حبيباتي فراشاتي ادعية لتحقيق السعادة التوفيق الرزق وكل ما تتمنينه

,
.
,
السلام عليكم حبيباتي فراشاتي ..,
شخباركم ؟؟
اتمنى انكم بالف صحة وعاافية ..,
حبيباتي موضوعي اليوم بسيط واعذروني على الاسلوب يمكن ما عندي الاسلوب او الكلمات المنمقة ,
و راح اكتبه كأني اسولف عليكم ..,
,
.
,
حبيباتي خوااتي الغاليات بقولكم ادعية ناس اعرفهم _ و ياارب اكون منهم _ التزموا بأدعية
واكيد الدعاء ايا كان الاهم _ الاخلاص_ و _ حسن الظن بالله _ راح يتجاب بإذن السميع العليم ..,
,
.
,
عيوني خوواتي وحدة اعرفها مسكينة وربي كانت تبكي دايم ونفسيتها تعبانه ودايم
سرحانه , والله وكلنا نحاول نلهيها ونسولف عليها بس تعرفون التفكير كيف يقيد الواحد..,
تخيلوا لدرجة انها كانت بتقدم دراسات بمعاهد و تاخ دورات بس عشان تلهى من التفكير ,,
وكللنا شجعناها ,,
تخيلوا يا فراشاتي و ربي اللي ما تنام عينه سبحانه بعد فترة جاها خطيب و راح يدرس برا وقدم لها
ماستر هناك _ ماشاءالله لاقوة الا بالله _ الله ييسر لها وترجع بالسلامة صديقتي حبيبتي ..,
ويوم كنا قاعدين بعد ما رجعت نفسيتها الحلوة وفرفشتها بسم الله عليها .. قالت تدرون يا بنات
اني كنت دايم بسجودي ادعي وبكل وقت تقول :
( ياحي يا قيوم برحمتك أستغيث فأصلح لي شأني ولا تكلني الى نفسي ظرفة عين )
تأملي حبيبتي الدعاء وشوفي كيف انك وكلي كلل اموورك لله الرازق الشافي المعافي سبحانه ..,
وربي تقول قبل خطبتي حلمت ان شعرها كثيف وطويل ماشاءالله ..الحمدلله ييسر لها امورها
:ق1::ق1:
,
.
.
وحدة اعرفها برضوا قالت لي انا وربي ,, داومي على دعااء قوليه قبل السلام
وربي لو تبين روز رايز جتك <<<احبها هالحرمة طيبها وقلبها صاافي اهم شي روز رايز
وذكرته لوحده داومت عليها وتزوجت ولله الحمد _ ماشاءاله تبارك الرحمن_ وادعوا لها بالذرية الصالحة ..
,
.
,
واكيد الدعاء مهما كان مو لازم تنقين الكلام بالعكس قولي اللي بقلبك وتبغينه يتحقق ,,
مالك الملك سبحانه ينزل للسماء الدنيا ( هل من داعٍ فأستجيب له ),,
سبحانه رحمته وسعت كل شيء..,
,
.
,
ايه يابنات قموراتي حبيباتي ..
الاستغفار
ويكفي قوله تعالى ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا . يُرْسِلْ السَّمَاءَ عَلَيْكُمْ مِدْرَارًا .
وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا )..,
تبغين حلوتي طريقة حلوة .. وان شاءالله ماراح تنسين ..
بعد كل صلااة استغفري 100 مررة صارت الف باخر اليوم ,, واستغفري كل ما تذكرتي بعدين بتحسين
انها صارت بلسانك وربي يابنات .., وانتي بالطريق استغفري ..قبل النوم بعد ما تقرين معوذاتك واية
الكرسي عشان تفتكين من الاحلاام ..,
ايه صح نسيت اقول _ حطيت تعديل_ ,, وحدة اعرفها وربي ما جاها اولاد فترة طويلة اكثر من 11 سنه وداومت عالاستغفار
لدرجة انها تقول صرت اذا صحيت من نومي استغفر بدون شعور _ماشااءلله تعود لسانها_ ورزقها ربي بتؤام ولد وبنت ,,بعدين بنت

• ماشاءالله لاقوة الا بالله _

ياربي يابنات وربي ان ودي اكتب زييادة ,,بس النوم داهمني <<حبيتني على هالكلمة
وبروح انام .., وادعوا لي بالذرية الصالحة والتسخير ..
ربي يوفقكم ويرزقكم ويسخر لكم الأرض اللي تمشون عليها ..,,
يسعدكم حبيباتي ..,
,
.
,