حب لك اكبر من انه ينكتب في روايه ي

1. الدماني: زين يامايه ماعنده مندوب جان طرش مندوبه ...


2. مطره: تعثر العدو علمج محل يمزج معاج..


3. الدماني: وهذا وقت مزح فقدتج انزين اخبرج وين عمتيه ..


4. الدماني: اقول رشيد اقبض الباب الحرمه شبت ضو من المستحي يالله اشوف ...


5. العنود: والله انا توحمت ولاكنت اطيق ريحه الاكل بس مادلع شراتها


6. الغاليه : ماماتي ليش مسيتنا الغاليه والغلا...


7. الغا: وهو حادره استوب لاتقولون شي لين اوصل ..


8. المتصل: هلا حياتي وين دارك اليوم لاسمعت صوتك ولاشي ..


9. حميد: هي ياحيك تمام الحين بخليك وبرمسك عقب انا ساير ليوا مع الاهل ...


10. هند: هي قول جيه ماتروم ترمس خلاص ارمسك عقب حياتي فديتتك باي...


11. عفرا: خلاص بسكم حشي لاعت جبودنا من صدعتكم وهذربانكم الزايد...


12. وصلوا بيتهم في منطقه موقب...


13. عفرا: تسلمين فديتج نتعب في عرسج يارب..

هذي قصه كاتبتها من فتره وان شاء الله تجبكم وكل يوم بحط جزء واذا مافي تفاعل بوقفها ....
جلست الدماني مع بناتها التوائم وهي تسولف لهن والكل مستغرب منها وهي حامل الحين وقد بناتها بناتها الحين كبار عمارهم 16 سنه وهي الحين في هالسن وبين التوائم واللي في بطنها فتره ماهي بصغيره ..اللي هن الغاليه والغلا
الغلا والغاليه : امايه نحن مانحس بك ام نحن نحسبج ربيعتنا وصديقتنا لانه عمرنا انتي ماحسستينا انه بناتج إلاحسسيتنا انه صديقاتج وخواتج .. ليش منتي براضيه تقولين لنا السالفه وقصتج مع ابونا ...
الدماني:قصتي غير عن قصص الناس والواقع قصتي قراها زمن جارت ايامه وخانتني فصوله ....رجعت الدماني لزمن كانت فيه عدها بنت وهي تسلف حق بناتها التوائم قصتها مع من حبت....وصار حليل لها وفراقها وحياتها ورجعهتها ماضيها وحاضرها وترسم لهم ملامح مستقبلها ...
الجزء الاول:
عايله مكونه من الاب : حميد بن راشد ...
الام: مصيفه بنت مرشد...
الابناء: راشد ومرشد وعايض وحمدان وبنت وحيده هي الدماني .. ... مرشد متزوج من بنت عمه العنود وهي حامل في الشهر السابع ..
حمدان عايش في العيت ومتزوج من المعنق وهي بنت خاله ..وعنده حميد ومصيفه
عايض بن راشد العم ...
زوجته عشبه بنت حميد ...
بناته العنود وعفرا وحمده ومطره والعيال مرشد وحميد ...
مرشد متزوج من بنت خاله روضه وهي حامل في الشهر الرابع ..
الفصل الاول:
دخلت الدماني راجعه من المدرسه وهي تتهندق على الدريول الى تاخر عليها .وعلي بنت عمهاعفرا وهي مب بس بنت عم لا هي سرها وكاتمه اخبارها ....
الدماني: امايه يو امايه وينج..
الام: تعالي انا في الزرب انفع الهوش علمج بلاج تتهندقين ..
الدماني: امايه شو هذا دريولج الخبله نقعني في المدرسه انا وعفرا لين الله عثرنا شو عنده من الشغل يوم انه العزبه سادنها محيوب والطباخ سادنه مرزوق.. .وتنظيف البيت على الخدامات ...
الام: يابنتيه تري اخوج مندبنه باوراق صوب حميد بن حمد في الدايره وماطول يابنتي انتي قلتي انج تخلصين الساعه 12 والحين هي قدها 12 ونص ...

الدماني: زين يامايه ماعنده مندوب جان طرش مندوبه ...

