كيف كان وقع النظرة الأولي عليك حبيتيه ولا لا

مشكورة عالموضوع الروعة
انا الصراحة خاطبة ومتملكة
وكمان شهر زواجي
خطيبي ((زوجي)) كان يعرفني قبل ما يخطبني
يعني شافني وعجبتو
بس زارنا عشان انا اشوفو واقبل فيو
من قبل ما اشوفو كنت مرتاحة نفسيا من ناحيته
واول نظرة الو حسيت اني مرتااحة كتيير
وشعرت بالامان
وطبعا قلبي كان يدق بم بم بم
قلت بنفسي انو كتير خجول
عشان ما حكى ولا كلمة
بس بعدين اتضحلي العكس تماما
ما شالله عليه بحكي وصريح عالآخر
وهو لما شافني تأكد انو انا اللي عجبتو
و.....
خلص

ههه
ذكرتيني بالذي مضى..
انا صارلي سنتين متزوجه ..اقولكم اشلون:
============
امه كانت تعرف امي لكن انا ما اعرفهم..المهم..حددنا يوم عشان يشوفني واشوفه..
انا على بالي بس انا وياه اللي نقعد بروحنا..لكن..كان موجود امه واخته وامي وخالتي وولد خالتي..
يعني العيله كله..
كنت حاطه مكياج خفيف..ولابسه الملفع..ومتكشخه عالاخر..وقلت اكيد راح نسولف مع بعض(ففرشت اسناني وحطيت معطر فم)لكن للاسف هو قعد جدامي لكن بعيد وانا مستحيه ومنزله راسي من الحيا..
امي تأشر لي يعني:ارفعي راسج وشوفيه..حاولت اشوفه من غير ما أحد يحس..
رفعة عيني للنظره الاولى وشفته..بعدها قلت ما شفته عدل:و رفعت عيني للنظره الثانيه وشفته..
لكني طمعت قلت باشوفه عدل..توني ارفع عيني للمره الثالثه..ولا..يصيدني..ههه
اول ما جت عيني بعينه ضحكت وهو ضحك ههه
وهم كلهم مستغربين يطالعولي يقولون شفيج؟؟؟؟؟ وانا اقول لامي ابي اطلع من الغرفه
الصراحه زوجي مو حلو..ما كان عاجبني ..لكن بعدين قلت اهم شي الدين والاخلاق..وتزوجته..
بالرغم ان خواتي وبنات خالتي كانوا يقولولي ارفضيه..
لكن الحين يقولون لي الله يخلي لج زوجج..لانهم يشوفون طيبته ..وحبه لي..
كل ما اطلب شي يجيبه لي وما يقصر معاي..والحمد لله
==============
لا يهمكم الجمال..اهم شي الطيبه

حلو موضوعك وفعلا ذكرنا باللي مضى ايام الدلع
. انا لي سنه وكم شهر متزوجه. وزوجي مايقربلي لكن صديق لواحد من عيال خالتي
وبصراحه لما خبرني ابوي انه متقدملي ماكان على بالي الزواج ولاهو بكبره وكنت مطنشه بجد وماخذته لعب بس بعد يومين اتذكر والله كنت نايمه بعد مارجعت من الجامعه وصحتني امي المغرب تقولي الولد جاي بعد شوي بشوفك اذا عجبتو بعض وكذا يعني .....
انا طارت عيوني لا يمه حرام عليك شعري كشه ومالي خلق اتحمم ووجهي اشهب من الشمس
المهم قلت يلاا ماني مفشله ابوي قدامه بنزل بس كذا تجربه وشوف شلون الموضوع يصير مع البنات
حطيت باودر خفيف وبلاشر وماسكار بس
<< مابقى شي
ولبست فستان ناعم يسحب(يعني متستره عند الرجال)
المهم بالياله دخلت عليه طقاق انا وابوي لين دخلني غصب
ومن شفته قاعد وميت ضحك علي خقيت ههه
ضيعت والله قلت فنفسي ياملحه بغيت اروح اقعد جنبه واطقها سواليف
بس عاد ابوي تنحنح يلا ياماما روحي انتي
عاد من طلعت ابوي يقول المعرس قال متى العرس ؟ خ
انا طلعت امي تسالني ها
قلت بس هذا هو ابيه . ههه
وانقردت وخذته وبس هاذي قصتي
بس تعالي ريمان انتي ماقلتي قصتك ؟؟

