جنة الدنيا الأطفال مشتركه بمسابقه الويك اند

باك
وجلست العب مع ساره و احمد
اللعاب اللي معروفه لعمرهم
مثل ( دي اغطي وجهي وافتحه )
و ( جات الدبايه احرك يدي وادغدهم )
وهم مبسوطين معي
وبالحظه هي حسيت انو فهد بدا يعصب لاني اهتميت بالتؤام و لبنى بدأت تمل
فقت اعطيت التؤام قرقيشه ( خشخيشه )
طبعاً ل أحمد و ل ساره
طبعاً التؤام ماحبيت افرق بينهم لازم اعطيهم زي بعض ولا يزعلوون علي بعدين ^^"
على فكره كنت حاطه صوره (الخشخيشه ) المعروفه المفاتيح اللي يحبونهاا الاطفال بس الصوره ماطلعت فحطيت هذي بدالها.
لبنى كانت تتفرج علي انا والتؤام
وفهد شويه يلعب وشويه يزعل فقررت اشوف ايش يبغاا يلعب وايش تبغا تلعب لبنى
وقلت لهم اذا سمعتو كلامي راح اسمع كلامكم واتفقناا على كذاا
طبعاً اخلي كل وااحد منهم يختار لعبتين نلعبهاا سوااء.
فهد : قرر يلعب سيارات و واحد طش وطبعاً انا رااح انفذ اللي يبغونه ورااح اكون صادقه معاهم لانو لو اخلفت وعدي مارااح يمشوون معي مزبووط فلازم اكون صاصدقه معاهم على شالن يبادلوني المصداقيه
لعبنا سوااء مع فهد على حسب رغبته وكانت لبنى تلعب معانا
هنا فهد وهو يلعب بالسياره شوفو كيف مبسسوط
وبعد ماخلصنا من فهد
قلت ل لبنى يالله الحين دورك ايش تبغين نلعب
فقررت نلعب ام واب و نرسم ونلون وطبعاً لازم العب معاهم حتى يحسسو انهم ببيتهم ويرتااحوو لي أكثر.
بهذي اللحظات زعل فهد مايبغاا اللعبه اللي اختارتهاا لبنى فقاام يهاوشها وضربهاا
انا هنا زعلت على فهد واعطيته نظره انو انا زعلت عليك وقلت له يا فهد مو لبنى لعبت اللعبه اللي انت اخترتها لازم انت تلعب اللعبه اللي هيا اختارتها .
ولانك ضربتها رااح تجلس بالغرفه لوحدك طبعاً على عدد عمره تركته محبوس لوحده
وبعدهاا رحت اهدئ لبنى وارضيهاا
وجلست العب معهاا صحيح كانت خجلانه بس مشيت معاهاا بالأسلوب اللي يناسبهاا << طبعاً نص ساعه بالضبط كان وقت اللعبه .
وبعد ماخلصنا من لعبه الام والاب
رحت وطلعت فهد من الغرفه << تنبيه ماقفلت الغرفه بالمفتاح على شان مايخااف ويتضايق كفايه انو محبوس .
وهنا مثل مانتم شايفين فهد و لبنى جالسين يرسمو ويلونو
هذي لبنى
هذا فهد
برب لاحد يرد

باك
قلت لهم الحين جاء وقت صلاة المغرب لازم نقوم نتوضا ونصلي
وبالوقت هذا نام التؤام
حبيت اخليهم ينامون من صلاة المغرب لحد صلاة العششاء << لانو افضل وقت للنوم وفيه فايده لهم .
هنا فهد بعد ماعلمته كيف يتوضا ويصلي .
قام يركض يصلي ع سجاده امي
وهذي لبنى تصلي .
وطبعاً جلست انا ويااهم
نقراْ المعوذات واذكار المسساء
كان فهد فيه لتغه كنت اضحك من داخلي عليه ماحبيت ابين له حتى مايتضايق او يحس بالإحراج
و لبنى بدأت تتفاعل معي وكانت تقولي ماما تقولنا لازم ننفث ونمسح على انفسنا بعد مانخلص من قرايه المعوذات
وطبقت الشي هذا معهم حتى اثبت المعلومه المفيده
ومهم اني ابين اهتمامي بالأشياء اللي تقولها لهم امهم
<< ومثل ماحناا عارفين الأم والأب بالنسبه للأطفال المثل الأعلى والقدوه الأولى لهم .
برب لاحد يرد

