توني مسويتها ونقلتها لكم وصفه تنفع للحالات الطارئه

توني متغديه من الوصفه اللي بكتبها لكم واحس شبعانه حدي ههه طبعا الفتها من عندي من المامي ببعض الوصفات اللي بالنت
وسويتها بطريقتي وقلت مدام اني تو مسويتها ليش ماكتبها لكم حق لو توهقتوا او كذا تصلح عشا او غدا خفيف
المقادير :
9 حبات ناجت دجاج انا استخدمت امريكانا
خبز - قرص واحد - مقطع مربعات
خس مقطع مربعات
الصلصه :
طحينيه سايله
علبه زبادي تقريبا
مايونيز حوالي ملعقه
ملح شوي
فلفل اسود
فص ثوم
ليمون
الطريقه :
نقلي الخبز بزيت خفيف والناجت نقليه عادي ثم,,,,,,,,,
ناتي بصينيه بايركس ونحط فيها الخس المقطع مربعات نقطع حبات الناجت دجاج الى 3 مربعات ( الحبه الوحده نقطعها 3 اقسام )
ونضيفها فوق الخس ,,,,,,, ثم نضع الخبز المقلي ثم نعمل الصلصه نحضر زبديه نضع فيها علبه الزبادي وملعقتين تقريبا طحينيه سائله او على حسب الرغبه ونضيف المايونيز
ثم الثوم ثم قليل من الملح والفلفل الاسود ثم الليمون ونخلط جيدا ثم نضيفها على الخس و قطع الناجت والخبز المحمص كاخر طبقه ............ وبس
ملاحظات :-
من الافضل اضافه مكعبات صغيره بطاطس مقليه واضافتها فوق قطع الناجت ثم الخبز
ممكن اضافه الخيار نقطعه مكعبات صغيره جدا وايضا الطماطم
ايضا ممكن اضافه القليل من الذره الحب
وبعد حتى اللي يحب يضيف فلفل اخضر او ملون كشكل او مخلل مقطع صغير
انتي حره فيها تقدرين تتحكمين فيها
لكن انا لو بضيف ممكن اضيف بطاطس مقليه وخيار وشوي ذره وبس
واتمنى تكون نالت اعجابكم