملامح هيفاء..
جنا عصبت:انت مع وجهك قالتلك حاسب يله حاسب خلصنا..
اللبناني خاف:اوكي اوكي..لكن انو سواره بدك..
جنا خذت السواره الحمراء ورمتها على البياع:هاذي يله بسرعه..
اللبناني عصب:لو سمحتي مو هيك..
جنا تخصرت:لا هيك وإلا مو هيك كيفي عل..
هيفاء قاطعتها:خلاص جنو هدي يله انت شوف شغلك..
اللبناني:اف حادر..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
مها تمددت على الكنبه ومسكت الريموت:مع اني داريه ان مافيه شي ينشاف..
لمى سحبت الريموت:الحين صحيتيني من نومي يله تحملي..
مها:هاتيه..
لمى:لاسولفي..
مها لفت عليها:وش اسولف عنه..
لمى:عن اي شي..
مها:خلاص روحي نامي..
لمى:بعد ايش خلاص طار النوم..
مها:اف لميوه لاتقعدين على راسي ترى مالي خلق..
لمى بهمس:مشعل بيسافر..
مها صرخت:والله وين..
لمى:الله ياخذ بليسك فظحتينا..
مها:متى بيروح ومع مين ووين..
لمى:طيب حبه حبه علي شوفي بيروح للإمارات بعد بكره ومع مين والله مدري ريم ماقالت لي..
مها كشرت:حسافه يعني يوم الخميس ماراح اشوفه..
لمى:لابتشوفينه لان طيارته الساعه تسع..
مها بحزن:يروح ويرجع بالسلامه..
لمى بحماس:اقول وش رايك نقول لريم انك تحبينه..
مها بأنفعال:ياويلك لوفتحتي فمك بكلمه اذبحك..
لمى:شوي شوي لاتاكليني..
مها لفت عنها:في ذمتك لاتقولين شي..
لمى:اوكي اوكي ماراح اقول بنطم..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
××في الفيصليه××
بندر يحرك الكابتشينو:تذكر ملاك..
تركي:مين ملاك..
بندر:ملاك خطيبة مشعل..
تركي كشر:ايه وش فيها..
بندر:تزوجت..
تركي رفع كتوفه بلامبالاة:طيب..
بندر:طيب لوسمع مشعل خبر زواجها والله يقوم الدنيا ويقعدها..
تركي:هو الحين ماله علاقه فيها راحت بخيرها وشرها (ضحك بأستهزاء) ههه خيرها اصلاً ماجابت معها غير شرها..
بندر:لاتقول لمشعل..
تركي:وليه اقول له هو وش دخله فيها..
بندر رفع كوب الكابتشينو بعدين نزله:تركي..
تركي:اذا في موضوع ذي خلاص سكر عليه..
بندر:شوف مو كأن هاذي هيفاء..<<اشر عليها براسه..
تركي فهم عليه:الله خلق من الشبه اربعين..
بندر وقف:اي شبه انت قوم معي..
تركي سحبه يجلس ومن بين اسنانه:مالنا دخل فيها..
بندر طلعت عيونه:انت مالك دخل في اي احد قلنا اوكي بس هاذي بنت عمتك..
تركي حط رجل على رجل:يمكن ماتكون هي..
بندر:ويمكن تكون هي..
تركي:لحول بندر لاتناظر فيها لاتنتبه لك الحين وتسوي لك سالفه..
بندر:قال تسوي لي سالفه شوفها انشق حلقها وهي تبتسم لشباب خلق الله..
تركي:ياخي وش فيك انت ماعليك منها..
بندر:قسم بالله انت تفكيرك مدري وشلون..
تركي:إلا تدري وشلون قوم بس نمشي من هنا احسن قبل ماتمر فلبينيه وتقول هاذي امي ههه..
بندر انقهر:ياثقل دمك ياشيخ يله نمشي بس..
تركي:ههه هد يابوالشباب..
::
..في جهه ثانيه..
هيفاء وجنا بيطلعون من الفيصليه..
هيفاء بحماس:ياليتك شفتيه يجنن يطيح الطير من السما..
جنا بخبث:شوقتيني اشوفه..<<ركبوا السياره..
هيفاء خافت من فكرة انها تكلم ولد توترت:بس خايفه..
جنا ضحكت بأستهزاء:ههه خايفه حمد الله والشكر غيرك يتمنون..
هيفاء لفت عليها:مين قصدك..
جنا:كل البنات يتمنون مواصفات الولد اللي شفتيه ومنهم انا (مدت يدها) يالخوافه عطيني الكرت..
هيفاء بأنفعال:ايه ان شاء الله احلمي مستحيل اعطيك اياه مجنونه انتي..
جنا ناظرتها بخبث"مجنونه بأحمد ياحياتي بس مين بيفكك من يدينه ههه"..
هيفاء:اظاهر ياجنو حظي ابتسم لي..
جنا ماسكه ضحكتها:اظاهر كذا..
هيفاء باستها:يله باي..<<ونزلت والدنيا موشايلتها من فرحتها..
هنا جنا انفجرت ضحك:ههه باي ياحبيبة احمد..
رفعت جوالها ودقت على احمد:تعرف انت وشو انت ملاك يمشي على الارض..
احمد يسحب نفس من سيجارته:خلصيني..
جنا:بقولك هيفاء انجنت عليك..
احمد بغرور:اكيد بتنجن انا كنز وجاها مجاناً هي واشكالها..
جنا فهمت قصده بلعت غصتها..
احمد بأحتقار:اذا عندك شي مهم قوليه ماعندك ظفي وجهك..
جنا بحزن:احبك..
احمد ضحك بأستهزاء:ههه والله حبتك القراده..<<وسكر..
جنا انقهرت ورمت جوالها بعصبيه وصرخت:يله انت على البيت بسرعه..
السواق في نفسه"هزا بنت مجنونه"..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
هيفاء رمت شنطتها وفسخت عبايتها رمتها بإهمال على الكنب وشغلت المسجل ورقصت..
"طب وحده وحده وبلاش كل دا يقي مره وحده...."..
مشاعل جايه ومعاها كوب نسكافيه:لا اكيد انا احلم..
هيفاء مالت بجسمها:لا انا اللي احلم ههه..
مشاعل:هيفاء وش فيك عسى ماشر..
هيفاء ابتسمت:آه ياقلبي مشاعل بموت..
راكان دخل حاط الشماغ على كتفه ناظرهم بطرف عينه:مساء الخير..
