حصريا على الفراشه للاطفال فقط

السلام عليكم ورحمة الله وبركاته
اليوم جايبه لكم خلطه تهجد الجن اللي فوق راس بناتكم (قصدي الكشش)
خلطه مجربه ومضمونه وقبل كل شي مفعولها واو
مرتين بالاسبوع ولا تجي وحده تنط لي وتقول جربتها ومانفعت كل شي يبيله صبر اصبروا عالعموم مفعولها من اول اسبوع بس اللي شعرها حالته صعبه يبيله شوي وقت
المهم مابي اطول عليكم طبعا هي طريقتين جيبوا ورقه وقلم وسجلوا معاي ماراح اعيد ثانيه خلاص
المرحله الاولى:
زيت دابر املا (ايه ابو ريحه مخيسه ماغيره)طبعا الاصلي
زيت جوز هند معصور (روحي للعطارة وقولي ابي جوز هند معصور وابو هنود ماراح يقصر)تراه ب10 ريال بس
المهم تاخذين من كل الزيتين نفس المقدار وتخلطينهم مع بعض بعلبه (ترجينهم رج)
خلصنا من المرحله الاولى
المرحله الثانيه:
2 ملعقه زبادي
2 ملعقه عسل
فاشكول +بلسم (تحطين منهم نفس المقدار ملعقه وحده)
طبعا تحطين المرحله الثانيه بالخلاط وفر الين يطلع ثقيل وخاثر خلاص معاي ركزوا
نبدأ بسم الله
تحطين بشعر بنتك المصون الزيت حق المرحله الاولى الين ماودك تغسلينه ماله وقت معين طيب وتغسلينه بدون شامبو لاحظوا معاي بدون شامبو (اللهم اني بلغت)
طيب ينشف الشعر شوي يكون رطب بس مو مرة تاخذين الطريقه الثانيه وتوزعينه على الشعر وتغطينه بطاقيه طبعا واذا عندك بخار الشعر اوف بيطلع واو خليه ربع ساعه واغسليه بالشامبو
الحين بالشامبو طيب (ابعدوا هالفترة عن السشوار)
انشالله يارب تعجبكم الطريقه لانها مجربه لشعر كشه وطلع بسم الله هابط وش حلاته
ومابي منكم الادعوه وهي(يارب تفرج همي وتطمن قلبي وتحقق اللي فبالي عاجل غير اجل)بس
واي سؤال انا مو حاضره ههه
وخلوا شعاركم بالحياة اللي يبغى الدح لايقول اح
وموفقين حبايبي مع حصريا للاطفال فقط من موقع الفراشه وشكرا( لاتنسون ابي رد للموضوع )
وعلى فكرة مو بس للصغار حتى تنفع الكبار مجربه وربي