حبيت اشارككم بتجربتي ال

السلام عليكم ورحمة الله وبركاته
بقولكم سالفتي بس صبروا علي شوي ولا تستعيلون
قبل اسبوعين خلص الشامبو اللي استخدمه ( صانصيلك )
المهم تمت احوس فالبيت على شامبو ومالقيت غير
شامبو اسمه nyle
امي شاريته لانها سامعه عنه انه وايد زين
خذته وانا اتحلطم عالشامبو وكلش كنت مستاءه منه ومابي استخدمه
بس شسوي مضطره
المهم تسبحت
طلعت من الحمام شعري كان شوي ناشف
وانا اقول حق امي شوفي شلون نشف شعري
وثاني يوم بعد استخدمته ونسيت اشتري شامبو غيره
سبحان الله كل يوم اقول بشتري غيره ومادري شيصير وانسى
اظاهر الله رايد اني استخدمه
المهم استخدمته اسبوع ونص
حسيت ان شعري تغير
والتساقط قل بشكل
المهم خلص الشامبو وقلت حق امي خلاص اشتري هالنوع الاني احس ان التساقط قل
المهم شرت كميه كبييره
وعلبه كان معاها زيت مجاني
قلت يالله دام الحين صايره حقل تجارب
بستخدمه
وعلى فكره انا كنت استخدم املا , باراشوت , الجرجير , الخروع , الصبار , الحيه , الحبه السوده , و الهملايا
المهم
استخدم الزيت والله اني لاحظت الفرق
فرق واضح
اصلا الشعر مايتساقط الا كم حبه فاليوم حتى لما اربطه واحاول اشده مايطيح بسرعه
وقبل كان شعري بطريقه رهيبه يعني لو اجمع اللي يطيح اسوي منه باروكه
المهم هذي صورة الشامبو
اما الزيت
هذا هو اللي استخدمته لونه اخضر وداخله مثل الخشبه وحبوب بيضا مكتوب عليه مجموعه عشبيه ومرسوم صورة جوز الهند
طبعا بخصوص الريحه
هو ريحته جايه على ريحة الحنا
لان من ضمن مكوناته الحنا
بس مايغير لو نالشعر
انا صابغه شعري خصل وكامل وماتغير لونه
واللي في قطر يلاقونه في الفاميلي فود سنتر , اللولو و كارفور
وامانه اللي تستخدمه تدعيلي وتقول لنا عن تجربتها
ادري وايد طولت السالفه