حسبي الله على بليسكم من حريم

حسبي الله على بليسكم من حريم
لو خيّروك إما يموت زوجك أو يتزوج عليك فماذا تختارين ؟؟؟
هذا السؤال انطرح في منتدى نسائي ...
كلّهم تفكيرهم واحد وأمنيتهم وحده ... !!!
المشاركه 1
يمووت وادعي له
ولا يتزوّج عليّ ثم ادعي عليه !!!
المشاركه 2
خليه يموت لأن الموت حق !!!
بس إنه يتزوج علي لالالالالالالالالالالالالأ
انا بصراحه أخاف يتزوّج ويدلّع زوجته الجديده
و أصلا دايما أقول وبصراحه ... أكون ارمله ولا أكون مطلقه
المشاركه 3
والله كل الإثنين صعبات
بس الموت له أسهل عندي والله !!!
حنّا يالحريم بالنقطة هذي تصيرعقولنا صغيرة وماصلين
بس غصب غصب عناّ
المشاركه 4
يموت وانا أموت وان شاء الله ربي يرزقنا الجنه ويكون زوجي فيها واكون زوجته فيها !!!
أما لو اتزوج عليّ، فراح أتطلّق وخلاص بتنتهي علاقتي فيه وقلبي بينحرق
وباموت من الحزن والهم
المشاركه 5
للأسف عشاني أحبة ابختار له الموت بعيد الشر عنّه !!!
(أصيله يانفيسه) !!!
المشاركه 6
يموت وابكي من حزن فرقاه ولا يتزوّج و ابكي قهههر منّه !!!
المشاركه 7
الموت حق وكلنا بنموت ... بعدين الدنيا كلها فتن وش يبي بها !!!
المشاركه 8
والله يقولون أرمله ولايقولون أعرس عليها !!!
ويموت وأنا أحبه وهو يحبني ولا يعرس عليّ وينساني
يا جعله يعاف الحريم كلهم إلا أنا
المشاركه 9
لايموت هو أحسن ولا أموت أنا من الحرة !!!
المشاركه 10
الله يغفر له ويرحمه ... المقبرة قريبه !!!
المشاركه 11
طبعاً أتمنى له الموت، على الأقل بأحط راسي على المخدة وأنا عارفة إنه في حضن القبر
ماهو في حضن حرمه ثانية !!!
المشاركه 12
انا أقول يتزوج بشروط ... يعني يحط لي فيلا دورين وافرشها من جديد
وسواق وشغالتين ومصروف شهري ورضاوة طقم ذهب ابو 50 الف
تراني مرّة قنوعة وأدرس عيالي بمدارس انترناشونال و ما أبغى شوف رقعة
وجهه ابد يجي لعياله بس ( ماطلبتي شي ) !!!
وبعد ما يحقق لي طلباتي ... أدعي عليه يموت !!!
المشاركه 13
يموت أرحم من إني أشوفه مع غيري !!!
المشاركه 14
إلا الله يستر عليه يتوكل على الله ويموت ولا يموّتني وانا حيّة !!!
المشاركه 15
يموت أريح ... أصلاً وجوده مثل عدمه !!!
المشاركه 16
لا بالله يموت أحسن، ولو ما مات أحرقه هو وزوجته بسيارته ببنزين أو أسيد وعساه يبرد قلبي !!!
المشاركه 17
يموت ولايتزوّج علي
المشاركه 18
لا طبعاً أرمله ولا مطلّقه !!!
لأنه لو تزوّج عليّ ماني جالسه معه هو ووجهه
المشاركه الأخيره !!!
جنازة ولا جوازة
أما يتزوج عليّ ... لا والله ما أقأرجع واقول وبدون تردد يطلع من عندي وهو جنازة ولا يطلع من عندي بجواز ةِ !!!
بلها
وبعدين هو في كل الحالتين بيصير في نظري ميّت، على الأقل إذا ربي أخذ عمره بأدعي له وأتصدق عن روحه إن شاء الله يعني بيفارقني وانا أحبه
أما إذا تزوّج عليّ فهو بيموت من قلبي وعقلي وبأدعي عليه طول عمري حتى لو دعوتي مو مستجابه يعني بيفارقني وانا أكرهه !!!
وانتم وش رايكم؟؟