توني متملكه وابي حل لمشكلتي

السلام عليكم
صراحه مدري كيف ابدأ موضوعي
منحرجه كثير بس مالي احد الا هنا
انا تملكت من اسبوع انا في بالي من زمان اني اعالج بس ماكان عندي الماده(الفلوس)
واللحين تملكت والحمدلله حابه اعالج
انا اعاني من رائحة الفم
حاولت اعالج بالاشياء الشعبيه بقدونس وقرفه وهيل بس مافاد يعني بس فتره قصيره من اكلها بعدين ترجع
قلت مافيه الا المستشفى انا مو مشكله اروح مستشفى واقول لهم حالتي
لاني صراحه منحرجه من الناس مااقدر اواجه الناس وهذا الشي متعبني بحياتي
وانا سمعت انه اكتشفوا له علاج انهم يسون تحاليل ويعرفون السبب من ايش
انا مشكلتي اني ماافرز لعاب كثير دايم جاف فمي لدرجة يصعب علي الكلام خاصه
اذا جلست من النوم
انا ابغى مساعدتكم اذا احد منكم او من قرايبكم جرب مستشفى في علاج رائحة
الفم وتحسنت حالتة وابغى اعرف اي مستشفى ويكون بالشرقيه لاني انا من الدمام ومستعده ادفع مهري كله بس ارتاح من هالهم
انا كنت متردده من الخطوبه بسبب هالشي احسن اني اخاف اظلم خطيبي معي
احس مااحد استاهله بهذا السبب
انتظركم