الام: يالله بالستر يابنتي الحين هو شو تاخر لا كم دقيقه وحتشرتي الله يهديج فديتج سيري يالله بدلي وحولي بنسوي فياج السح بنكيسه لين مايحطون الغداء لبوج واخوانج تراني من يومين مبرزتنه واترياج واتصلي على حرمه عمج تخبريها جان بتروح ليوا بندب فياها السح للهوش في المزرعه
الدماني: ان شاءالله بس اللي اعرف انه ابويه وعمي ماهم مقصرين في شي وانتي وحرمت عميه مول ماتاجلن على البيادير ولاالبشاجير في شي ..
الام: يالدماني بتذكرين هاليوم باجر لاغديتي راعيه بيت اللى مايجابل حلاله يابنتي يضيع خيره ...
الدماني: خير ان شاءالله يام الدماني ...
سارت الدماني تبدل ملابسها وبتتخبر عن بيت عمها واللى وصتها عليه امها ..
حدرت ام مرشد البيت وتلاقت مع ولدها راشد اللى كان توه راجع من الكليه العسكريه ..
مصيفه: مرحبا الساع براس المال حيه الله بوسنيده تو مانورت الدار يابويه ...
راشد: المرحب باجي يالغلا اشحالج امايه وهو يوايها اربج لا بخير ونعمه ..
مصيفه: بشوفتك يابويه بخير وفي خير انته اشحالك واشحال ربعك فديتك يابويه ...
راشد: يسرج الحال بخير وسهاله...
مصيفه: فديتك يالغالي سير بدل وحول بنتغدي قده ابوك واخوانك واصلين فديتك ...
راشد: ان شاء الله ياعيون راشد وقلبه ...
تلاقي راشد مع العنود حرمه مرشد...
راشد: حيالله ام رشيدان اشحالج يابنت العم ..
العنود: مرحبا الساع بوسنيده بخير يعلك الخير اشحالك انته اشحال ربعك .
راشد: يسرج الحال اشحالكوا انتوا واشحال قوم عميه .. واشحال..
الدماني: وهي تنط على ظهر راشد واشحال الحب بخير يسرك حالها غدت درام من الاكل..
راشد: حيالله الدماني ويوايه اخته منو الدرام ياخوفي لا انتي اللى بتنفطرين من المتن الله يعين عيال عميه اشوفهم مايبون العرس من متنج والله خايفين عميه يغصبهم عليج ...
الدماني:يعله يفداني اللى بياخذنيه يحب ايده قفا وظهر ويصلي ركعتين شكر والله يوم بكون من نصيبه ...
العنود: صدقها بنت عميه فديتها غزال ...
راشد: لا منو غزال صدق من قال القرد في عين من يحبه غزال وشرد راشد وسكر الباب ...
الدماني: وهي تدق الباب مردوده يارشيد والله لاردها لك بتشوف ...
نزلت الدماني و حرمه اخوها وجلسوا في الصاله يسولفون وتذكرت الدماني انها لازم تتصل بيت عمها ...
مطره " من شافت رقم بيت عمها عرفت انها الدماني قالت خل اغلس عليها شوي ..
الدماني:مرحبا من معاي ...
مطره: الوه مرهبا منو يريد ماماه هزا مهل مال تسليه مكيف انتي يريد تسليه مكيف ..غساله ...فرن...
الدماني: اوه لا سوري غلطان مع السلامه .. سكرت والتفتت على العنود وخبرتها انها غلطت في الرقم وسسالتها جان قوم عمها غيروا رقمهم وخبرتها العنود انه الرقم نفس ماهو ورجعت تتصل ..
مطره الو كيا كرتاهي ماماه مي بول ني بيت هذا دكان مي دروازا بند كروه مي منتا كانا مشكل ماما )الوه ماماه انتي شنو في مشكله انا اقول هذا محل مب بيت والدكان مسكر الحين وانا بسير اتغداء انتي شو مشكلتج ..
الدماني: فقدت حسك ربي يبعدي اشدرانيه شو تهذر وترمس فقدتك وتسكر السماعه على وجهه
العنود: علمج الدماني اسمعج تتهندقين ..
الكاني: هذا الهندي الخبله مادريبه يرطن عليه ويلي على مطروه تخبرني شويقول ..قطع سوالفهم التلفون يرن ..
الدماني: نعم علم شو ..
مطرة:خيبه بلاج تقولين عيوز مسروق حلالها ..
الماني: فديتج اسمحيليه يابنت عميه هذا كل ماتصل بيتكم يطلعلي هندي يتهندق وماعرف شو يرطن ..
مطره: ههه هي يقولج ماما هزا مافي بيت هزا محل تصليه ..
الدماني: هذي انتي يامسوده العين ماعليه يامطيروه يعلج العثره..