الحمد الله الحمد الله الحمد الله
مامريت بمواقف محرجة مثل باقي الناس زوجي يصير ولد خالتي ومن يوم حنا صغار وحنا نلعب مع بعض يعني عارفني وعارفته
بس اللي فاجأني في الموضوع أنه مافي أحد من أهلي سألني أقبل فيه ولا لا هو بنفسه كلمني تلفون وصار ياخذ معي ويعطي وأنا ياحياتي على نياتي على بالي مكالماته مثل العادة يسأل عني وعن خالته حتى أمي تناديني إذا أتصل وتقول تعالي كلميه يبيك شوي بعدها بفترة إلا والرجال يسألني صريح تقبلين فيني ولا لا ،،،،، إلا وجهي صار
بس كنت محتارة أتزوج ولاأكمل جامعة لكن الحمد الله حصل الإثنين سواء وبعدين صار عندنا
بس ياليت تقولين لنا موقفك ياحلوة
:tulpban2:

اما انا فقصتي قصه
بعد ما خطبوني خوات زوجي طلب انه يشوفني بصور
على طول انا رحت وكشخت وطقيت كم صوره في اقرب ستديو
المهم هو سبقني وارسل صورته مع وحده من خواته
طبعا انا ما اعرفه ولا يعرفني وحده من خواته شافتني بزواج وعجبتها موت>>>شايفه نفسها المهههم
ارسل صورته لأنه واثق من نفسه لأنه قمر اسم الله عليه فديته
المهم انا شفت الصوره انهبلت عليه
المهم ابووي سأل عن الولد طلع خوش رجال
ومن عيله محترمه ومعروفه في المنطقه
ابوي ما اعجبته سالفة الصور قال لازم تشوفون بعض على الطبيعه
وحدد يوم للشوفه ونا ميته خوف جلست جومين بدون اكل
المهم طول اليوم وانا ادور شي البسه
في الأخير لبست قمص رسمي لونه اسود اكمام طويله
وتنوره طويله بيضه(الي يشوفني يقول بروح الكليه)
ورفعت شعري بطريقه عشوائيه عاد انا شعري ناعم مره وتنزل منه خصل خفيفه
حطيت مرطب شفايف وعطر يدوخ من الحلاوه
المهم جا الولد وناداني ابوي وقلت يابنت ثقلي شوي
دخلت وانا رافعه راسي وواثقه من نفسي مره
وسلمت عليه ورد السلام جلست بعيده عنه
بس ابوي قالي جلسي جمبه عشان تتكلموا على
راحتكم وتركنا ابوي ربع ساعه هو يتكلم
وانا ارد بصوت صغير مره
وقالي فتحي شعرك اشوفه
فتحته وطاح شعري بس بعدها
انهبل الرجال تصدقون انه
مد يده ولمس شعري والله اني مت من الخوف
وبس تزوجنا قبل 5 شهور من اليوم
وبس

الف شكر
على
مروركم
حبيباتي
تحياتي
ريمان

مشكوره حبيبتي على هالموضوع الحلو الصراحه انا مني مخطوبه ولا متزوجه بس والله والله عجبني الموضوع وعجبني المواقف الي حصلت معاكم والصراحه ضحكت من كل قلبي (ترى طحت من الكرسي من كثر الضحك ههه)وياليت الي تزوجو او الي خطبو يدخلو ويقولو المواقف الي حصلتلهم ولا يبخلو علينا ارجوكم لاني احب هالمواقف المحرجه هذي بس ما احب تكون عليا :*_*:

للرفع
للرفع
اريد مزيد من المشاركات
انا صاحبت الموضوع وكملت سنه وشهر على زواجي
وانا اليوم حامل في الشهر السادس
ادعو لي اولد بالسلامه

حلوه سواليفكم يا بنات
=============
ذكرتني بأيام الخطوبه