باك
بعد ماخلصنا من الصلاة وقرائه الاذكار
حيبت اروح انا ويااهم ع المطبخ نسوي سلطة فواكه طبعاً خليتهم يطلعون لي حبة موزه وتفاحه وبرتقاله وفراوله وكرزه والموجود بالثلاجه
وخليتهم يغسلونهاا وينشفونهاا وقلت لهم الحين دوري اقطعهم << حبيت اخليهم يساعدوني حتى اذا جيت اقطع الفواكه مايقولو نبغا نقطع .
وهناا بعد ماخلصت خليتهم يشكلوهاا على كيفهم وياكلونهاا بالعافيه .
كان هذا الشكل اللي تبغاه لبنى .
وهذا الشكل اللي يبغاه فهد
وبعد ماطلعنا من المطبخ حبيت افتح لهم التلفزيون
يتفرجو ع توم وجيري وبقية الرسوم المتحركه اللي يحبونهاا
بشرط انو لبنى تشوف اللي تبغااه
و فهد يشوف اللي يبغاه
بدوون لا يتضاربوو او يتهااوشوون
وهنا مثل مانتم شايفين لبنى و فهد يتفرجو ع الرسوم المتحركه
هنا لبنى كانت منسدحه ع الكنبه ( عشان كذا ماطلعت صورتها ) تتفرج الرسوم اللي اختارتهاا.
وهناا فهد قاام يركض يجيب ( دبدووبه ) المفضل يتفرج معاه ع الرسوم .
وبالوقت هذاا التؤم قامو من النوم
برب لاحد يرد

باك
التؤام قامو من النوم
والحلوين لبنى و فهد مشغولين يتفرجو ع التلفزيون يعني انا رااح اتفضى للتؤام
ساره كانت تبكي و أحمد كان عاادي بس لما شافهاا تبكي قاام يبكي معاهاا
يالطيف شوفو كيف تبكي ساره
وشوفو أحمد صاار يبكي زي سااره بس بقوه ويصرخ كماان
هناا حااولت اهديهم واسكتهم بس مافيه فاايده
فأعطيتهم المصاصه يمكن يسكتوو والحمدالله سكتوو وتركتهم عند امي وانا رحت اجهز لهم الرضاعه ووجبتهم المفضله
واكلتهم والحمدالله هدئوو
وقاامو يلعبوو ويستعرضوو قداامي
وهناا جاء وقت صلاة العشاء ووقت النوم ل لبنى و فهد
برب لاحد يرد

باك
بالوقت هذاا قمت انا و لبنى و فهد نصلي العشاء
وبعدهاا رجعوو يتفرجوو ع التلفزيون لان الوقت كان من 8 الى 9 ونص << مخصصته للTV
وباللحظه هذي قمت اجهز لهم
وجبة العشاء
وكان هذا طبق لبنى
اما الأخ فهد فكان طبقه هذا بناء على رغبته
بيض و حبة سجق (نقاق)
طبعاً مع كاس حليب او لبن
وطبعاً التؤام حبيت احط لهم
او اسوي لهم حليب
لانو ممكن ما ياكلون وممكن يشربون حليب
برب لاحد يرد

باك
بعد ماخلصو من الاكل حمدو ربهم وشكروه ع النعمه
جاء وقت الحمام ( وانتم بكرمه )
يغسلون يدينهم ويتشطفون وينظفون اسنانهم
<< طبعاً هذا كله بالحمام
طبعاً جهزت ملابس النوم لهم كلهم
وبهذي الاثناء انا رحت اجهز غرفه النوم من ناحية التكييف والهواء
هذي لبنى لبست البجامه
هنا بعد مافرشت المفرش ل لبنى
وهذا فهد لبس البجامه
وهذي الغرفه الي بينام فيهاا فهد
وهذي غرفه التؤام
وهذي بجامه أحمد نام وانا البسسه
وهذي بجامه ساره
وكانت سررهم زي بعض ^^
التوام ماقدرو ينامو وانا احترت بينهم
برب لاحد يرد

باك
التوام جننوني جلست اعطيهم الرضاعه بس مايبغون
واعطيهم مويه بس مايبغوون
وبالاخير قلت اعطيهم ( المصاصه )
وجلسو يطالعون ببعض ويسولفون ( اغا و اوا ) << سواليف الاطفال المعروفه ^^"
اما الثانئي المرح ماناموا جلسو يحكوني عن المدرسه والاخ فهد طلب مني احكي له حكاايه
فقلت له لازم نقراء قران بعدين نحكي حكايه
وهذا فهد قاام يتوضا ويقرا القرآن قبل الحكاايه والنوم
و لبنى رااحت تجيب القران وتقرا << على شان الحكايه
وحكيت الحكايه وناموو بسسلام واماان
برب لاحد يرد