مطره: تعثر العدو علمج محل يمزج معاج..

الدماني: وهذا وقت مزح فقدتج انزين اخبرج وين عمتيه ..

مطره: امايه سارت صوبكم تقول بتكيس السح مع امج وعقب بتشوف جان تباها تودي شي من السح ليوا لا اقول الدماني بما انه اليوم الخميس وباجر واللى عقبه اجازه شو رايج نروح ليوا مع امايه وابويه والله الجو حلو شو قلتي ..
الدماني: ام وعفرا بتسير فيانا وحمدوه ..
مطره: هي بيسيرن يقولن لاعت جبودهن من الجلسه وعقب صكت الامتحانات وماشي ظهره شو بتسيرين فيانا ..
الدماني: ام خلاص بخبر امايه وابويه وبجهز ساماني .. يالله مع السلامه .
راشد: ليت عينك تشوف وليت مسمعك يوحي يوم انادي ودمعي مثل وبل السحابه ...هي والله مافيك حيله يابوعبدو..
العنود: بوسنيده تبي نسويلك شي عصير ولاتتريا قوم عميه على الغداء.؟
راشد: ام لا ابا عصير بس لاتتحركين الدماني بتسويلي اياه..
الدماني: نعم نعم لا خل اللى تعيب عليها تسويلك خل حبيبه القلب اللى تحاتيها تسويلك ولاانا مابسوي لك شي ..
العنود: خلاص لاتمين تتهندقين انا بسويله ..
راشد: منو قال لا والله ماقمتي إلا عصير ماباه فضل عنج يالدماني بخلي ميرنا تسويلي اياه وزقر على ميرنا وقالها تسويله عصير..
راشد: وهو يرمس العنود وين مرشد عيل ..ماشوفه وصل غريبه من تستوي الساعه 1 وصل والحين قدها وحده وربع غريبه ..
مرشد: وصلت حيالله بوسنيده اشوف الدار منوره ..
راشد: منوره باهلها يابوراشد..
مرشد: لالا منو قال اول حفيد بيكون حميد بن مرشد على كيفك هو ...
راشد: هي على كيفيه ولابحلف انه الدماني تنضرب..
الدماني: وهي تشرق بالعصير .. كح كح شويخصنيه يوم انه بيسمي على ابويه انا انضرب...
راشد: هي كيفي مواطن وحر في اللى اقوله ...
الدماني: ليش ليكون انا وافده وماخذه الجواز بالتبعيه لا ابويه انا ماخذتنه بالقانون اللى يمشي عليك وعلى غيرك...
مصيفه: الدماني يو الدماني ... العنود...
الدماني والعنود: لبيه ...
مصيفه: تعالن ساعدنا بلا هذربان يالله نبي نقضي الشغل قبل المرواح ...
مرشد: وهو ساير صوب امه وعمته وعقب ماوايهن وين ويوه لرجاب ياامايه ..
حرمه عمه: بروح ليوا مع عمك وقلنا بنخلص السح واللى مانبها بنحمله في السياره وبنندبه صوب المزرعه حق الهوش ..
العنود والدماني جلسن ينضفن السح ويتهن عفرا ومطره ولاحميده ماطاعت قالت برقد لين حزه المرواح...
مطره وعفرا: اشحالج عمتيه ...
مصيفه: يسركن الحال اشحالكن انتن
مطره: يسرج الحال إلا عمتيه طالبينج طلبه ..
مصيفه: تم وفرت البرقع امري يابنت عايض امري فديتج...
مطره: مايامر عليج ظالم بس نبي الدماني تروح معانا ليوا فديتج في خاطرني مخوتها ماشي فرصه غيرها ياعمتيه وعقب بتمسكنا الامتحانات ومابنروم نظهر..
مصيفه:فديتج لوتبينا كلنا يابنت عايض روحنا فياج انتي تامرين امر فديتج..
مطره: فديت قلبج ياعمتيه ..
اما عفرا اللى من شافت راشد مارامت ترمس هالانسان اللى تغير وضعف وين سار المتن والحلاه وين سار الوجه الدائري ...
الدماني: يو عفيرا وين وصلتي نحن هنا ...
عفرا: وهي تضرب جتف الدماني ماسرت مكان هنيه اطالع مطروه وعمتيه ...
الدماني: ياجذبج والله لا تشوفين عرب ها ...راشد بوسنيده...
راشد: ها علمج الدبه ...شو بلا مارام يرمس شاف الحب جدامه ..
الدماني: دب يشلك ويفرك على الجبل ربي يبعدي... ماشي بس اجرب صوتي اذا حلو ولالا...
راشد: هي حلج حلول ياربي قولي امين ...
الكل: امين..
الدماني : حلك انته يالدب فيه انا روحي مب مترقعه الحين تدعي عليه جيه ماعليه اللى بيرقص في عرسك...
راشد: ومنو قالج ارقصي ماباج ترقصين والله ...
دخل عليهم وهو يشتغلون ابو مرشد:السلام عليكم...
الكل: مرحبا الساع وتوايه بومرشد مع راشد وبنته وبنات اخوه وتخبر عن احوال حرمه اخوه ...
عشبه: اشحالك يابومرشد اربك بخير..
حميد: يسرج الحال يام راشد ومن صوبكم ..
عشبه: يسرك ولايضرك ..مابتخونا ليوا اليوم؟
حميد: لا والله تخاويكم العافيه انا ورايه كم شغله في العزبه واخاف البوش يولدن ومحد عندهم .. ولا ماتنعاف مخوتكم يابنت الشيبه ..
مطره: عيل يوم انته مب رايح الروحه مالها خانه يابويه عيل بناخذ الدماني فيانا نتفري وبتينا الامتحانات وبتصك صكه علينا...
حميد:هي مرخوصه الدماني ماعليها دامنه الا معاكم مامنها عندكم ...
عيل اترخص ام مرشد نبي الغداء خل البشكار يحطه في المجلس عندنا ريايل ...
الدماني: ابشر بسعدك يابويه وفالك طيب...
سار حميد المجلس وسارت الدماني تجابل الغدء هي وعفرا بنت عمها ... وترتب السلطه والاللبن والماي والعصير...اما البقيه تمن يعابلن السح لين ينحط الغداء في الصاله للحريم..
حدر راشد المطبخ يستعيل الغداء وشاف عفرا ...
(تم يغني ياويل حالي من جفاك ومن بعادك ومن فرقاك ...لعيضه ) انحرجت منه عفرا لانها تعرف انه يقصدها وماحس لا بضربه على ضهره من مرشد اخوه ...
مرشد: انا بتخبرك ابويه مندبك تستعيل الغداء ولاتغني ..
راشد: اخ ياخويه لاتقول شي متخش لين قلت العثره ماروم اصبر الله ياخذ الكليه وسنينها تعبت ابا اعرس ياناس دخيلكم ارحمونيه ...