هيفاء ومشاعل:مسااء النور..
راكان رقى الدرج وقفه صوت مشاعل:تعال اجلس معنا..
راكان التفت عليها وضحك بأستهزاء:ههه حمد الله والشكر..
مشاعل تنرفزت:انا قلت شي يضحك..
راكان دخل غرفته وسكر الباب بقوه..
هيفاء:وجع..
مشاعل:وش فيه اخوك ذا..
هيفاء خذت شنطتها وعبايتها:اسأليه (ارسلت لها بوسه) تصبحين على خير..
مشاعل:وانتي من اهله..

ان شاء الله تعجبكم البداية
اذا شفت ردودكم راح اكمل تنزيلها

فديتك والله نآأإيس ستووري
كمليهآآ ع’سولة بليز
بآنتظآرك

..الج الثاني زء..
....يوم الخميس والكل يتجهز للروحه للإستراحه....
::
××في بيت ابومشعل××
مشعل يجهز شنطته وتركي قاعد يسولف على راسه..
تركي:قسم بالله لو شفتها ودك تذبحها..
مشعل ياخذ تيشيرتات:الحين انت وش دخلك فيها..
تركي:بنت عمتي..
مشعل:والله كان رحت لها وعطيتها كف قدام العالم وبردت اعصابك..
تركي:كان بندر بيسويها بس انا مسكته..
مشعل:ليه مسكتاه..
تركي:لوتركته بتقوم الحرب العالميه الثالثه..
مشعل: خلها تقوم والله لوكنت انا اللي شايفها ماسويت شي ولو تمرعندي بقول ذا البنت مااعرفها..
تركي:علشان راكان صح..
مشعل انقرف:لاتجيب طاري اسمه تكفى..
ام مشعل دخلت:طيب جدتك مافكرت فيها..
مشعل رفع عطرين:يمه اختار هذا وإلا هذا..
ام مشعل:انت وين وانا وين مشعلوه رد علي جدتك لو ماشافتك بتزعل عليك..
تركي:يمه لاتعبين نفسك والله مو معك..
مشعل:لامعها يمه لاتشيلين هم بقعد معاكم شوي (رفع العطرين) الحين اختار هذا وإلا هذا..
ام مشعل رمت عليه المخده:لاهذا..
مشعل:ههه..
ريم دخلت وهي حايسه بنفسها والنفس موصله:ماما انتي هنا..
مشعل:لاهناك..
ريم:هاهاها ياانك بايخ ومالك داعي..
مشعل:افا افا هذا وانا بسافر بدال ماتاخذيني بالاحظان تقولين بايخ ومالك داعي..
ريم:مشعل انا من دون شي ونفسي موصله هنا (واشرت على انفها) فأحسن لك بعد عن طريقي لايجيك بوكس محترم..
مشعل:اسف اسف ماقلت شي..
ريم:ماما ماشفتي سوارتي اللي فيها حرف الR وين..
ام مشعل:انا ادري عنك دوريها..
ريم:لحول دورت عليها في كل (ضربت راسها) صح نسيتها في بيت امي نوره..
تركي متربع على السرير:هذا اللي استفدناه منك تضيعين اغراضك في بيوت خلق الله..
ريم تنرفزت:جانا الثاني..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
××في بيت ابوفيصل××
لمى وفهد قاعدين يلعبون بلاي ستيشن والوضع حامي..
لمى لابسه تيشيرت برشلونه عشقها:فهيد اقول انسحب والحين..
فهد مقهور:تونا تونا..
لمى:تونا وإلا قشطه هههاي..
فهد:اسكتي قبل مايطلع شيطاني الاحمر..
لمى:وانا ماسكته يله طلعه (وقفت) شوف شووف قول..<<وقعدت تنطط على الكنب..
فيصل متمدد على الكنب ومعاه اللاب توب:جد العقل نعمه..
ام فيصل دخلت وشهقت:انتي وش مقعدك هنا..
لمى مومعاها:شوف الهدف من الزاويه تسعين..
ام فيصل صرخت:لميوه ووجع..
لمى من صرخة امها طار شعرها خ:سمي..
ام فيصل عصبت:بنمشي بعد شوي وانتي قاعده تلعبين مع ذا البزر..
فهد شوي ويبكي:والله انا مو بزر..
ام فيصل:تكبرين وتنهبلين انتي..
فيصل:يله لقطي وجهك خ..
لمى:والله انت محد كلمك..
فيصل ببرود:وشو ماسمعت..
ام فيصل اشرت على الباب:يله قدامي يابنت..
لمى نزلت راسها:ان شاء الله..
ام فيصل:وانت وياه قوموا..
فيصل:انا ياطويلة العمر بجي مع نايف إلا عاد اذا تبوني اوصلكم..
لمى:لا شكراً..
ام فيصل صرخت:مطوله..
لمى انحاشت لغرفتها لقت مها جالسه على الارض وقاعده تلف شعرها وعلب اللإكسسوارات قدامها..
لمى تخصرت:يا الشيخه..
مها:تكلميني..
لمى بطفش:لا الجدار هيه..
مها:...............
لمى صرخت:مهيوه..
مها رفعت راسها:خير خير نعم وش تبين اخلصي ترى وراي شغل..
لمى:وش جابك لغرفتي..
مها:اتفرج عليها يعني وش جابني جايه اشوف وش عندك من اكسسوارات..
لمى خذت روبها:الله يعدي هاليوم على خير..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
××في بيت ابو راكان××
هيفاء تتحمم ومشاعل تكلم صديقتها متممده على بطنها وتلعب بخصلات شعرها الكستنائي:ههه شي ياليتني معكم..
ام راكان تدق الباب..مشاعل:لحظه شوي منو..مين..
ام راكان:افتحي..
مشاعل رفعت السماعه:ايوه منال بعدين اكلمك اوكي..يله بااي..
ام راكان تزيد دق الباب:بسرعه انتي..
مشاعل تمشي ببطئ وفتحت الباب ببرود:ايوه..
ام راكان دفتها لداخل الغرفه وهي معصبه:انتي للحين مالبستي ولاتحممتي..
مشاعل جلست على الكرسي وحطت رجل على رجل:ليه إنا وين رايحين..
ام راكان فتحت عيونها على اخر شي:لإستراحة جدتك ياحظي..
مشاعل خذت كورة صوف اللي على طاولتها ورمتها في الهواء:بصراحه مام اهلك ماينطاقون بالمره..
