حبيت افضفض ضايق خلقي ابي ردودكم

بسم الله الرحمان الرحيم
السلام عليكم ورحمة الله وبركاتة أخواتي العزيزات:
صراحه انا مومصدقة اللي يصير في هالزمن من قله حياء وقله ادب من بعض البنات
حتى اصبح اكثر البنات جرائتها وصلت الحدود ومسحت الحياء ووصلت الى رتب عاليه
في قله الادب
في هالدنيا نشوف كلشئ العكس
صارت الزوجة تستحي اكثر من البنت
صار الزوج اهو اللي يستحي والبنت هي الجريئة
اللوم على الاهالي وعلى التربية السيئة ومرافقه اصحاب السوء وطبعا شاشات التلفاز اللتي ماخلت شئ ماعرضته لفساد الشباب
والغبي اللي يسير وراء هاذي التيارات
ومعظم البنات تقلد وبس ولاتدري بالعواقب
ولاتدري نظرة الناس لها
مثلا زوجي اذا شاف بنت جريئة لدرجة انها تعلن جرائتها للناس سيقول زوجي انها هالبنت(0000)
يعني عليها بلوك
بس اكثر البنات يقلدون اللي بالتلفاز او البنات الثانية لأن هوايةاكثر البنت عندها التقليد وبس
الموهم نبدا بالسالفة اللي تجيب النكد والهم
امس رحت بيت اهل زوجي وياليتي مارحت
رحت اسلم على والده زوجي تعبانه جلست جنبي شوي ومشت وهدتي جنب بناتها و وبنات بناتها
جا وقت العشاء وجا زوجي جنبي وجنب البنات نتعشى
وحركات الاستفزاز البايخة اللي من تزوجت يسوونها
يبغوني اغار على زوجي باي طريقة بس والله لااغار ولا شئ
بس ناس ماتفهم انا اللي يزهقني اذا ستمروا على هاذا الشئ
خلاص يطفشون الواحد كل وحده تحط في فم زوجي
بس انا عن نفسي مستحيل ا ا كل زوجي جنبهم لأن يسون حركات ماصخة
نفس حركات اولاد رحم الله الاولاد عنهم حركات اوه اوه وماادري شنهو
وصل بهم قله الادب يتكلمون بكلمات جريئة مثل يقولون لزوجي بنجي بيتكم ننام معاكم في السرير
أنا بعد ماسمعت هالكلمات ماادري وين اودي وجهي شهالكلام ماخلو شئ
هاذا موذكاء نتفاخر فيه إن احنا نعرف لها الأشياء وحتى لو عرفتوا هالأشياء ماتتكلمون بهالسوالف جنب اخوكم او خالكم هاذا غباء وقله ادب
ومن هالكلام الماصخ والقليل الادب مسكين زوجي مافهم نواياهم الا يوم رحت البيت وفهمته شنو المقصود من هالحركات كلها
وصارت الجلسه امس مجلس حيوانات مواوادم ابد كل وحده تضحك والمكان كله ازعاج
وانا ماسكه نفسي ابغي امشي بس زوجي مو حاس
ويوم طلعت من بيتهم واخيرا طلعت قلت لزوجي بنات اختك قليلين ادب والله انك لو موجالس جنبي
جان فشلتها بس الفشيله انه رجال جنبنا وعيب اتكلم بسوالف تخص حريم جنب رجال
مع اني مااختلط معاهم كثير ولااسولف معاهم
صراحه ماارتاح معاهم في السوالف ولا اخذ راحتي لأنهم ناس معقدين
معقدين بدرجة الواحد قبل لايتكلم يحسب حسابه قبل لا يقول كلمه
صراحه نرفزوني امس بدرجة ماتتصورون
الشرهه على اللي عزهم وجا زارهم ولااهم موكفو الواحد يزورهم
ابي منكم المساعده اخواتي الغاليات
إذا حصل لي موقف مره ثاني زي هاذا شنو ارد عليهم
كيف اسكتهم واوقفهم عند حدهم
عسى الكلام ينفع معاهم
ساعدوني من هالحيوانات اللي انا عايشة معاهم