توست بالدجاج روعه لا يفوتكم تفضلوا

بسم الله الرحمن الرحيم
هلا والله بأحلا فراشات حياكم الله جبت لكم اليوم توست بالدجاج
لذيذ ( صنعة إيديا وحياة عينيا ) مثل مايقولون إخواننا المصريين
المهم مابطول عليكم هذي صورة الأكله ومقاديرها في حال عجبتكم
[
المقادير:
كيس توست_ 4 صدور دجاج_ 1 فلفل رومي كبير مقطع شرائح _ 1 بطاطس مبشورة كبيره _بصله مقطعه صغير
2 م ك مايونيز_ 2 م ك لبن زبادي_ 2م ك جبنه سائله_ مكعب ماجي _بيض_بقسماط_ زيت للقلي
فلفل أسود_ كمون _ ملح حسب الرغبه
طريقة العمل:
أولا: نجيب 2 توست فوق بعض نزيل الحواف ونفردها على بعض حتى تصير خفيفه وملتصقه ببعضها ونقطعها دوائر بقالب تقطيع أو أي علبة جبن او صلصه فاضيه بعد ماتفرغيها
بعد كذا نغمسها بالبيض ثم البقسماط وبس حتى نخلص كمية التوست وبعد كذا نقليها بالزيت وبعد ماتتنفخ وتتحمر نطلعها من الزيت ونفتحها بالسكين مثل الساندويش ونتركها على جنب
ثانيا: نجيب الدجاج ونقطعه قطع صغيرة ونجيب مقلاة ونحط بها شوية زيت ونضيف البصل ونتركه شوي حتى يذبل بعدن نضيف عليه الدجاج ونحركهم شويه الين تنشف شويه السوايل اللي بتنزل منهم
بعدين نضيف البطاطس والماجي والفلفل والكمون والملح ونحركهم حتى يستون
ثالثا: بعد مايستون نضيف عليهم المايونيزوالجبنه واللبن ونخلطهم زين بسرعه ونطفي النار نضيف الفلفل الرومي بس مجرد إنه يسخن من حرارة الخلطه مانخليه يستوي
وآخر شي نجيب هالخلطه ونحشي بها التوست اللي جهزناه من قبل وبس
وعليكم بالعافيه إن شاء الله تكون وضحت الطريقه لكم
واتمنى تكون عجبتكم
ولا تبخلوا علي بردودكم