ام راكان مسكت شعرها بعصبيه:لو سمعتك تقولين هالحكي مره ثانيه بكسر راسك فاهمه..
مشاعل بعدت يد امها عنها:اي شعري انا صادقه بيت امك واخوانك يجيب المرض..
هيفاء طالعه من الحمام ورايقه:مامي ماعليك من مشاعل اهلك بصراحه (بأستهزاء) يوسعون الصدر ماقد شفت مثلهم بحياتي..
مشاعل غمزت لهيفاء وضحكوا..
ام راكان انقهرت وعصبت:والله ثم والله لو ماشفتكم جاهزين بعد نص ساعه بخلي ابوكم يشوف شغله معاكم..
هيفاء تتريق:هو سائل علينا اصلاُ..
مشاعل مكمله معها:اصلاً مايدري ان احنا بنروح استراحه اليوم ههه..
ام راكان انقهرت من جد حظها شين لارجال تعتمد عليه ولابنات مثل بنات خلق الله الاحترام رامينه في الزباله ويكلمون امهم كأنها بنت الجيران وولدها مو معاهم اصلاً ولايدري عن الدنيا...
هيفاء بعربجه مو راكبه عليها:وين مكمله يااسماء..
ام راكان عصبت بزياده:بسرعه اخلصوا..<<وطلعت من الغرفه..
هيفاء شالت الفوطه عن شعرها:مسكينه مام حظها نحس في عيالها وزوجها الفاهي ههه..
مشاعل بلامبالاة:والله محد قال لها تجيبنا ههه..
هيفاء تناظر المرايه وغمزت لمشاعل:اليوم بتشوفين حبيب القلب..
مشاعل تنهدت:وهذا اللي بيخليني اروح لاهلك غصب عني..
::
..في غرفة راكان..
راكان..علاقته مع اهل امه عدم يكره خواله وعيالهم وهو رايح اليوم علشان خاطر الجده نوره هي اللي ربته وعطته كل اللي يبيه الحب والحنان اللي عمره ما شافه في امه..
كان لابس بنطلون جينز عليه حزام عريض اسود وقميص ابيض فاتح ازاريره للاخير ومتمدد على سريره ومشغل مساري ومعلي الصوت على اخر شي..
مشاعل مرت من جنب غرفته شافت الباب مفتوح شوي طلت عليه وابتسمت تحبه حتى اكثر من ابوها تحسه كل شي في دنيتها مع انه مايعطيها وجه لان حركاتها الماصخه ماتعجبه..
دخلت بخفه سكرت المسجل:هاي..
راكان يناظر السقف وبدون نفس:خير..
مشاعل جلست جنبه وبدلع سكرت ازاريره:حتى انت منقرف من اهل امك..
راكان بعد يدها عنه وعدل جلسته:والله منقرف منك لاعاد اسمعك تقولين هالحكي..
مشاعل بغرور:وش عاجبك فيهم..
راكان عصب:مشاعل ظفي وجهك عني لايجيك كف الحين..
مشاعل تنرفزت:علشانهم تعطيني كف..
راكان قرب منها ومسك بلوزتها من بين اسنانه:واكسر راسك بعد انا مدري على ايش رافعه خشمك..
مشاعل تجمعت الدموع في عيونها دفته عنها:ابعد اكرهك..<<وطلعت..
راكان بصوت عالي:بس مو اكثر مني..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
××في بيت ابونايف××
نايف يلبس الكاب:الحين وش فيك مطيح عندي..
بندر يستهبل:معجب..
نايف:اسف مااقبل معجبين..
بندر:مصدق نفسك بزياده ترى ياولد كندا..
نايف:الحين وش فيكم ماسكين علي هالكلمه..
بندر:لانك من رجعت من هناك واخلاقك بايعها..
نايف:ليه افا..
بندر يرفع العطر:افاا وهذا الدليل..
نايف انقرف:قسم بالله انه من دكتوره عندنا وكبر جدتي لاوش جدتي اخاف اظلمها لايروح تفكيرك بعيد ترى وجهها يجيب المرض..
بندر تعطر:والله وعندها ذوق..
نايف ابتسم بدون نفس:شايف كيف..
بندر يناظر نايف ووده يقول ووده مايقول..
نايف انتبه له:كنك تبي تقول شي..
بندر:بصراحه ايه بس هو امانه في رقبتك..
نايف لف عليه:ايش..
بندر:وعد ماتقول لاحد وخاصه مشعل..
نايف بأهتمام:اوكي وعد مااقول بس ايش..
بندر:ملاك تزوجت..
نايف مو مستوعب:كيف..
بندر:شافها حمد خويي في دبي ومعها زوجها..
نايف:العب غيرها..
بندر رفع كتوفه:عمرك ماصدقت..
نايف:هي تموت على مشعل كيف تتزوج..
بندر:والله عاد هذا اللي صار وإلا..<<وسكت..
نايف:وإلا ايش..
بندر:ولاشي..
نايف:بندروه..
بندر:إلا اذا كان خويها..
نايف ميل فمه:مالت عليك وعلى تفكيرك اللي مثل وجهك..
بندر:والله مو غريبه عليها..
نايف:ماعلينا منها بس اسمع لاتقول لمشعل ترى والله يعلقنا انا وياك بدال خروف العيد..
بندر:الحين لي ساعه اقولك وعد وامانه ومدري ايش وانت قاعد توصيني..
نايف:لااذكرك بس..
ام نايف جت عندهم:وانت ورا مارحت..
نايف يدور عذر:ولدك اخرني..
بندر حقد على نايف حقد:انا هاه..
نايف غمز لبندر:ايه انت..
بندر عض شفايفه:جد انك..وإلا مولازم اقول انت عارف نفسك..
ام نايف:يله نايفوه بسرعه خلصني..
نايف خذ نظارته والمفتاح:اوكي يله سلام..
ام نايف:وانت يله على الحمام..
نايف كان يعدل جزمته عند الدرج وسمعها بصوت عالي:حلوه ياام نايف ههه..
بندر فتح عينه على اخر شي:بزر انا..
ام نايف ابتسمت:والله لو صار عمرك 50سنه بتبقى في عيني بزر..
بندر يمزح:مطوله يمه ههه..
ام نايف ضربت كتفه:وجع ان شاء الله..
بندر باس راسها:الله يطول بعمرك ياقلب بندر وروحه..
ام نايف:ايه العب علي بهالحكي..
::
..في الصاله اللي تحت..
