حابه تشتري مشايه كهربائيه بس محتاره ومو عارفه احسن نوع تعالي وانا اساعدك

اختى واقعة بحيرة يا ريت تفيدنا ومشكوروة

حبيبتى انا عايزة مشاية كهربائية ومش عايزاها غالية
وهل فى اختلاف فى الماشيات

طيب حبيباتي يسعدني اني اساعدكم
اهم شي اول كم حصان تبغو يعني اكتر وزن راح يستخدم المشايه كم
يعني انتو بس اللي راح تستخدمو المشايه ولا غيركم
طيب لو غيركم اتقل واحد فيكم كم وزنه؟؟؟
عشان نحدد كم حصان
هو كل مشايه كهربائيه لها قوة موتور يعني عدد الاحصنه
اقل شي 1 حصان وهو يشيل اكتر شي 100 كيلو
1ونص حصان يشيل اقصى شي 110
2 حصان 120 كيلو
3 حصان 130
وبعدين يجي ال4 وال5 وال6 وهدول اسعارهم مرتفعه ودائما ما تكون متواجده في الجيم والنوادي الرياضيه
واسعار الاجهزه تتفاوت حسب الاحصنه

بالنسبه للاخت بسنت اكيد في اختلاف في المشايات
طيب انتي عايشه في السعوديه ولا في مصر ؟؟؟؟

طيب عندك خبرة في باقي الاجهزة الرياضيه ومنهودا الشخص لويبيع عطيني رقمه ودي استفسر عن جهازاخر

حبيبتي لا ما اعرف رقمه بس هو منتدى وهو عنده خبره في الاجهزه لكن خلاص انا صارت خبرتي بس في المشايات الكهربائيه بس هو اصلا مجاله في الاجهزه الرياضيه اصلا المنتدى كله عن هدب الاجهزه

طيب كده نكون انتهينا من الاحصنه
نجي للبلد المصنع
معظم اللي في السوق صيني او تايواني
طبعا التايواني افضل بكتير
بس ولله الحمد حتى الصيني اللي عندنا في السعوديه مره تمام
بس عن باقي البلدان وخصوصا مصر احذروا من شراء الصيني
بعدين راح تلاقو امريكي واسباني وغيرو هدا اسعاره تكون مرتفعه جدا وغالبا ما يشتروها النوادي الرياضيه
انتو خلوكم في التايواني مره تمام
حبيبتي احكي لحالي انتي عايشه فين بالظبط في السعوديه عشان اوريكي الاماكن التمام

سلام انا من زمان ودي احد كان يرد عليه في الموضوع بس انا طلبته ونشاء الله راح تجيني في هل يومين طلبت الي تشيل
110 علشان الاسعار مره غاليه بس اخاف ماتستحمل وزني بس انا الحين وزني تقريبن 111 يترى عايدي تستحمل
وهل يترى نفسي اشوف احد جربه ونحف عليه وكم المفروض امشي عليه في اليوم

حبيبتي ام شجون انتي فين عايشه في السعوديه بالظبط
طيب اللي طلبتيها هدي كم سعرها
اذا كان اكتر من 110 كده راح تاثر عالموتور تبعها
وبعدين ع فكره مو اي احد يقولك واحد ونص حصان 2 حصان مدري شو تصدقيه
انا اول ايام كان ما عندي خبره اوكي؟؟
رحت لمحل وقلتله ابغا اتنين حصان يعني اكتر شي 120 وراح وراني كتير بس انا عجبتني وحده معينه
قاللي هدي واحد ونص حصان بس موتورها قوي وتشيل 120
طبعا انا زي الهبله صدقته لحد ما عرفت انه قاعد يستهبل عشان يبيع وبس
عالاقل هدا صادق في عدد الاحصنه في غيرهم يكدبو
لكن انتي لازم تتاكدي بنفسك من الكاتالوج
في شي اسمه peak
وفي شي اسمه cos
البيك هدا هو عدد الاحصنه والتاني هو عدد احصنه برضو بس اللي متعارف عليه في الشركات احنا مالنا فيه يعني لزوم التصنيع ومدري شو اهم شي احنا نركز عالبيك
وانا براجع لكم واتاكد من المعلومات
بالنسبه لكم تمشي في اليوم المشي شي مو محدود امشي قد ما تقدري
طبعا اول ايام حتحسي بالام عضلات ورجولك مره تالمك
امشي اول اسبوع في اليوم 50 دقيقه وكده
اهم شي لمن تالمك لا توقفي حتى وهي تالمك امشي خدي اي مسكن
وبعدين كتري في المشي امشي مره كتير وكل ما تمشي اكتر كل ما تحرقي
والحلو فيها انو في المسافه وكم كالوري حرقتي وطبعا السرعات اللي تتحكمي فيها
والنبض
انا اول يوم مشيت بعد ساعه كان نبضي 180
ودحين ليا اسبوع وانا امشي كل يوم ساعه وزياده
عادي ما صرت احس بالتعب زي اول يوم
وبعد ساعه نبضي صار 140
تخيلو
المهم حبيبتي ردي على اسئلتي وان شاء الله بفيدك
بس اهمخ شي تستخيري
اهم شي
وربي يوفقك