حركة خطيبي رح تجنني كيف أتصرف

1. بعرف هالحركة لأنو عملها من قبل , و كأنو بيجس نبضي

السلام عليكم أحلى فراشات
صرتو أقرب ناس إلي و صرت ألجألكم في أي مشكلة في حياتي و استفدت كتير من نصايحكم
في الفترة الأخيرة صارت بيني و بين خطيبي مشاكل كتير و أغلبها مشاكل بسيطة
و آخر وحدة من 3 أيام , مشكلة بسيطة كبرناها و صار بيننا نقاش عصبني كتير , حتى أني استغربت منو كيف نبرة صوتو اتغيرت و كأنو حدا تاني
المهم من بعدها ما كلمني , بس أرسل لي مرة رسالة قصيرة يقول فيها بالحرف " كيفك و كيف العائلة ؟"و ما رديت عليها
و قبل شوي بعثلي إيميل يسألني عن العايلة و عن أحوالي و يقول حبيبتي و بحبك و كلامو جدا عادي و كأنو ماصار شي و لا صار بيننا خلاف و لا عصب علي
هو يستناني أرد عليه و كأن ماصار شي , لو رديت بإيميل رح يحاكيني عالموبايل و لو مارديت بإيميل ماراح يحاكيني

بعرف هالحركة لأنو عملها من قبل , و كأنو بيجس نبضي

شو رايكم عزيزاتي , أرد عليه و كأنو ماصار بيننا أي خلاف , و لا بفتح معو موضوع المشكلة اللي صارت , مشان لما كنا نتناقش و شفت أنو صار يعصب و يغضب قلت لو "الأحسن نخلي الموضوع يوقف هون " , علشان شفت إني لو زدت أكتر بشوي رح أغلط معو بالحكي و أخرب كل شي , و بعدها ودعنا بعض و قفلنا عالحكي و احنا لسا ما خلصنا , أنا صراحة لسا بحس بغصة من طريقة حكيو معي رغم أنو ماقال كلمة تعايرني بس كان يعصب علي كتير , و بحس أني لازم أفتح الموضوع معو مرة ثانية , بس صراحة أكثر الموضوع تاافه اللي اتخاصمنا مشانو
شو أعمل ؟ و شو أتصرف ؟
لجأتلكم قبل ما أعمل أي شي