جليترات حلوه ورخيصة

السلام عليكم ورحمة الله وبركاته
كيفكم ياحلوات
بصراحة أنا مش من هوات المكياج كثير يعني ماأحب بكل مناسبة أحط مكياج أوقات كثير يكفيني الروج
لكن انتم بصراحة بهالقسم تشجعوا ان الواحد يهتم
وفي حاجات استفدتها كثير منكم الله يجزاكم خير
فلذلك حبيت مثل ماستفدت أفيد
قبل سنتين كنت أدرس بالكلية << استحملوني شوي هي قصة لكن لازم تنحكى عشان أوصل للمضمون
وطبعا اللي بالكلية عندهم خلفية عن البازارات اللي كل شهرين تقريبا
وأنا بصراحة كنت ممكن أشتري من البازار اكسسوار بسيط ميدالية
لكن بجد كان البازار في أشياء غريبة بس أخاف من المغامرة
كان فيه وحده تبيع مكياج وأنا أخاف من كذا لان ما أضمن أبدا خاصة المكياج لازم يكون حلو والا يصير دهان حائط
طبعا المكياج مش ماركة لكن كان عندها جليترات الوانها مبين انها حلوه لكن خفت انها بالعين تطلع باهتة
بصراحة خليت صحباتي يشتروا بالأول بعدين يقولولي حكمهم عشان أقرر
اشتروا ومدحوا مدح فيها
وأنا دايما ترددي هذا يندمني فحبيت هالمرة أتشجع وأشتري وهي تبيع اما بالحبة أو علبة كاملة فيها 12 لون وب 60 ريال بس
اشتريت العلبة لانها ألوانها حلوة
بس بجد والله أستخدمها بالسهرات كثير حلوة وألوانها تجنن وانتم احكموا هذه الصور