ابونايف يناظر قناة الاقتصاديه الاسهم ويتقهوى..
نايف باس راسه:مساء الخير..
ابونايف بأبتسامته اللي تشبه ابتسامة نايف كثير:مساء النور هلا وانا ابوك تعال تقهوى..
نايف:والله يابونايف ودي بس ام نايف موصيتني على اغراض..
ابونايف:ياكثر ماتوصي هالحرمه..
نايف:ههه لاتسمعك الحين والله تتوطى في بطنك..
ابونايف:ذاب الميانه اشوف..
ام نايف نازله من الدرج:نايفوه ووجع..
ابونايف:مين بيفكك من يدينها الحين ههه..
نايف ركض وفتح الباب:باي..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
×× في بيت ابومشعل××
ريم تاخذ لفه على نفسها:شو رأيك..
تركي صفر:اوه ياعيني وش ذا الحلا بصراحه مااصدق ان اللي قدامي ريم..
ريم:تبيني اعطيك بوكس علشان تصدق..
تركي:انتي وش فيك اليوم مشتهيه تعطين بوكس لأحد..
ريم:والله إظاهر كذا وذا البوكس يابيجي في خشتك او خشة اخوك..
ام مشعل تسكر عبايتها:يله يله تأخرنا على جدتكم..
تركي:يمه اي تأخرنا الساعه ثلاث..
ام مشعل:المفروض بعد طالعين من الصبح احمدوا ربكم يعني..
تركي:حمد الله..
ام مشعل:يله قبل مايأذن العصر عاد متى بنوصل..
تركي:شايله هم يمه باقي على اذان العصر ربع ساعه مايمدينا نمشي خطوتين إلا وهو مأذن خليها بعد الصلاة..
ام مشعل:اقول يله قدامي..
تركي وقف:مره ثانيه انسوا اني بوصلكم..
ريم:اذا جت المره الثانيه يحلها الف حلال..
ام مشعل متكتفه:مطولين..
تركي:لا بنلف يمين خ..
ريم:بايخه..
تركي:محد طلب رايك..
ام مشعل صرخت:بتمشون وإلا وشلون..
تركي خاف:طيب طيب ان شاء الله..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)

××في بيت ابوفيصل××
ام فيصل تدق الباب على لمى:بسرعه انتي..
لمى فتحت الباب وشايله شنطتها وعبايتها وجزمتها:خلصت خلصت..
ام فيصل:مبين والله..
لمى رمت العفش اللي معها على الارض ودارت على نفسها:وش رايك ياقميل..
ام فيصل ماعطتها وجه:يله الحقيني..
لمى كشرت:لفه ودنيا دار راسي وفي الاخير يله الحقيني..
ام فيصل نزلت:اقول بلا كثرة حكي..
مها:انتي وش فيك استعجلي شوي..
لمى جلست على الارض تلبس جزمتها:وليه استعجل بعدين انا مدري ليه امي معلقه على اليوم حاطه دوبها بدوبي وكأني قاتله لها احد..
ام فيصل بصوت عالي:لميوه..
لمى ضربت خدها مقهوره:شفتي..
مها:ههه لااكيد قاتله لها احد مافيها كلام..
لمى وقفت ونزلت وهي تتحلطم..
ام فيصل واقفه عند الدرج وتهز رجلينها:بسرعه يالبارده..
لمى نطت درجتين بغت تخبط على وجهها تمسكت في امها:ماما..
ام فيصل:عمى يعمي العدو ان شاء الله مو كذا عاد..
لمى مسكت موالها:عاد وإلا ثمود هههاي..
فهد:لا اصحاب الايكه..
لمى شافت ابوها يقرى الجريده نطت عليه وباسته:اشتئتلك يابي..
ابوفيصل:ههه شوي شوي..
فهد يلعب بالمفتاح ناظر امه بطرف عينه:متى بنمشي..
ام فيصل تكتفت وبطفش:لما ينتهي مشهد الابوه حق اختك..
لمى همست:مرتك ذي ذبحتني..
ابوفيصل:ههه..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
××في بيت ابوراكان××
ام راكان دخلت على راكان:وش فيك راكان..
راكان على نفس جلسته اللي من ساعه قال بدون نفس:مافيني شي..
ام راكان: فيك شي والا مافيك انا وش علي قصدي وش فيك مزعل مشاعل..
راكان بدون مايناظرها:ياليل ماطولك شكل هاليوم مو معدي على خير..
ام راكان بحزم:راكان ناظرني لما احاكيك..
راكان ناظرها يكرهها يعتبرها ابشع خلق الله هي اللي رمته عند الجده نوره وقالت انا مو مستعده اربيه هي اللي فضلت مشاعل وهيفاء عنه مع انهم مايعاملونها بأحترام مثله علشان كذا كره عيال خواله يحس انه ناقص عنهم هم عندهم كل شي ام تمسح دمعتهم تحظنهم تحسسهم بالامان واب يشدون فيه الظهر عزوتهم وتاج راسهم يستمدون القوه والصبر منه واخوان يفضفض لهم يمزحون مع بعض يلعبون مع بعض هو ماعنده هذا هو ولاشي..
ام راكان:خير وش فيك تناظرني كذا..
راكان بأحتقار:مو انتي قلتي ناظرني لما احاكيك هذا انا اناظرك خير امري نعم وش تبين..
ام راكان:وش فيك على مشاعل..
راكان:اها مشاعل حبيبة قلبك بليز علميها كيف تحكي اول وتترك عنها المياعه والغرور اللي ذابحها مدري على ايش..
ام راكان عصبت:وانت وش عليك..
راكان:صح انا وش علي (وقف وقرب منها) زوجك الحلو وينه يشوف المهزله هاذي..
ام راكان فتحت عيونها على اخر شي وكانت بتعطيه كف لكن مسكت نفسها..
هيفاء دخلت وهي ماسكه عبايتها:مامي يله نروح..
ام راكان:اختك وينها خلصت والا لسه..
هيفاء تنفخ على المناكير:مدري عنها..
راكان:عايله مفهيه من جد..
هيفاء تنرفزت:انت حقير متخلف غبي قروي وقح..
راكان صفق لها:اوه شاطره وايش بعد..
هيفاء:انت ليه اسلوبك زفت كذا..
راكان ببرود:علشاني كذا واللي مو عاجبه اسلوبي (اشر على الجدران)عنده ذولي يطق راسه في اي واحد فيهم..