الدماني: اقول رشيد اقبض الباب الحرمه شبت ضو من المستحي يالله اشوف ...

مرشد: اقول عفرا ماعليج منه تراه متخبل ماسكينهم اسبوعين والحين فجوهم ويقولج من الحكره تخبل...
راشد: منو المتخبل هي هي مادري منو اللى بغي يوقف قلبه يوم قاله ابويه ماشي عرس لين تخلص البنت الدراسه ها اعترف ...ولا الكندوره اللى كلها كلام حب يوم انها لبستها يوم عرسك امسيت تكتب فيها اشعار وقصايد للعنود...
مرشد: خسك الله ياربي اقول قم خلنا نسير لاينا ابويه ويغسلنا بالعصي..
راشد: يالله انزين ببل ريجي بقلاس ماي ...
مرشد: وهو يسحب راشد لالا ماشي خل عنك الطباخ ودي الماي المجلس يالله ...
الدماني: وهي تضرب عفرا على ظهرها يامال العثره لاتتعدلين يوم تحيدين رشيد عندنا في البيت خشعتيه امره ياويلي على اخويه كم بيصبر
عفرا: خليه ماباقي غير السنه وبيعرس شمستوي عليه ونحن بعد علينا هالفصل وبنفتك من الدراسه وبنطبها المدرسه ...
الدماني: يعني مابدشين الكليه..؟
عفرا: جان عليه مابا واخوج قايل ماباج تكملين دراسه ...
لدماني: وهي تشل مله الغداء والسماط... اقول خليه ينفعج رشيد اذا عليه لو الود وده مادرستي وترياج لين تخلصين الجامعه..
شلت عفرا مله الصالونه والصحون والخدامه شلت السلطه و غنجه اللبن والماي وسارن رتبن كل شي في الصاله ...
اما في الحوش وين الحريم ينظفن السح ويكيسنه ..
العنود: اقول امايه وينها روضه عيل ماشفناها اليوم.؟
عشبه: والله يابنتيه روضه سارت الموعد وعقب قالت بتتغدا هي وريلها في بيت خالج من متي عدها بيت اهلها من توحمت ماسارت صوبهم تقول ماداني ريحه بيتهم ...
مطره: يالله عاد خوزو عنها بنت خالي ماتتحمل الريحه ولا الاكل من تشم شي ياينا من صوب بيت خالي تمت ترجع ماسوت العنود جيه يوم توحمت حليلها ...

