حبايبي ودي أعيش مثل العالم والخلق ودي انسى سالفة الحمل خلونا نشجع بعض

شوفي يا ستي
هاقولك من خبرتي المتواضعة
مفيش واحدة بتنسى الحمل 100% وخصوصا لو حملها اتأخر
لكن المقصود انك متستسلميش للنكد والقلق والمرض النفسي
متحرميش نفسك من حاجة بتحبيها أو حاجة محتاجاها علشان الحمل
مرة قبل كده قريت ان واحدة كان عندها صداع شديد ورفضت تاخد بنادول وفضلت مستحملة الصداع علشان خايفة تكون حامل والبنادول يأثر على الحمل!
هو ده القلق الزايد عن الطبيعي اللي بنقول عليه (على فكرة البنادول مش بيأثر على الحمل أصلا ومسموح بيه للحوامل)
لكن غصب عننا هنفكر وهنقلق برضه لكن هنخلي القلق بحدود
ومنستسلمش للأفكار السودا
لو حسيتي بالقلق في وقت من الأوقات قومي اتوضي وصلي أو اقري قرآن أو اذكري ربنا وادعي انه ينزل عليكي السكينة من عنده
هتلاقي نفسيتك أحسن كتير
ده ربنا بيقول "ألا بذكر الله تطمئن القلوب"
وخدي بالك برضه ان أي محاولة لمنع التفكير 100% هتجيب نتيجة عكسية
يعني لما تقعدي تقولي لنفسك "متفكريش...متفكريش" غصب عنك هتلاقي نفسك بتفكري في الموضوع اللي انتي عايزة ما تفكريش فيه طول النهار
اتعاملي مع نفسك ببساطة ومتحسيش بالذنب لو فكرتي أو قلقتي
لكن ما تسيبيش نفسك للقلق وتقلبي حياتك نكد وهم بالليل وبالنهار
ميبقاش محور حياتي هو الحمل وبس وكل حاجة بتدور حواليه
يعني لما اقعد أفكر الأكلة دي بتأثر على الحمل ولا لأ والحركة دي هتأثر على الحمل ولا لأ وصبغة الشعر بتمنع الحمل ولا لأ...إلخ مش هاخلص أبدا ومش هاعيش حياتي
كل المطلوب مننا اننا نحافظ على نمط حياة صحي بشكل عام ونبتعد عن أسباب الملوثات زي التدخين والكيماويات أو نقلل منها بقدر الإمكان لأنها بتأثر على الخصوبة
وأكتر من كده متفكريش في كل خطوة في حياتك وعلاقتها بالحمل
وسيبيها على الله
يا رب أكون أفدتك ولو شوية صغيرين

مشكورة نهى افدتيني كثير
ننتظر باقي الفراشات

اشغلي نفسك باي شي والله يرزقنا يارب

آآمين بيشو الله يرزقنا جميع في القريب العاجل