هيفاء انقهرت:اف حقير..
مشاعل تسكر عبايتها:يله مام..
ام راكان:اوكي يله وانت لاتتأخر ترى امك بتسوي لك سالفه..
راكان بنفس البرود:امي تقول اجي مثل مااحب واطلع مثل مااحب انتم بس فارقوني وماعليكم مني..
ام راكان انقهرت طلعت من الغرفه مالها خلق تتمشكل مع احد وخاصه راكان:يابنات الهم يله تعالوا..
راكان:يله يابنات الهم يله حبايبي انقلعوا عني..
مشاعل طلعت بدون نقاش بس علشان راكان وإلا اذا كان واحد ثاني غيره غسلت شراعه..
راكان:وانتي ماودك تروحين..
هيفاء صرخت في وجهه:سخيف..
راكان ضحك بأستهزاء:ههه..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
××في السوبر ماركت××
خلود:وانتي اذا حملتي وش تتمنين ولد وإلا بنت..
هديل:بنت..
خلود:وش معنى..
هديل تغني:اموره وحلوه وكتكوته..
ولد كان واقف وسمعهم وابتسم..
هديل:حتى ريم تقول اتمنى اجيب اول شي بنت بعدين بنت بعدين بنت..
خلود:ههه..
هديل لفت وصدمت في كتف شاب وشهقت:اسفه..
الشاب التفت عليها:ماصار شي عادي..
هديل مفهيه في ملامحه..
خلود سحبتها وهمست:خير ان شاء الله..
هديل:نايف..
نايف:تعرفيني..
هديل:انا اخت مشاري..
نايف ابتسم:اهلين بأخت الغالي كيفك..
هديل عيونها طايحه في الارض:بخير..<<ياخذ امن جابتك تهبل..
نايف:خلونا نشوفكم عاد انتي والوالده..
هديل:ان شاء الله..
نايف:وصلي سلامي لمشاري القاطع والوالد..
هديل ابتسمت من ورا الغطا:يوصل..
نايف:يله سلام..<<وطلع..
هديل شهقت شهقه ملت السوبر ماركت كله..
خلود:عمى..
هديل:في ذمتك مايجنن..
خلود:والله مافيه احلى من سوسو..
هديل:مالت عليك وعلى سوسو حقك ذا..<<ومشت بسرعه قبل مايجيها بوكس محترم..
خلود تمشي وراها بثقل كنها بطريق خ:هديل وقفي..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
دخل بسيارته الروز رايز داخل القصر وصوت الميوزيك عالي..
نزل من السياره بغروره وتكبره جوا القصر..
فسخ نظارته"جورج ارماني":كالعاده الوالد مسافر يا ميري..
ميري جايه تركض وتلهث:yes..
احمد بأحتقار:شوي شوي لاتطيرين (قرب منها ومسك بلوزتها وبنظرات خبث) كيف حالك ياحلوه..
ميري خافت:الحمدو لله..
احمد ضحك بأستهزاء:ههه صدقت نفسها (بعدها عنه بقرف ونفض يده) give my food coikly..سمعتي وش قلت كويكلي..
ميري راحت تركض للمطبخ:بسورعه هزا مستر احمد يبي اكل..
احمد تمدد على الكنب براحه وحط رجل على رجل شاف صورة ابوه كبيره معلقه على الجدار:كيف حالك ياسيد المجتمع الراقي ههه..
...ربع ساعه بالضبط الاكل كان على الطاوله...كانت الطاوله مليانه..
احمد حاط يده على خذه وبأحتقار:شايفتني بغدي قبيله انا..
ميري بلعت غصتها..
احمد وقف:شبعت..
ميري فتحت عيونها على اخر شي مامد يده على الاكل حتى..
احمد رقى لجناحه رمى نفسه على السرير ونام...
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
××في بيت ابونايف××
نايف يحط الفطاير وورق العنب على الطاوله:يام نايف..
ام نايف:هاه جبت اللي وصيتك عليه..
نايف:ايه يله انا بروح اتحمم..
ام نايف:الله يعطيك العافيه..
نايف:الله يعافيك..
نايف رقى وقابل بندر بوجهه يسكر الكبك حق ثوبه:شكلك بالثوب غلط..
بندر:ياخوي ماتعرف تجامل..
نايف:لا..
بندر:روح تحمم بس احسن يا (وخربط له شعره) وائل كفوري..
نايف:اما عاد وائل كثر لي منها..
ام نايف تبخر بندر:الله يحفظك من العين والحاسدين والظالمين ومن عيال الحرام قول آمين..
بندر:ههه آمين آمين..<<ومشى لناحية الباب..
ام نايف:اقرى المعوذات يمه..
بندر:ان شاء الله يله سلام..
ام نايف:وانت لسه واقف..
نايف:لا بس كنت اتفرج على فيلم مصري قبل شوي خ..<<وطلع لغرفته بسرعه..خذ روبه وفوطته ووقف على صوت جواله..
رد:هلا فصول..
فيصل:بتطلع الحين..
نايف:توني ماتحممت..
فيصل:ياليل ماطولك..
نايف يناظر ساعته:اوه لاشكلنا تأخرنا..
فيصل:إلا اكيد ياابن الحلال اخلص بسرعه وإلا بروح لحالي..
نايف:طيب سكر علشان اخلص بسرعه..
فيصل:ان شاء الله..<<وسكر..
نايف ناظر في جواله:مو كذا عاد..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
××في الاستراحه××
كانت كبيره وفيها قسمين للرجال والنساء وفيها ملعب لكرة القدم و كرة طائره ومسبح والعاب للصغار..ومع الجو البارد والمطر الخفيف..صار المكان روعه..
::
ريم ولمى ومها يلعبون كرة طائره..
مها:ياذكيه مو كذا يضربونها..
لمى:اللي يسمعك يقول محترفه..
ريم تشوت الكوره برجلها:كذاا احسن..
لمى ومها:ههه..
.. ام راكان ومشاعل وهيفاء وصلوا اخر ناس...
مها همست:جت النكد..
لمى:ماعليك منها..
مشاعل وهيفاء:هاي..
ريم:هاي..
مشاعل:وانتو ماتبون تردون وإلا ماعندكم لسان..
مها:لا ابشرك عندنا تونا شارينه خ..
مشاعل ناظرتها بأحتقار:ردي على قد اللي ينقال..
مها:وانا رديت على قد اللي ينقال..
ريم حست ان الحرب بتبدى:كيفكم..