العنود: والله انا توحمت ولاكنت اطيق ريحه الاكل بس مادلع شراتها

عشبه: يالله يالعنود الحين تقولين وحامج شرات وحام حرمه ولديه فديتها والله ماتهون عليه روضه فديتها اللى تباه نسويه
مصيفه: خل عنج عاد العنود فديتها تتوحم بس وحام حرمه ولدج بزا يالله اونه لاتدقوني ولاماروم اشل شي وانتي بعد ماعديتي عليها تحلفين عليها حتي دله القهوه ماتشلها يالله نحن يوم حملنا حتي جدر الغداء نشله وبطونا بين عيونا وربينا وماقلنا شي ..
الدماني: ياعرب الله الغداء جاهز يالله خل عنكن الرمسه بيبرد...
اما في مجلس الريايل:
حميد بن راشد: اقول ياحميد وينه ابوك اليوم ماشفناه .؟
حميد: والله ياعميه مادريبه اتصلت عليها وقال تغدوا وانا بيكم وعده مايانا
حميد بن راشد: هي عسي المانع خير ... اقول وينه مرشد اليوم ماشفناه على الغداء ليكون بلاه شي ..
عايض: والله ياابويه مرشد سار مع حرمته معزومين عند خاله حمد في الوثبه ..
حميد بن راشد: هي ياحيه والله يوم انه يلوف انسابه ...
عايض بن راشد: السلام عليكم ...
الكل: عليكم السلام ويوايه راشد عمه ..
راشد: اشحالك ياعميه واخبارك..
عايض بن راشد: يسرك الحال بخير وفي نعمه ويلتفت على اخوه بومرشد..
حميد: عونك...
عايض بن راشد: عانك الله على الطاعه ابشرلك ببكرتين و3 حيران
حميد: بشرك الله بالطاعه .. وشي بقي من البوش ماولدن ..
هي اللى ولدن الدماني يابت حوار والمشغونيه يابت بكره والمنيفه يابت حوار والغزال يابت بكره وحوار ... وباقي من البوش ماولدن العنيدي وشوق الفلا ومصيجه والظبيانيه ...
حميد: هي زين والله عيل نا بروح صوبهن وبشوفهم ويمكن امسي عندهم لين المغرب ولاابات في العزبه لين باجر ..
حميد: اقول بوسنيده مابتخاوينا ليوا
راشد: والله يابوعايض مخوتك ماتنعاف بس بروح صوب العزبه فيا ابويه وبنشوف البوش وجان رمت سرت صوبكم فيا عايض ومرشد ..
حميد: هي خير عيل انا ااترخص بسير اشوف لحرمات جان برزن بحمل السامان وبنروح ...
ظهر لحميدي عنهم وسار صوب بيتهم وماحصل حد ودغر على الحرمات اللى من عقب الغداء رجعن يكيسن السح ...
حميد: هود
مصيفه: هدا اقرب يابويه ماحد غريب لا امك وخواتك ..
حميد: ها امايه برزتن ولابعدكن ماخلصتن شغلكن..
عشبه: والله يابويه خالصين بس نلم النشاف حق الهوش وبنحمل السامان
حميدي: هي ياحيكم عيل انا بتحرك مع خواتيه وانتي بتين فيا ابويه وولحميده...انا باخذ مطره وعفرا فياييه ..
عفرا: هي والدماني بتي معانا ,,,
حميد: وهو يرمس بصوت واطي اف تبين السياره توقف علينا من متنها بنت عمج...
عفرا: عيب فديتك هذي بنت عمك عيب تقول جيه ..
حميد: انزين يالله زقريها تراني بحلف ماشي روحه ...
عفرا: انزين هذي وصلت يالله وينها سيارتك قربها بنركب ...
الدماني: اشحالك حميد اربك بخير..
حميد: بخير يسرج الحال ومن صوبج..
الدماني: بخير يسرك ولايضرك...
الغلا والغاليه: انزين ياامايه وشو صار عقب انتي تميتي على حالج يعني عقب ماسرتوا ليوا حبيتي ابويه ولا كيف ...
الدماني: اصبرن بخبركن السالفه
الغلا والغاليه: لا الحين بني السالفه كامله اصبري امايه... الغلا سيري يبي حق امايه مخده خل تنسدج عليها من اصبحت يالسه تعبت من ظهرها بيتيبس عليها...
الغلا...اوكي بس ماماتي لاترمسين لين ايب لج مخده ...
الدماني:ان شاء الله ... سارت الغلا ويابت النخده لامها اللى نسدحت وجابلت بناتها وهي تخبرهم قصتها...

