حسوا لو مره عشاني واتركوا الطبع الاناني

انا ذقت هالضيم انك تحسين الي معك تزوجو وانتي لا
ماشاء الله تبارك الرحمن
ماشاء الله الله يوفقهم
تزوجت مو بس اختي ؟ الا ولد اختي وبنت اخوي بعد ومن كم سنه بعد يعني مو تو هالحين
بالرغم البنت اصغر مني
يعني بعد كم يوم اصير جده حليمه
وحسيت الدنيا تقفلت وخليها على ربك
يا غاليه مالنا الا رب العباد ندعوه ونرجوه
صادقه لازم نفضفض
اسال الله الذي رفع سبع سماوات وبسط سبع اراضين
ان يعجل لك بزواجك بالزوج الصالح الي يسعدك ويهنيك
وتصير فرحتك فرحتين هالسنه فرحه العيد وفرحه زواجك
قولي امين
دعواتك لي بالغيب

يا عمري عليك ....يعني وش بقول لك ؟....وضعك ازين من وضعي؟...كلنا بالهوا سوا
اقدر افيدك يمكن بجملة واححده ( لا يرد القضاء الا الدعاء) ادعي واستغفري ....وبس
ما اقدر افيدك اكثر من كذا....واقدر ادعي لك بس.....وعلى طاري اختك وجمالها ...ترى الجميلات اقل حظ من العاديات
بالمختصر ....ما اتوقع تصير اوفر حظ منك ...وانا اتكلم من واقع حياه واحداث حولي صارت .....
ودي ردي يكون لك افضل من كذا ولكن اليوم تكلمت مع امي و حاسه بخيبة امل شنيعه

الله يعين يآآحبيبتي
بتهون قرب الخير و الفرج إن شاء الله
الله يرزقك من حيث لآ تحتسبين

انا عمري 27 وبدخل 28 وعادي وربي انا الح ع امي اقولها لا انخطيت اختي زوجيها لا توقفون نصيبها عشاني اختي مو كبيره 18 يعني ليش ارفض انهم يزوجونها وش عليك من الناس بقولك سالفة صديقتي هي اكبر خواتها 34 سنه تزوجو خواتها الصغاار وحده 22 ووحده 19 تضايقة بس فرحت لهم بعد زواجات خواتها باشهر تزوجت البنت وطلع زوجها شي شي شي اصغر منها وشغال في ارامكو وكشخه ويموت فيها عندها منه بنت وولد الحين وميت فيها ربي يهنيهم لاانها ماصارت انانيه والبالعكس فرحت وماقالت لا يتزوجون قبلي قلت للناس هذي حياتي وانا حره فيها وربي عوضها بجدااستغرب من الاخت الي تقول لا تتزوج اختي قبلي طيب هذا الي ربي كااتبه انتي ادعي واستغفري ودايم رديي ربي اجعلني اجمل الجميلات في عين من يراني وربيي يرزقك الزوج الصالح بس لا تقولين انا قبل اختي

اللهم لا يبلغ مدحك قول قائل
ولا يجزي بآلائك أحد
لك الحمد لا نحصي ثناء عليك
أنت كما أثنيت على نفسك
وجهك أكرم الوجوه ( 3 مرات فأكثر )
واسمك أعظم الاسماء ( 3 مرات فأكثر )
وعطيتك أحسن العطايا ( 3 مرات فأكثر )
أنت الرب وسواك العبد
أنت الخالق وسواك مخلوق
أنت الرازق وسواك مرزوق
أنت الغني سواك فقير
أنت القادر وسواك عاجز .
لا معبود بحق سواك
ولا إله الا أنت
وعبيدك سوانا كثير ..
أسألك أن تصلي على محمد وعلى آل محمد وأن تبارك على محمد وعلى آل محمد كما صليت وباركت على ابراهيم وعلى ال ابراهيم انك حميد مجيد وأسألك أن تغفر لي ذنبي
تفرج حزني وكربتي وتغنيني بحلالك عن حرامك وترزقني بالزوج الصالح ياحي ياقيوم (يارب عجل في زواجي انا وتعب كل هالحياه وبنات الحمله يارب العالمين) ..