مشاعل وهيفاء:تمام..
هيفاء:وين الحريم جالسين فيه..
ريم:في المجلس..
هيفاء وهي تمشي:ثانكس..
ريم:ويلكم..
مها تقلد مشاعل:وانتو ماتبون تردون وإلا ماعندكم لسان..ياشينك ماسكه نفسي بالقوه ترى..
ريم:والله بعد انتي ماقصرتي..
::
مشاعل تشوف شكلها في المرايه:اف ياليتني ماجيت..
هيفاء:وحبيب القلب..
مشاعل:اه هيفاء تكفين اسكتي لا اتهور الحين و اركض له..
هيفاء:تسوينها..
مشاعل:ايه والله اسويها ولايهمني احد..
هيفاء:شعوله مو وقت هبالك الحين بعدين وش هذا اللي لابسته الدنيا برد..
مشاعل:هذا كله علشان ولد خالك الحلو..
...مشاعل كانت لابسه فستان اخضر نص الفخذ بدون اكمام ومفتوح من ورا لين اخر ظهرها ضيق ومبين شكل جسمها..شعرها رافعته كله ومنزله غرتها على وجهها..لبست صندل ذهبي وسلسال ذهبي وحلق كبير ذهبي..حطت ميك اب كثيف تبي تبرز جمالها اكثر مع انه مايحتاج بس هي كذا تبي عيون الكل عليها..ومافيه شي يرضي غرورها بس طالعه جذابه بمعنى الكلمه..
::
دخلوا المجلس....
ام راكان:هاذولي بناتي يمه....<<زيارات مشاعل وهيفاء قليله لجدتهم وتقريباً مايشوفونها الى من عيد لي عيد علشان كذا قالت ام راكان هالحكي...
الجده نوره كشرت لبس مشاعل فاظح مره:داريه تحسبيني مااعرفهم..
ام راكان تفشلت تمنت الارض تنشق وتبلعها..
مشاعل ابتسمت بدون نفس:كيفك قراند ماذر..
الجده نوره بهمس:والله مدري وش ترطن ذي..
ام مشعل كانت جنب الجده نوره وضحكت بصوت واطي..
هيفاء راحت وحبت راس الجده نوره مع انها ماتطيقها:وش اخبارك يمه..
الجده نوره:حمد الله وش اخبارك انتي..
هيفاء:تمام..
ام راكان بأبتسامه:يمه هاذي هيفاء..
الجده نوره:انتي وش فيك تعرفيني عليهم وكأني ابد ماشفتهم..
ام راكان هنا لاصدق تمنت الارض تنشق وتبلها تغير وجهها مية لون..
مشاعل بهمس:شوفي شكل امك..
هيفاء:ههه..
::
××في قسم الرجال وفي مجلس الرجال××
بندر يتحرك وهو جالس يعدل شماغه وكمومه..
تركي مسكه:ياخوي اركد..
بندر: ياخي احس شكلي بالثوب والشماغ غلط..
تركي:ههه انا بعد احس كذا..
بندر:انت ونايفوه شغلتكم بس تحطموني..
تركي مع غمزه:المهم راي الحبايب وإلا..
بندر ابتسم:ايه صح قلتها اهم من رايك وراي الدلخ اللي عندي..
تركي:افا..
::
راكان كان جالس بأخر المجاس ويطقطق بجواله كان فاتح ازاريره ومسكر الازارير الاخيره ولابس بعد سلسال اخره حديده محفور فيها حرف الR..
::
مشعل:شوف الاخ راكان جالس في مقهى..
نايف:وين ابوه..
مشعل:ماجاء.. اصلاً وجوده هو وابوه مثل عدمه..
نايف عطاه كوع:اسكت لايسمعك احد..
مشعل:انا ابيهم يسمعون..
فيصل:انت وياه وش تهذرون..
مشعل بحقد:شوف راكان..
فيصل: تصدق احس انه بزر..
مشعل:اصلاً هو بزر..
نايف:ياليل بتطولون انتو خلوا الولد في حاله..
مشعل يناظر راكان بأحتقار:والله والله وهذاني حلفت ان ماربيته زين مااكون مشعل..
فيصل:ماتوصل لهالدرجه..
مشعل:لا توصل لأكثر من كذا بعد..
نايف:وش ناوي تسوي..
مشعل:كل شي بوقته حلو..
نايف بهمس:انا اشهد ان ولد عمك هذا مجنون رسمي..
فيصل:والله انا مع مشعل اللي بيسويه انا بسويه معاه..
نايف:متفقين على شي..
مشعل:ولا شي بس انا قلت كل شي بوقته حلو وكفو يافصيل هذا العشم فيك والله مو مثل بعض الناس..
نايف:بكيفكم انا مالي دخل وبعدين ذيك السالفه خلاص سكرناها..
مشعل وقف:وانا بفتحها..
:

مشكورة على هذا الموضوع اللى تدخني في ذكريات قديمة
ياههه دنياه

مشكورة حبيبتي يعطيك الف عافية على البارت الحلو وين الباقي لالاتتاخري

:
..الج الثالث زء..
××في قسم النساء××
ريم دخلت المجلس...
ام نايف:ماشاء الله وش هالزين وش هالحلاوه..
ريم توردت خدودها:تسلمي..
لمى:وش هالحركات شكلها حاطه عينها عليك..
ريم:ممكن تنطمين..
لمى:طيب سكتنا..
ريم:لحظه قبل ماتنطمين وين مها..
لمى:مدري يمكن طلعت تشم شوية هوا(ناظرت في مشاعل) بدال الكتمه هنا..
ريم:ههه..
مشاعل انقهرت وبهمس:اوريكم انتي وياها مابقى إلا البزارين بعد..
لمى اشرت لها بلامبالاة:ههه..
::
مها كانت تتمشى وهي في عالم ثاني وفي دنيا ثانيه..
جاها صوت من وراها:
مهاا..
مها ماقدرت تلف تجمدت مكانها..
مشعل جا قدامها:ليه مالفيتي يعني لازم تخليني ادق مشوار..
مها:ههه..
مشعل:كيفك..
مها بأرتباك:تمام..
مشعل:يعني عجزتي تلفين وعجزتي بعد تقولين كيفك يامشعل بس ابشرك حمد الله انا بخير..
مها:ههه لاكنت بقول بس انت..<<وسكتت ماعرفت وش تقول..
مشعل:وانا ايش..
مها:.............