الغاليه : ماماتي ليش مسيتنا الغاليه والغلا...

الغا: وهو حادره استوب لاتقولون شي لين اوصل ..

الدماني: تعرفين سميتكن الغاليه والغلا لانه يوم بديت اتعلق في ابوكم كان في لندن وخزنت رقمه باسم الغلا لانه ماروم احطه باسم حميد وهو حطاني باسم الغاليه... هي علشان جيه انتي ابويه سميتونا االغاليه والغلا ..
الدماني: لا انا سميتكم ابوكم ماكان عندي يوم اربي بكن ..
الغلا: وين كان ؟
الدماني: بتعرفن عقب كل شي ....
الدماني: وركبنا السياره عفرا جدام وانا وراي حميد ومطره وري عفرا وتمينا نسولف وكل مارفعت عيني اشوف عفرا لاحظ حميد يطالعني في المنظره اخر شي استسلمت للرقاد وحطيت راسي على جتف مطره بنت عمي ...
حميد: وهو يرمس مطره الله يعينج اذا مانخلع جتفج ...
عفرا وهي تضرب ايد حميد: انته ماتستحي من الدماني علشان هي دبه تقول هالرمسه مب من رششاقتك انته بعد...
مطره: عيب عليك لحميدي بتتعذر عنها باجر يوم بيخطبونها العرب ...
حميد: منواللى قال لا بقولهم الله يعينكم عليها من وين بتيبون لها اكل...
ماكان الحميدي يددري مدي تأثير رمسته على خواته وبنت عنمه اللى كان حبه بدي يسري في عروق قلبها.......
وصلوا ربعني بدع زايد ووقف لحميدي يجيك بترول في ادنوك وسال البنات جان يبون شي وقالوا سلامتك رد ركب حميدي السياره وصاح تيلفون ورد على المتصل...
حميد: هلا والله مرحبا الساع ملايين ... وهو يقصر على الصوت

المتصل: هلا حياتي وين دارك اليوم لاسمعت صوتك ولاشي ..

حميد: والله لا في الدار يابو شهاب اخبارك انته انا للى ماتصلت ولا انته اللى مسكر تيلفونك..
المتصل (هند هي من سن الدماني وعفرا ومن نفس مدرستهم ودوم تحتر من الدماني اللى على الرغم من متنها لا انها حلوه وقمر ودوم تعايرها بمتنها بس الدماني ماان ياثر فيها رمست هند لانها تشوفها وحده ماتسوا النعال اللى هي تلبسه )) والله ياحياتي تيلفوني مفضي وخليته على الجرج ورقدت .. وهي تكذب عليه محولته مغلق وترمس ربيعها خالد اللى تعرفت عليه من كم يوم في المرينا مول وطلع من اغنياء الدوله ....وقالت استفيد منه ومن حميد بالمره ...

حميد: هي ياحيك تمام الحين بخليك وبرمسك عقب انا ساير ليوا مع الاهل ...

هند: هي قول جيه ماتروم ترمس خلاص ارمسك عقب حياتي فديتتك باي...