ولما صحيو الصبااح وصلو وقريو الاذكار وافطروو وجات امهم تاذخهم
لبنى كانت لابسه
و فهد كان لابس
والتوام كانو لابسين
والحمدالله والشكر على كل حال
واتمنى ان ينال على اعجابكم
بصرااحه تعبت وانا ادور على الصور
وكمان النت مره يفصل ومره المنتدى يسجل خروجي وانا جالسه انزل التكمله
وأشكر اختي من المريخ على دعوتي للمشاركه بهذه المسابقه الرائعه والمفيده
ملاحظه:-
في البدايه حبيت ابين لكم ان تقديم المحبه والابتسامه الصادقه للطفل تكسر جميع المخاوف لديه وتجعله ينسجم مع من حوله .
ثاني شي لابد من انو نتفق مع الطفل انو انا رااح العبك لعبه على كيفك وانت بتلعب مع اخوك واختك اللعبه اللي يبونها على كيفهم ولازم تكون معهم حتى نحسسه بقيمه الاخرين << وعلى الحاضن تخصيص الوقت لكل لعبه يلعبها مع الاطفال .
ثالث شي ننزل لمستوى تفكير الطفل ونلعب معه بشرط انو اذا كان عنده لتغه بالكلام مانتكلم زيه نتكلم عاادي حتى مايحس بالاحراج او بالنقص عن غيره .
رابع شي اذا غضب الطفل نحاول نادبه بعيد عن الضرب ممكن نلومه بالنظره او بالتتطنيش وهو من تلقاء نفسه بيعرف انه مخطئ واذا كان من النوع الغير مبالي ممكن نقوله لانك سويت كذا وكذا رااح نحطك بغرفه ونحبسك لمده 8 دقايق
<<يعني اذا كان عمر الطفل 3 سنوات نحبسه 3 دقايق واذا كان عمره 7 نحبسه على عدد عمره .
خامس شي اذا كان الطفل يبغا ياكل شي نعطيه مع مجموعه من الاطفال شي مفيد مثل سلطة فواكه او خضار او نعطيه تفاحه يقسمها على الاطفال الموجودين معه .
سادس شي لازم نعود الطفل على الضوء والصلاة حتى لو كانت صلاته نص ونص بس اهم شي ندعمه نفسياً على حبة الصلاة والدين
مثلاً نعلم الطفل بالتطبيق كيفية الوضوء وبعدين نطبق احنا والطف كيفية الصلاة واذا كانت الطفل ولد (صبي ) نقوله يالله انت الامام واحنا المصلين حتى يشعر بقيمة نفسه ودينه
سابعاً نعلم الطفل العنايه بالجسم مثل ماقريتو بموضوعي الاستحمام ( مو لازم يتروش بالليل لانو احياناً يكون الجو بارد فممكن نستغني عن الاستحمام بالتشطيف يعني يغسل جسمه بستثناء شعر الراس )
ونعلم الطفل تنظيف الاسنان بعد الوجبات الرسميه مثل ( الفطور والغداء والعشاء )
وممكن من باب التسليه نطبع من الانتر نت صورة اسنان ونخلي الطفل بعد كل وجبه (يفرش اسنانه) يلون سن واحد لحد ماتكتمل الاسنان ملونه يعني اليوم هذا نظف اسنانه ومن الدعم المفيد للطفل ممكن نكافأه ب ( هديه بسيطه مثل لعبة مفضله للطفل او نعطيه مبلغ بسيط من المال ) حتى يشعر بقيمه عمله
مخرج
جنة الدنيا السلام
وجنة السلام الوئام
اذكرو الله اذا عجبكم الموضوع
ماشاءالله تبارك الله
حافظكم ربي

ماشاء الله ... تبارك الله
الله يحفظك ياوجود.
صراحة إبداع
استمعت كثيرا وأن أقرأ..
فعلا لمست فيك جانب مهم وهو الحرص على الأذكار وقراءة القران قبل النوم.... والصلاة....
وهذا مما يغفل عنه الغالبية إلا من رحم الله.....
تمنياتي لك بمستقبل زاهر.