جدولي الاسبوعي للشعر وربي يابناات خيال لايفوتكن

1. السلام عليكم بنوتاات


2. ملعقة كبيرة زبادي


3. ملعقتين عسل اصلي


4. ضعي ماسك الحنا لمدة 4 ساعات فقط


5. ووصفتي الزيت هذي/////


6. 1علبة زيت نارجيل القديم الاصلي الحديد


7. ملعقة كبيرة مطحون الزعتر


8. ينقع الوصفة يومين فقط ثم يستخدم


9. الطريقة%


10. الطريقة

السلام عليكم بنوتاات

بنزل لكم جدول اسبوعي للشعر ورربي يابنات انه روعه انا خذيته من وحده منزلته بمنتدى استمرت عليه 3 اشهر وتقوول طلع شعرها جنان ما تتوقعون شكثر صار كثير وطول بثلاث شهور وانا اللحين صار لي استخدمه اسبوعين وببداية الاسبوع الثالث بس وربي اني اللحين ملاحظه ان شعري متغير 180 درجه وربي يابنات رهيب هالجدول بس يبي لكم صبر وانتظام تفضلوا....
(السبت )
وصفة الحنا
(الاحد )
راحة
(الاثنين )
وصفة الزيت
(الثلاثاء )
راحة
(الاربعاء)
حمام زييت للشعر
(الخميس )
وصفة الزيت
(الجمعه )
راحة
وكل اسبوع امشو بنفس الطريقة والترتيب والله شعوركم بتصير مثلي واحسن بنات
الان اعطيكم وصفات الحنا والزيت وماسك حمام الزيت من نفس البنت اللي منزلته بمنتدى ثاني
وصفة الحنا :
انا اسوي ماسك الحنا مرا كل اسبوع وماسك الزيوت مرتين في الاسبوع والحمد الله شعري ماعلية غبار وصحي وكثيف وطويل لنهاية ظهري وقوي ولمعه قوية ولاتساقط قولو ماشاء الله تبارك الرحمن
(وصفتي الحنا الفتاكة )
ملعقتين كبارحنا كويسة
ملعقتين كبار سدر
ملعقة خل تفاح
ملعقة كبيرة محلب
3ملاعق كبار كريم ماكسام الاصلي الصيني
كاس مغلي ماء البصل والثوم والقرنفل
ملعقة وسط خميرة فورية
ملعقتين كبار مايونيز

ملعقة كبيرة زبادي

ملعقتين عسل اصلي

قسم بالله روعه يابنات تطول بسرعه خيالية وتكثف وتغذي وتعطي لمعه رهيبة لاتفوتكم الحنا ضروري للشعر استخدمها مرا كل اسبوع مع وصفة الزيوت الي تحبوها ووصفتي ماتنشف الشعر لاني مسوية جدول خاص بي مرا حنا ومرتين وصفتي بزيت النارجيل روعه لاتفوتكم وصفاتي يابنات
الطريقة
تعجني المكونات مع بعض بنات تصير شبة سائلة موثقيلة حيل ضعي على شعر نظيف ومغسول جيدا بنات بعدين غسل الشعر بالشامبو ووضع حمام زيت التي تستخدمية

ضعي ماسك الحنا لمدة 4 ساعات فقط

بالنسبة للصبغات انصح الي تصبغ شعرها لاتضع الحنا الا بعد 6 او 8 شهور على الصبغة لان الحنا يدمر الشعر المصبوغ يابنات والحنا لها فوائد في تطهير فروة الراس وتعقيمها وتعطي حيوية للشعر ونضارة اذا استمريتي عليها مستحيل استغني عن وصفتي لان صار شعري يحسد علية ماشاء الله

