حبيبة خالي صدمه

1. بالاستقبال،،وبيتهم جدا عادي،،،

سلام يافراشات،،،كيفكم واخباركم
لي شهر ماشفت اطفالي،،وحاسه اني تايهه،،،بس الحمد الله مع ذكر الله يزيح همي،،،ولو بالقليل
بدخل بالموضوع ع طول،،،
واللي عندها تفسير مقنع تقول ،،،لا تقولن جنس وماجنس،،،ابد مو داخل الموضوع راسي
خالي الله يسلمكم ،،،ملك جمال بكل الموصفات،،،والبنك مليان ،،وماشاء الله ماناقصه شي
تزوج قبل 9سنوات بملكه جمال ايضا وفوق هذا حبوبه ،،وطيوبه،،ولما تنحط ع الجرح يبرى
لو اكلمكم عن سناعتها يمكن احتاج اكثر من موضوع،،الله يشفيها يارب
كنا نشوفها مع خالي،،يخقون،،،حلوين حلوين،،يعني ربي خالقهم لبعض،،نظرات الحب بينهم
كنت فاهمتها وانا توني بنت ماتزوجت،،،لكن صار شي ما جاء ع بال احد من عايلتنا،،وكل اللي يعرفونهم
السنه اللي طافت ،،،قرر خالي يتزوج ع زوجته،،انصعقنا كلنا وامي اولنا،،،خير وش الطاري
راحت له امي وانا معها تهاوشه،،مين يتزوج ع ام مقرن ،،ربي رازقك بنعمه ليش ترفسها،،
وقالت لو تسويها ماراح نحضر زواجك لو فيه سبب مقنع،،يعني اطفال وربي رزقكم،،وحياتكم ماشيه من دون مشاكل ،،وزوجتك كلن يذكرها بالخير،،معك ومع اهلك ليش تجازيها بضره
قال خالي انتي ماانتي عايشه معانا ولا كان عذرتيني،،انا تعبان منها،،،ماتريحني بالفراش
لما اطلبها تصيبها ضيقه ،،وكتمه بالصدر،،،واذا جبرتها تبكي ،،يقول سدت نفسي،،عالجتها بالمستشفيات ،،وكل فحوصها سليمه،،،ولما تبغى السوق او التمشيات طيبه مافيها شي
انا استحيت من كلامه وطلعت من الغرفه،،،بس والله القهر والتعب باين بعيونه،،،هي تقول انها تعبانه بالقولون،،وانها ترقى عن مشايخ ،،،بس ماقالت او ذكرت لو مره بحياتها انها تعبانه مع زوجها،،
المهم امي سكتت وقالت دام الموضوع كذا انت حر كاتم بنفسك ليش ،،ليش ماطلقت ،،بعد ماصارت ام اولادك،،تقول بتطلقها،،،وجلست امي تترجاه ،،والحمد الله شال فكرة الطلاق من راسه،،بس برضو ناوي يتزوج،،قلنا بكيفك الشرع حللك اربع،،،
نجي ع لب الموضوع هو خطب بنت من برى القبيله،،،مانعرفها وما احد شافها حتى يوم الملكه مارحنا وخالي ماخبر احد بالملكه ،،قلنا يالله نشوفها بزفتها،،،قالو الزواج بيكون عائلي،،قلنا نحضر
حتى لوماانعزمنا،،،وجاء يوم الزواج،،،وزوجة خالي ياقلبي عليها اصرت تحضر بس بتشوف من اللي اخذت زوجها منها،،،المهم انا تكشخت ،،،وكنت مسويه زحمه بالحفله،،اهلها جدا متواضعين بكل شي

بالاستقبال،،وبيتهم جدا عادي،،،

قلت ننتظر الزفه،،وجات العروس،،،بنات ماتصدقون ،،انا لما شفتها،،،شهقت ،،،هذي اللي جابت راس خالي،،،شكلها كبيره بالسن،،،وصدرها كبير ومترهل ونازل ع البطن،،والبطن نازل ع الفخوذ،،وطلعت ارمله ومعها 4اطفال اكبرهم 16سنه،،فرق كبير عن زوجته الاول بكل المقاييس الجماليه،،وانا لا اعترض ع خلقة الله ،،،وطول الليل والدنيا تدور براسي
،،وعيني ع زوجة خالي المسكينه،،واضحه الحرقه والحسره بعينها،،،بس تجامل،،،وش ها لوقعه ياخال
قلنا يمكن ارمله وبياخذ فيها اجر هي واولادها،،،
المهم مشت الايام،،،وزوجة خالي الاولى ماتبين شي ،،لكن كل شي واضح،،خالي ساحب عليها،،ورايح مع الارمله،،اولادها بشقه كامله مقابله لشقتها،،،وهي وخالي سفريات،،وروحات وجيات وتمشيات،،
قبل فتره قلت لا امي بنزورهم،،لاني خالي بيسافر برا،،،وبنودعه،،،المهم لما قابلتها ،،ثقتها مره عاليه
وثقافتها عاليه،،،منمقه باسلوبها بالحديث،،شفت صوره مبروزه قلت هذا اخوك،،،قالت لا هذي زوجي اللي مات ،،،قلت ما تخافين خالي يغار منه،،قالت مع ضحكه هستيريه،،،يغار من ميت،،،قلت بنفسي وش هالحرمه،،،وجاء خالي المصون ،،،بس مادخل علينا،،وهي لما حست بدخلته،،راحت يمه،،واتركونا لحالنا ساعه كامله،،،والله ما اكذب عليكم،،ولما جات كان شعرها مبلول،،،وتوها ماخذه شور ومبدله ملابسها..وقالت اعذروني نسيناكم،،،،،وخالي جاء بعدها بنفس الحاله،،وشعره ينقط مويه،،هذا وش معناته ،،ياقليلين الحياء يعني مسوينها وعندكم ضيوف،،والطياره قرب موعدها بس يادوب ودعناه وانا كبدي لايعه من حركتهم وطلع مع الباب،،واسمع صوت المعانقه بينهم،،يعني ذايبين ببعض وبقوه،،والله ولا حتى عرسان
الزبده يااخوات اللي فاهمه القصه ،،،تقول وش السر،،،السر فين بالقلب الطيب،،،والجمال بالاخلاق ،،وبالخلقه،،،،والا الجمال السكسي،،حتى لو كانت صاحبته لا اخلاق ولا خلقه
وانا بنام وبكره اشوف رددوددكم الحلوه ،،تصبحو ع خير،،،