الله يرزقك اللي تتمنينه

اجل اش اقول انا مطلقه وعمري 34 ؟!
من جدكل واحد يشوف همه اكبر هم...
بس بقولك حاجه صغيره يمكن تهون عليكي... ترى الزواج مو شرط يكون سعاده ماابغى اسد نفسك بس والله احنا في زمن اشباه الرجال اجلسي مع المتزوجات وشوفي الشكاوي اللي ماتنتهي..
اللي زوجها يضربها.. واللي يخونها.. واللي يتعاطى مخدرات... واللي بخيل ومايطلع الريال...واللي شكاك... اوه والله انه الزواج في الزمن هذا هم على هم...
لو علمتم الغيب لاستأثرتم الواقع.... والله اني برغم كل معاناتي بس دايما اقول يمكن جلستي بدون زواج احسن لي من انه يجيني زوج يتعسني...
نصيحه استمتعي بعمرك اذا انا الناس يقولولي لساعك في عز شبابك كيف انتي؟
والله حرام عليكي تضيعي احلى سنين عمرك في قهر على شي مجهول في علم الغيب... ادعي ربك بثقه وعيشي عمرك ... ادرسي... اتعلمي ... اتوظفي... طوري نفسك... خذي لغه... مارسي الرياضه.... الحياه مليانه حاجات حلوه وممتعه حرام تضيعيها عشان رجال ماتدري يطلع طيب ولالاء...
الزواج مو كل الحياه ياناس الزواج مكمل للحياه فقط... وشي بيد رب العالمين..
سوي شي ينفعك في مستقبلك ويحميكي من غدر الزمان وغدر الرجال الزواج عمره ماكان امان للمستقبل..
والله اعرف وحده متزوجه ملكة جمال وعندها ولدين عمرها تقريبا 40 سنه ... اتزوج عليها زوجها وحده اقل منها في كل شي بعد ماضيعت شبابها معاه...
تتوقعي اش سوت قعدت واتحملت الذل والمهانه؟؟
لاطبعا قامت وطلعت شهاداتها البكالريوس والكمبيوتر... وطلبت الطلاق وراحت اتوظفت واستاجرت شقه لها ولاولادها...
شفتي اش اللي نفعها في النهايه...
حتى لو كملتي تعليمك برضو اتعلمي التعليم مالو حد... خلصتي جامعه قدمي ماجستير وبعده دكتواره... مجموعك مايساعد خذي لغه انجليزيه وبعدها قدمي على التوفل...
خذي دبلوم كمبيوتر سنتين... لاتستسلمي هذا اللي بينفعك..
ولايغرك صديقاتك اللي اتزووجو وتشوفيهم يضحكو تحسبيهم سعيدات... والله الحريم مايبنو كل واحده حاطه همها في قلبها وساكته..
والله اني اتمنى ارجع لعمرك عشان اعدل اشياء كثير في حياتي... ومانصحتك الا من تجربه واسعه في الحياه ولاني مااتمناكي تغلطي غلطتي..

الله يسعدك ويعطيك على نيتج

انتي مصيبتك اهون من مصيبتي انا كنت فرحانه اني مخطوبه وبملك وكاني بحلم بعده راح كل شيئ من يدي ولافي ملكه ولاهم يحزنون بس واثقه بالله سبحانه وتعالى مااخذ مني الا ليعطيني بافضل منه واخير منه
اختي انا عمري 30 سنة وداخله في شوال 31 سنة وماتزوجت ! وكل بنات عايلتنا اصغر مني بست وسبع سنوات واكثر اعرسوا وعندهم اعيال طيب وش اسوي اوقف الدنيا واحط يدي على خدي ! واقول ماابي اكبر مثلا ؟ هذا شيئ مكتوب ونصيبك بيصيبك هاللحين ولابعد حين صدق احيانا يصيبني احباط من اللي حولي واجلس ابكي بس واثقه بان ربي راح يرزقني بالزوج الصالح التقي مخموم القلب
مو مهم متى تتزوجين المهم تتوفقين يااختي مع زوج صالح حنا شفنا فيه بنات متزوجات وهم صغار واللي زوجها معذبها واللي طلقها اهم شيئ ربي يوفقنا مع ازواج صالحين تقر اعينهم بنا وتقر اعينا بهم ومابعد الصبر الا الفرج
ومافي شيئ اسمه اختي ماتتزوج قبلي هذا نصيب ومقدر ومكتوب وماتقدرين تمنعين شيئ ربي كاتبه ابدا
سواء تزوجت اختك قبل او انتي وش بيصير بالدنيا اختك هذي من لحمك ودمك ياقلبي واكيد بتفرحين لها وماتدرين يمكن لو تزوجت تفتح لك النصيب
اعرف بنات الجيران ماتزوجوا الكبار الا سبحان الله لمن تزوجوا الصغار انفتح نصيبهم واعرسوا وهم بالاربيعينات بعد
صيري متفائله وحبي الحياه وحبي لاختك اللي تحبينه لنفسك واولا واخيرا ثقي بالله تعالى وتفائلي خيرا تجديه ربي ارحم بك من امك وابيك سبحانه وتعالى اشغلي نفسك بعباده الله وحفظ القران وقيام الليل وختم القران واذا تقربتي لله تعالى سبحان الله ماراح يدخل الضيق والحزن بقلبك ابدا تعوذي من الابليس ولاتعطينه مجال ابدا يوسوس في عقلك خليك مومنه بالله وواثقه به
الله يرزقني ويرزقك ويرزق جميع بنات الفراشه وجميع بنات المسلمين بالازواج الصالحين عاجلا غير اجلا ان شاء الله مايجي العيد الا وانا مملكه وانتي وجميع بنات حملتنا وجميع بنات المسلمين اللهم آآآآآآآآآآآآآآآآآآآآآآآآمين