جده غير

راجية الرحمه

01-07-2022 - 09:58 am

السلام عليكم ورحمة الله
صدق من قال ان جده غير كثير احبها واموت فيها
كل شي فيها حلو
بس انا ما اروح لها بس زيارات واغلب اسواقها ما اعرفها
يعني محلات للأثاث الحلو ودواليب التلفزيون والتحف بس تكون صناعه حلوه مو صيني
والملابس غير محلات الماركات بس حلوه والألعاب للأطفال غير تويز ار اس
وابغى اسعار المحلات تكون مناسبه مو غاليه ................ لاهنتوا
وشكرا

التعليقات (6)

رمزالعطاء

01-07-2022 - 01:41 pm

هلافيك عزيزتي
والله انك صادقة
جده غير
بالنسبة للاثاث فيه اسواق محمود سعيد اشياء حلوة وم غالية
وفيه اسواق الصواريخ
فيها روعة وبعداسعارها جدا معقولة
مو مثل شارع الستين نار
وبالنسبة للملابس
فيه مراكز معروفة وفيها اشياء حلوة
الهرم بشارع الاميرسلطان وبشارع التحلية
وفيه مركز العايلة مول وسمينا بنفسك واكسينا حول بعض بس ناسية اسم الشارع
وسيتي ماكس جدا راائع للكباروالصغار ماركة حلوة ومو غالي
خصوصا وقت التخفيضات
ومحل الالعاب بلاد الالعاب
اتمنى اني قدرت افيدك بشئ

راجية الرحمه

01-07-2022 - 02:42 pm

مشكوره ما قصرتي
واللي تعرف محلات لا تبخل علينا

sunrise me

01-07-2022 - 04:44 pm

فيه عندك مركز النعيم قريب من الدانوب
فيه تنانير قصيرة وبناطيل حلوة واسعارها رخيصة
ب35ريال فيه حاجات روعة بس يبغاك تدوري زين
ان شاء اكون افدتك

راجية الرحمه

01-07-2022 - 05:45 pm

يعطيكم العافيه جميعا

=حـــظـــي الـــعـــاثر=

01-07-2022 - 06:46 pm

هلا حبيبتي شوفي عندك بالنسبه للاثاث مافيه زي محمود سعيد والشاطيئ
البجايم وقمصان البيت من الهرم وشبرا حتى ملابس الاطفال عندهم روعه
ملابس الطلعات من عزيز مول و سوق الكندره
اما جميع التكميلات والتحف واغراض المطبخ والادوات المدرسيه فلا يفوتك البشوات بجانب دوار الدراجه قسم بالله خيالي وكل ماجو اهلي من الجنوب وديتهم له ينهبلون
واي سؤال انا بالخدمه ياقلبي

شاكية القمر

01-07-2022 - 08:48 pm

{ ^ ،،، اب ،،، ^ }
سبحآن الله وبحمده **** سبحآن الله العظيم

ادخلوا وساعدوني←
مصممة جلابيات→