ووصفتي الزيت هذي/////

اليوم جايبة لكم وصفتي الي جلست عليها 3 شهور ونتائجها اذهلتني اكثر من روعه الوصفة هذي ماخذتها من صديقتي كانت معي في الجامعه الله يذكرها بالخير لان شعرها ماشاء الله تبارك الرحمن تحفة فوق الوصفة غزير لدرجة يدك تغوص داخل شعرها من كثافته ولمعانة زي البرق وطويل تحت اردافها وشعرها قوي ومتين ماشاء الله حتى لو سحبتي شعرها مايتساقط شعرها لااله الا الله عيني عليها باردة تبارك الرحمن ذكروا الله حبايبي
المهم يابنوتات مقادير الوصفة :

1علبة زيت نارجيل القديم الاصلي الحديد

ملعقة كبيرة مطحون الزعتر

ملعقة مطحونة من بذور البصل الي نزرعها يعني حبوب البصل الي نزرعها في الزراعه اكيد عرفتوها واذا ماعرفتوها خذو بداله زيت بذور البصل من انتاج وادي النحل>> باتريسيا:صراحه انا كنت مستعجله و شريت زيت البصل من العطار
ثوم مطحون فص واحد ويكون صغير علشان ماتقوى الريحة+ ورقة نعناع طازج حبتين لاضفاء الرائحة الزكية وتقوية الشعر

ينقع الوصفة يومين فقط ثم يستخدم

الطريقة%

ينخلط مع بعض ويوضع على الشعر مدة 3 ساعات مرتين في الاسبوع مع مساج لتحريك فروة الراس ولضخ الدم في عروق الراس بنات مجرد ماغسلتي الوصفة من شعرك وهو مبلول ضروري مبلول يكون شعرك استخدمي بعدهاهذي الطريقة الزيتية جيبي يدك وحطي فيها نقطتين زيت لوز حلو + نقطتين زيت سمسم لاتكثرون وفركو يدينكم بالزيت وعلى طول مسحو شعركم فية لاتخافون ماراح يدهن الشعر بالعكس هذي الطريقة راح تزيد في طوله بسرعه قصوى وضروري تمسحون الزيوت على شعركم وهو مبلول علشان يتشربة الشعر الزيت ويعطي المظهر جنان ولمعه وكثافة وطول يالله ماتحلمون فية هذا سر صديقتي والي خلتني اتابعها في الوصفة وشفت النتيجة بعيني من وحي تجربتي الاكيدة
باتريسيا:انا استخدم لحمام الزيت فاشكول بالثوم..ترا ماله ريحه ابد بس حلو للشعر
ماسك حماله الزيت/
ملعقة عسل
ملعقتين زبادي
ملعقة كبيرة كريم ماكسام الاصلي
ملعقة مطحون نواة التمر ومحمصة
ذرة خميرة فورية
بنات الماسك رهيب بمعنى الكلمة واو يرطب يعطي لمعه براقة يطول ويقوي الشعر ويكسبة كثافة ونضارة مرا حلو جربوة ماراح تندمو

الطريقة

الماسك يخلط يترك ربع ساعه ليدخل المكونات مع بعض بعدها يوضع على شعرك وهو مبلل لكي يتشرب المكونات اكثرثم جيبي فوطة مبللة وكمان حارة فيها بخار انا اسوية عن طريق المكرويف ابلل الفوطة واضعها شوية في الماكرويف علشان تسخن شوية وضعها على شعري مدة نصف ساعه فقط وكرري الطريقة ويعطي فائدة ويترك الوصفة لمدة ساعتين فقط على الشعر
ثم يشطف بالشامبو فقط
بنات روعه وهذيلة ماسكاتي وعنايتي لشعري ماراح اغشكم او اخدعكم وربي شي خيال
ادعولي انا وصاحبة الوصفه
حبيبااتي اذا في شي من الوصفات ما عرفتوه قولوا لي اصوره وانزله لكم او ماعرفتوا من وين تشترونه وانا اقولك
بنات الي بطبق الجدول بكاملة يكتب بطبق علشان نشوف ايش صار معه ويكتب تجربتة للبنات
ربي يعافيكم ويوفقكم لكل خير ويصرف عنكم كل شر