حسبي الله عليهم من حريم ماتخفون الله

بسم الله الرحمن الرحيم
السلام عليكم ورحمه الله وبركاته
ومن كل قلبي اقول حسبي الله عليهم من حريم
اياً كانت اخت او ام او حتى جده
ماتخفون الله ولاتتقونه
ماتعرفون ان الدنيا دوره
وان الله يمهل ولا يهمل
,,,,,,,,,,
ادري الكل بيقول وش فيها مستهيشه وش السالفه
وانا متأكده ان كثير زي هالنوعيه
والمشكله العظمى لو شفتيها تقولين ماشاء الله وش هالدين والتزام
ابي اعرف الحريم الي مايخافون الله
الي لما تجي تخطب لخوها ولا ولدها
تطلعه ملاك طائر وهي تعرف ان كله بلاوي
ولا الي تقول زوجوه ويعقل
جعله ماعقل على حساب بنات الناس
قهرني الدكتور طارق الحبيب
اتصل رجل عليه وقاله ولدي عمره 17
ومجنني و و و
اخر شي رد على الرجال قال زوجوه
قال ايش زوجوه وبنت الناس اذا راحوا يخطبونها
بيقولون لهلها زي ماقالوا لطارق الحبيب عشان
يكونون مسؤلين وهم حرين اما يزوجونه على هباله
ولا مايزوجونه
بس غالبا اذا راحوا يخطبون
بيقولون ولدنا عاقل كريم رزين مايعرف السفر
وينحط على الجرح ييبرا
قولوا امين جعل كل وحده تروح تخطب من بنات الناس وتكذب
بس عشان يوافقون ان الله يرزق بنياتها زي
اخوها ولا ولدها
والقهر ان بعض الحمايل مايعترفون بغلط ولدهم
ابقولكم قصه قهرتني لوحده من صديقاتي
تقول فيوم تهاوشت مع زوجي
وهو راعي شراب ومداد يد
وتقول مايهجد جوازه مختوم حتى على كشرته
من كثر السفر وقله الادب
تقول تهاوشت معه وضربني
وتقول طلع وراح يشتكي لامه
ويقولها هذي فيها وفيها وفيها
وتجي امه وتدق على البنت المسكينه
وتجلس تمسخر فيها انتي من اخذك ولدي وهو ما ارتاح
والبنت ماقالت شي
بس الطامه الكبرى يوم جت خالتها ودقت على ام الزوجه وابوها
وتجلس تحط عليها وتقطع فيها
جت البنت راحت لام زوجها وقالت لها انتي تعرفين وش الي صاير.؟
قالت موب لازم اعرف المهم انك قاهرته
جت البنت قالت لها اجل بقولك
ولدك كل يوم بديره والكاس مايطيح من يدينه و
تدرون وش ردت
بكيفه هو رجال ماراح يدخل النار وانا ادعي له
ولا يعيبه شي
لكن انتي البلا منك....؟؟
بالله يابنات هذي وش تسوين فيها؟؟؟
ولا الثانيه برضوا من جماعتنا الي دقت على اخت زوجها
وقالت لها انتي يوم تخطبيني ماقلتي لي
انه لسانه وصخ وانه راعي سفر
وغزلي
قالت لها بكل وقاحه ايه عارفه عشان كذا زوجته عشان يعقل
وكل الرجال كذا..
الله يرزق بنتك زيه عشان تذوقين القهر الي تعيشه هالمسكينه
وعادي بعدين يعقل
ولا الي تدور لها احد من عايله زوجها رجال عاقل
ابوه مثلا وتقوله ياعمي
ولدك فيه كذا وكذا وكذا
يقول لها معليش مأجوره
طيب انصحه ياعمي عشان انت ابوه وستر وغطى عليه
يقول لها وش قصدك انك ناويه تفضحينه
انا بخليه يربيك وماتعلمين احد ولا يطلقك ونفتك من بلاويك
الحرمه لازم تستر على زوجها
ويروح لولده ويقوله طلقها ناويه تفضحك بين الناس
طيب ياشايب ماتخاف الله هي يوم جتك كلمتك
عشان انت ابوه ولا تبي هي القيل والقال
تروح تدمرها اكثر من ماهي دمرانه
بدال ماتمسك الولد وتقوله تراي غضبان عليك ان مابطلت بلاويك
انا ابي اعرف هالحين ليش يسوون كذا
يرضونها على بناتهم
على خواتهم ولا هم غير من الطبقه المخمليه
التي لا يقبل ان يقال عنها شي
وبنت الناس جايبنها من سوق العبيد؟
طيب وين دينكم
مفروض الحريم مايجبرون عيالهم ويزنون عليهم عشان يتزوجون ويدمرون حياه بنت مسكينه عشان يربون عيالهم فيها وتكون هي حقل تجارب
ولا مفروض لو الرجال جى لامه ولا اخته وقالهم اخطبوا لي
يقولون له والله اركد واثبت لنا انك قد المسؤليه وابشر
بس نخطب لك وبكره يدعون علينا
ولا يقولون له عادي نخطب لك بس بنقول للبنت واهلها
انك كذا وكذا وكذا
وهم حرين ياخذونك ببلاويك ويربونك هم
ولا مانخطب لك اصلا
وش رايكم بهالعالم ياحوائيات
وانتم يالي من هالنوعيه
ترى فيه ناس تدعي عليكم بجوف الليل
ام محروق قلبها على بنتها
الي ماتبي ينقال عنها مطلقه بعد ماطاح الفاس بالراس
ولا زوجه صابره تدعي عليكم متحمله
عشان عندها هالبزارين الي تبي تلمهم
ولاتبي تشريدهم
ولا راح عمرها وشاب شعر راسها من القهر والغبنه وهي ماتعدت ال 30
جى واعرس عليها من زينك وتعرس بعد
صدق عجبي من هال(****) كل وحده بمعيتها تختار
وانا بهاليوم الفظيل يوم الجمعه ادعي من كل قلبي
اقول حسبي الله عليكن من حريم
جعل بناتكم ياخذون مثل عيالكم الي تقولون ملائكه وقت الخطبه
وبعد العرس تقولون ايه يعقل.
يامال العقال الي يتقطع على ظهوركن
صدق ان اكبر عدو للمرأه هي المرأه
ودمتم بخير .............................. ......
استغفر الله الذي لا اله الا هو الحي القيوم واتوب اليه