مشعل:مو هذا موضوعنا المهم الحين انتي وش طلعك برد هنا..
مها:جيت اشم شوية هوا مشعل صدق بتسافر..
مشعل:ايه ودك تروحين معاي ترى والله ماعندي مانع..
مها:تخيل..<<والله ياليت..
مشعل:تراني طالع من المجلس وطفشان من اللي جوا يعني انتي جيتي في وقتك تونسيني..
مها حطت عينها في عينه"معقوله للحين تحب ملاك":مشعل ممكن اسألك سؤال..
مشعل:قولي..
مها بتوتر:يعني انت لل....<<وسكتت..
مشعل:ايه كملي..
مها حطت شعرها ورا اذنها بأرتباك:للحين تحب ملاك..
مشعل تغير لون وجهه"قلبتي علي المواجع وش جاب طاريها الحين"..
مها تجمعت الدموع في عينها:شكلي ضايقتك..
مشعل لف عنها ودخل يدينه بجيب جاكيته..
مها لحقته ومسكته بدون شعور:اسفه ماكان قصدي..
مشعل ناظر في يدها ومها بعدتها..
مشعل ابتسم بضيق:ماله داعي تتأسفين..
فيصل بصوت عالي:مشعل..
مها:روح شوفه..<<اول مره يافصيل تسوي خير فيني..
مشعل حقد على فيصل حقد:اوقات اخوك غلط يله باي ميمي..
مها ابتسمت بضيق:باي..
مشعل ركض لفيصل:خير خير وش تبي..
فيصل:الجماعه اللي جوا يسألون عنك وينك..
مشعل:رحت للحمام يله ندخل قبل مايسوون لنا سالفه..
::
مها دخلت المجلس وهي سرحانه في مشعل..
لمى:مهيوه..
مها:..............
لمى صرخت في اذن مها:مها..
مها:اي انتي اذني ابيها خير وش تبين..
لمى:اللي ماخذ عقلك..
مها معصبه:محد..
لمى:وش فيك معصبه..
مها:مافيني شي..
لمى بهمس:مشعل صح..
مها بحزن:توني شايفته..
لمى بحماس:والله وش قلتي له وش قالك..
مها نزلت راسها:ولاشي..
ام فيصل:لمى..
لمى بهمس:شغلك معاي بعدين (علت صوتها) سمي..
مها نزلت دموعها"وش حقه الحين قلت له هالكلام وش دخلني انا"..
::
××في قسم الرجال××
ابونايف:اجل وين ابوك ياراكان..
راكان قاعد يناظر الجوال:ماراح يجي..
ابوفيصل:ليه عسى ماشر..
راكان وقف:اسألوه انا وش يعرفني..<<وطلع..
الكل اللي في المجلس مستغربين من كلامه إلا مشعل لانه عارف وقاحته زين..
::
طلع راكان يتمشى وشاف ريم جالسه في المرجيحه وتلعب بخاتمها..قرب منها وهمس
:ياناس احبها..
ريم رفعت راسها ووقفت:خير وش تبي..
راكان ناظرها بخبث:ابيك انتي..
ريم خافت لفة عنه بس هو سبقها ومسك يدها:احبك يابنت الحلال..
ريم سحبت يدها وركضت..
راكان بخبث"بمشيها هالمره واذا تبين اللي بعدها واللي بعدها بس مصيرك لي انا وبس"..
::
ريم دخلت غرفه وسكرت الباب وتسندت عليه قلبها تزيد دقاته وصوته يرن في اذنها.."احبك يابنت الحلال"..غمضت عينها تحاول تنسى وتهدي نفسها..
جلست على السرير تحس في عيونه خبث وحركته البايخه اللي سواها تدل انه وقح وقربه منها تحس انه ناوي على شي..
انفتح الباب بقوه ريم حطت يدها على وجهها وصرخت
:بعد..
لمى:حبيبتي ريوم وش فيك..
ريم رفعت راسها وبلعت ريقها:هذا انتي..
لمى جلست جنبها:ريم فيك شي..
ريم حظنتها ويدينها ترتجف:لمى خايفه..
لمى:وش خايفه منه..
ريم:منه هو(غمضت عينها بقوه وقالت بصعوبه) راكان..
لمى بعدت عن ريم:راكان ليه وش سوى..
ريم برجفه:مدري خايفه..
لمى ابتسمت:لا اكيد انتي تحلمين قومي غسلي وجهك وانزلي الكل يسأل عنك (بقهر) لا شكلي انا ومها بنعنس وإلا بنتزوج هندي يااختي غطيتي علينا..
ريم ابتسمت ابتسامه صفراء وقامت..
::
...بجنب المسبح كانت هيفاء واقفه تناظر جوالها اليومين اللي راحت وهي تفكر تتصل وإلا ماتتصل في الاخير قررت ترسل له مسج...
مشاعل:هاه وش عندك..
هيفاء بهمس:خلاص بعدين اقولك..
مشاعل:وش السالفه..
هيفاء:قلتلك خلاص بعدين..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
..في افخم قصور الرياض.....
احمد قام من النوم وغسل رن جواله على مسج.."اكيد جنا ام النكد"..فتحها..
"..هااي احمد انا هيفاء.. كيفك؟!
لولاك في الدنيا غدى الحب مفقود..انت الوحيد اللي بتحقق مُناتي"..
احمد يقرأ وهو يبتسم بعدين تحولت بسمته الى ضحكة استهزاء.. :ههه من اولها كذا لا حلو حلو والله يومين وجابت نتيجه..<<رفع جواله ودق على جنا..
جنا:هلا حبيبي..
احمد: الله يقرفك على هالكلمه بس بقولك ضبطت..
جنا بأستغراب:ايش..
احمد:هيفاء..
جنا بفرحه:جد ميدو عن جد تتكلم..
احمد بغرور:اصلاً كيف ماتضبط انا احمد..
جنا:ههه ماني مصدقه..
احمد:شكلك حاقده عليها حقد ناويه عليها..
جنا بحقد:وش حاقده شويه..
احمد:يله الحين بحاكيها..
جنا:اوكي حياتي..
احمد"ياشينها من فمك"وسكر على وجهها..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)

××في الاستراحه××
ريم دخلت المجلس وتحاول تكون طبيعيه وتبتسم طول الوقت..
مها:شوي شوي لاينشق حلقك..
ريم:بلاك ماتدرين..
مها:ادري عن ايش..
ريم:سلامتك..
::
عند هيفاء..ومشاعل..
