حركى الميزان ورجعى مقاسات زمان وخلى جسمك جنان مده الموضوع شهر من تاريخة

السلام عليكم ورحمة الله وبركاته
عزيزاتي الدبدوبات اللي مثلي وخصوصا اللي اوزانهم في الثمانين وماحولها ..
حابه أني أبدأ برنامجي اللي مخططه له كثير وماصار فيه وقت الا الحين اني اسويه ..
أولا العيد جاي ان شاءالله ومابي كل عيد يمر مثل العيد اللي قبله بنفس الشكل والوزن لمتى يعني راح نضعف ...؟!!ابغا استمر لين اخر رمضان من غير تخبيص عشان يجي العيد ونا شويه متعدله على الاقل 15 كيلو انزل...
الموهيم ياحلووين حابه أسوي رجيم وشعاري هو الإرادة والعزيمه ونبي نحمس بعض ان شاء الله ونكتب كل شي سويناه بكل يوم ..
خلاص تعقدت من كلمة دبه <<<
كل وحده تسوي الرجيم اللي تبيه بالإضافة للرياضة وبالإضافة للأشياء اللي راح نسويها بالرجيم مثلا :
1- شرب عسل مع كوب الماء الدافئ على الريق .
2- شرب الشاي الأخضر يوميا على الأقل كوبين كبار .>>> مع اني ما احبه بس اللي يبي الدح يقول اح ..
3-الخلطات اللي نحطها بجسمنا .
4- المشي يوميا كبداية للرياضة.... نص ساعه او ساعه .. انا ببدأ بنص ساعه افضل بعدين بتدرج .. الله يعين مع الحر ..
وغيره كثير .. وأي وحده عندها فكرة او شي تضيفها وتفيد وتستفيد ...
صراحه يابنات في اشياء كثيرة ببالي اسويها بس ملخبطه افكاري شوي .. بس عندي عزيمة وإرادة مشاءالله وان شاء الله بضل عليهاا ..
وخلاص هاذي اخر مرره اسوي فيها رجيمات واشياء زي كذا بأذن الله .. لأني ناوية أضعف لأن ماعاد بقى وقت
طول العمر بنقعد دبدوبات وجمالنا رايح وضالمين نفسنا وأجسامنا معنا ...
الأكل مو طاير والحلى والببسي والفاست فود مو نافعنا .. بالعكس ضارنا..
بأختصار اللي تبي تمشي معاي حياها الله بس تكون عندها إرادة والله الله بالتشجيع ولاتقول ما اقدر اتحمل
لا ان شاءاله بتقدرين ويدنا بيد بعض ..
وبأذن الله ربي بينولنا اللي في بالنا وبيضعفنا على خير .. وصحة وعافية من غير شر .. لاحبوب ولا رجيمات مضرة
ولا حرمان ...
اللي جادة وخاطرها تستمر بس تدور احد يشجعها او معاها حياها الله ومو مشكلة ايش ماكان وزنهاا حياهاا ..
وترى فيه عقوبات لأي وحده ماتلتزم <<<
الي خاطرها تمشي معاي المشوار تكتب طولها ووزنها وأيش الرجيم اللي تبي تتبعه وراح نبدأ السبت ان شاء الله
أنا عن نفسي راح استخدم رجيم صحي جبته من اخصائيه التغذيه بس بشيل منه كم شغله... يضعف كل اسبوع من 2-3 كيلو وهذا معدل طبيعي للفقد
وانا اشووفه مرره صحي سبق وجربته بس ما استمريت لضروف وكذا ..
وسلامتكم ياحلوين ..
وزني : 75 ..
طولي : 154
توكلنا على الله .................ونعم بالله ..
بنبدأ بتاريخ 18 / 8 ........ يوم الاثنين ..
يعني بكرى ان شاء الله ..
الين اخر رمضان ..بأذن الله .
..