توزيعات بيتي الجديد

السلام عليكم .......... انا ان شالله طالعة في بيت جديد .... واحترت في توزيعات الغرف
ابيكم تساعدوني في توزيع الغرف ......... تحير
راح اعطيكم شكل البيت والغرف وانتم عطوني رايكم ...... واحكمو
البيت الي انا طالعة فية عبارة عن عمارة فيها اربع شقق ... شقتين فوق شقتين تحت وكل شقة لها مدخل بروح ... احنا بناخذ الي تحت والي تحت صايرة دورين
كيف؟؟؟
اقولكم كيف........
القبو مبني بالكامل لذلك صارت دورين دور الي هو الدور الارضي ودور الي هو القبو
يعني الدور الثاني هو القبو
الدور الاول هو الدور الارضي
علشان كذا لاتلموني في توزيع الغرف احترت فيها
بعطيكم التقسيم .... الدور الاول الي هو الدور الارضي في الاساس مكون من

• مجلس رجال معاة دورة المياة والمغاسل الخاصة بة .... هذا منتهين منة ...
• صلة .
• مطبخ يطل على الصالة .
• جناح عبارة عن غرفتين بحمامهم .

الدور الثاني الي هو القبو ... عبارة عن

• غرفة شغالة بحمامها .
• ثلاث غرف احدى هذة الغرف بها المشب وفية كمان دورة مياة .

بالنسبة لي مبدئيا حددت بعض النقاط الاساسية ....
بالنسبة للدور الاول الي هو الارضي ... مجلس الرجال مفروغ منة يبقى( غرفتين والصالة)
الدور الثاني الي هو القبو انتهينا من غرفة الشغالة محددة خالصة يبقى (ثلاث غرف )
فالي باقي ثلاث تحت وغرفتين فوق وصالة ماادري كيف توزيعهم..........
مع العلم اني حاطة في بالي الي احتاجة
1- غرفتين نوم ... وحدة لي وحدة للاولاد ... ومحتارة مدري وين تكون تحت ولا فوق
2- غرفة المعيشة وماادري وين احطها
3- غرفة جلسة لعيالي فيها العابهم ومذاكرتهم ........ وافضل انها تكون بجنب غرفة المعيشة ولا وش رايكم؟؟
4- طاولة الطعام وافكر ان طاولتنا وطاولة الضيوف تكون وحدة .... وهذي مبدئيا افكر انها تكون في الصالة الي فوق لان ابغى طاولة الاكل جنب المطبخ ... والصالة مفتحة فمااحب ان جلستنا تكون فيها ... رايكم؟؟؟
5-وايضا باقي لي مجلس نساء احيانا افكر اني مااحط وتكون نفسها جلستنا ...
6- والغرفة الي فيها مشب مدري شاحطها ؟؟؟.....
فمحتارة احط غرف النوم تحت ولا فوق وجلستنا وجلسة لعيال تحت ولا فوق احترت مرة
قلت الي الا بنات حواء استشيرهم بليز ساعدوني انا ماعندي خبرة
الله ييسر امور الي ترد علي