هيفاء رن جوالها وارتبكت..
مشاعل:ردي..
هيفاء بخوف:لا مابي ارد ردي انتي (ومدت لمشاعل الجوال) لالا خلاص انا برد..
مشاعل:حمد الله والشكر..
هيفاء تأشر لها اسكتي ردت بصوت اقرب للهمس:احمد..
مشاعل تسمع ولاتدري وش السالفه..
احمد بصوته الجذاب:وشو ماسمعت..
هيفاء بغت تطيح على الارض راح صوتها وقلبها يدق بسرعه فظيعه:احم..احم..اح..مد..
احمد:ههه واخيراً طلعت كيفك حياتي..
::
..عند الشباب الوضع غير قاعدين يلعبون بلوت..
تركي:فصيل..
فيصل:خير..
تركي:الخير في وجهي لاتغش..
فيصل:ماغشيت إظاهر انت وحطيتها فيني..
نايف:مشيعيل تعال العب..
مشعل يناظر جواله:مالي خلق..
نايف رمى الورق وقام:بطلت..
الكل صرخ معترض بس نايف طنشهم وراح لمشعل..
نايف:خلاص إنسى..
مشعل دخل جواله في جيبه:ومن قالك اني افكر فيها..
نايف:اجل تفكر في ايش..
مشعل:في سؤال مها..
نايف:اللي هو..
مشعل:قالت انت للحين تحب ملاك..
نايف:وانت وش جوابتها..
مشعل:ماجوابتها لاني اصلاً ماادري وش هو الجواب..
نايف:كل اللي سوته وللحين تحبها..
مشعل تنهد بضيق:قلتلك مدري انا احبها وإلا اكرهها وإلا مدري..
فيصل:شباب العشاء..
مشعل بقهر:ولد عمك ذا ودي اذبحه..
نايف:ههه ليه..
مشعل:اوقاته غلط مثل وجهه..
::
نايف طلع يغسل يده لف وفتح عيونه على الاخير مصدوم..
تابع الجزء الثالث ..<<
نايف طلع يغسل يده لف وفتح عيونه على الاخير مصدوم..
لقى مشاعل واقفه قدامه ومايله بجسمها..
نايف يمسح يدينه ناظرها بأحتقار:لو سمحتي بعدي من هنا ماتدرين ان فيه شباب داخل..
مشاعل بدلع:يعني خايف احد يشوفني..
نايف"ياليل فهمت غلط ذي"ابتسم بدون نفس:لا والله وليش اخاف من انتي اختي وإلا امي..
مشاعل بوقاحه:لا هاذي ولا هاذي انا زوجتك مستقبلاً..
نايف يناظرها من فوق لتحت بأحتقار:هه تعرفين تنكتين بصراحه..<<مالت على امن جابتك..
مشاعل صدقت:مشكور حياتي..
نايف طلعت عيونه وقحه بشكل:العفو بس ادخلي..
مشاعل ارسلت له بوسه في الهواء:انت قول ابغى وانا اقول حاظر..انت الوحيد اللي كلامك اوامر..<<ودخلت
نايف كشر:اقول فارقينا حمد الله والشكر والله ماتخيلت عندنا ناس بهالوقاحه..
..:انجنيت من تحاكي..
نايف حط يده على قلبه:ياشيخ خرعتني..
بندر:خير من تحاكي..
نايف عصب:مشتهي احاكي نفسي عندك مانع..
بندر:ههه اوكي بس مو هنا في البيت..
::
××في قسم النساء××
دخلت هيفاء وهي طايره من الفرحه والارض مو شايلتها احمد غرقها بالكلام المعسول اللي عمرها ماسمعته من ابوها وامها اللي هم اقرب الناس لها...
الجده نوره:هيفاء وينك..
هيفاء:كنت في الحمام..
الجده نوره:كل هالوقت في الحمام..
هيفاء بدون نفس:رحت اتمشى شوي فيها شي وإلا ناوين تخنقونا..
الحريم صاروا يلتفتون على بعض مستغربين من كلامها وقحه بشكل,,..
ام راكان همست:اوريك يابنت ال..
هيفاء قاطعتها:اقول فكينا بعدين على فكره انا بنت عبدالرحمن..
ام راكان بأستهزاء:شكراً ذكرتيني..
لمى شهقت:وانا كنت احسب ان هيفاء عاقله طلعت كذا..
مها:ياختي العقل من هالبنتين متبري منهم..
ريم تفكر"يااويلي ياويلي بقعد مع ذا لين بكره وش يفكني منه"
:وانا وش فيني خايفه الله واكبر عااد..
مها سمعتها:وش خايفه منه..
ريم انتبهت:هاه انا قلت شي..
مها:وش سالفتك ريوم..
ريم تنهدت:لا سلامتك..
مها:انتي وش فيك كل ماحكيتك قلتي لي سلامتك وسلامتك..
ريم:ايه وش تبيني اقول..
مها:اي شي غير سلامتك لاني بصراحه تعقدت منها..
لمى:سلامات خير وش صاير لكم تتهامسون..
مها انقهرت:جتنا الثانيه..
ريم:ههه..
مشاعل تبتسم بخبث"بتشوف ياقلب مشاعل ان ماخليتك تشهق بأسمي مااكون مشاعل بنت عبدالرحمن"..
::
,,,في قسم الرجال,,,
تركي يناظر ساعته:مشيعيل يله قوم..
مشعل ترك الملعقه:خير..
تركي:انت متى طيارتك..
مشعل:الساعه تسع..
تركي وقف:يله يله..
بندر:وين..
تركي:للمطار (ناظر في مشعل) وانت لسه جالس يله..
مشعل:انت الحين وش فيك مهتم..
تركي:علشان امك موصيتني عليك قالت لي وصله لين باب الطياره مسكينه تحسبك بتهاجر..
مشعل:ههه اوكي يله..
ابوفيصل:وش فيكم قمتوا..
مشعل:والله ياعمي طيارتي بعد ساعه متى بوصل..
ابومشعل:وانت وش وقفك معاه..
تركي همس في اذن ابوه:اسأل مرتك..
ابونايف:تروح وترجع بالسلامه..
مشعل:الله يسلمك من كل شر يله مع السلامه..
فيصل:اموت واعرف ليه بتروح اكيد..
مشعل قاطعه:مالت على تفكيرك الشين..
الكل:ههه..
نايف من بعيد:مشيعيل باي..
مشعل:باي..<<وطلع..
::