حست الدماني انه حميد يرمس حرمه مب ريال ولا جان ماخلاهن يرمسن ومطول على الاغنيه اللى في الشريط (وش اللى حدث وش صار تمشي على خطين تمشي على درب الهوي عكس قانونه ... ياذا المعني وشخبر طيرك الشاهين .. قنص طيركم ولابعدكم تربونه)...
الدماني: اقول عفرا شي ماي عندج ...
عفرا: هي هاج ...تفضلي يابنت عمي العزيزه ..
الدماني: تسلمين فديت قلبج ..
التفت حميد صوب بنت عمه وشافها شاف جمالها ونعومتها على الرغم من متنها ووزنها الزايد لا انه في ملامح وجها براء وطفوله هو صح يرمس هند وكم مره طلع معاها وشافها بس ماكان يشوف فيها طيبه وبراءه الدماني
انتبه حميد انه طول نظرته في بنت عمه اللى حست انه حد يطالعها ويمووم رفعت راسها شافت لحميدي سرحان فيها وانتبه لها يوم نزلت راسها ...
قطع الهدوء اللى عم في السياره عقب مارقدت عفرا ومطره اللى تقري في مجله ..
تيلفون حميد اللى رن..
حميد: هلا ابويه ..
عايض بن راشد: ها لحميدي وين وصلتوا ..
حميد: قدنا واصلين مزيرعه وانته ابويه ...
عايض بن راشد: لا نحني في المدينه بنمر الجمعيه بنحمل السامان وبكمل الطريق ...
حميد: هي ياحيكم عيل تمام برايك يابويه شي في الخاطر من جدانا ...
عايض : لا فديتك بس تحمل على خواتك..
حميد: ان شاء الله من احصل راعي يشتري هوش ببيعهم وبفكك منهم ..
عايض: خاف ربك فيهن ..
حميد:ههه امزح فديتك في امان الله ...
توعت عفرا على رمسه حميد
عفرا: منو اللى بتبيعهن يوم تحيد نفسك بتنباع بيعني ولانحن يشترونا بالغالي مايبيعونا برخيص...
حميد: ومنو بيشتريج عاد يالشيخه عفرا..
الدماني: نحن بنشتريها بالغالي ومابنبيعها بالرخيص ..والرخاص لا حق هل التلفونات ولمغازل ...
حميد: ومنو تقصدين برمسج يابنت عمي..
الدماني: ماقصد حد جانك تتحراني اقصد حد انته ادري بنفسك ياولد العم..
حميد: انتي ماقلتي هالرمسه لا وقاصده حد...
الدماني: جانك شاك في نفسك هذا شي راجع لك...
مطره: اف بدينا دخيلكم ورفجه تسكرون الرمسه مافيه على الصدعه والهذربان تراني بحول وباخذ تاكسي ولا عبريه وبروح معاهم لين البيت
حميد: علشان خاطرج ولابعرف ارد عليها ...

عفرا: خلاص بسكم حشي لاعت جبودنا من صدعتكم وهذربانكم الزايد...

وصلوا بيتهم في منطقه موقب...

بطل الطباخ الباب وهو طباخ وحارس للبيت ونزلن البنات وسارن يحطن سامانهن وينظفن البيت عن لغبار والرمل ويفتحن الدراريش بما انه بدايه لشتا والجو روعه قالن بينظفن عقب بيسيرن صوب العريش المحطوط في طرف البيت وبشبن الضو وبيرتبن لفاله حق عربانهم ...
عفرا: ياربي شو هالرمل عنبوه مطروه مانظفتن البيت يوم يتن الاسبوع اللى فات...
مطره: والله انه خميناه مع البشكاره بس شنسوي لازم نظف لغبار والرمل هذا ليوا لازم يوميا نظف المكان ولا نحن مستبطنات حاطات سيراميك لا اكثر الرمل والغبار يتكود فيه ...
الدماني: اف خلاص ماروم اتحرك احس ظهري بينقص نظفت الحمامات كرمكن الله وخميت الصاله والممر وغرفه عميه والحين ماروم اتحرك انا برقد لين ايون قوم عميه ويوعوني عقب ,....

عفرا: تسلمين فديتج نتعب في عرسج يارب..

الدماني: لا انا باعرس عقب ماخلص الجامعه يعله في عرسج وعرس مطروه ياربي ...
اما حميد اللى من نزل السامان سار المجلس وصاح تيلفونه وطلعت المتصله هند طبها ومارد عليها وهو يفكر في رمسه الدماني شو قصدها الرخاص هن اللى ينباعن بالرخص شو تقصد هي سمعتني وانا ارمس هند ولا شو سالفتها هذي ..
قطع تفكيره اتصال راشد ولد عمه يتخبره جان وصلوا ويقوله انه ناقته الدانه يابت بكره وساله شو بيسميها قاله بسميها الظبيه ...
راشد: زين عيل انا بسري صوبكم مع عايض حمدان ولد حمد ..
حميد