حطي هالشي على تسريحتك وشوفي وش يصير كل متزوجة او مقبلة تتفضل

بسم الله الرحمن الرحيم
مضطرة انزل كم سطر عشان لاتحطون السهم من برة وتعرفون الموضوع وماتدخلون>>نذلة بقوة
بس والله عشان مصلحتكم عارفتكم يالحريم
ماتبون الا مواضيع الهوااش
وزوجي طقني وزوجي ذبحني
او مواضيع اللي خبري خبركم
وش تلبسين وكيف تتدلعين وكيف وكيف
موضوعي غير شكل
راح اوصل لكم هو بقصة:
هذه وحدة سمعت عن قصتها
وراح انقل القصة على لسان اللي حكتها تقول الاخت:
كانت لي قريبة
اوضاع زوجها المادية ضعيفة بالحيل
وفي رقبتهم بزران وواجد
وكل مارحنا عزومة وتيجي يكون لبسها هي وعيالها بسيط ودايم تشكي من اوضاعهم المادية
ومرت الايام وفرقتنا المجالس
وبعد فترة زمنية قصيرة شفتها في مكان
بس ماعرفتها!!
تقول ملامحها ماتغيرت ولا مرت بنا سنين عشان اقول عجزت
بس ماعرفتها من شياكتها!!
تقول لبس احنا اهل المال مانلبسه
وشياكة في كل شي في جزمتها في شنطتها
لابستن ذهب من هنا لهنا
وعيالها يازينهم يجنوون>>اول مع الفقر مابان زينهم خ
وش لبسهم ووش شياكتهم ..
واستحينا كلنا نسالها وش اللي صار عليكم
في النهاية الجلسة قالت ياجماعة كلكم معزومين عندي الربوع
على بالنا بنجيها في بيتها ذاك القديم اللي في الحارة الضيقة
قلنا لها طيب نادي ام فلانة جارتك نبي نشوفها اشتقنا لها
قالت لا ام فلان مب ساكنة معي بالحارة انا نقلت
من بيتي
قلنا لها اجل وين عنوانكم الجديد؟
قالت بيتي مايضيع
هذيك الفيلا الجديدة اللي في الحي الفلاني عرفتوها؟
كلنا وجهنا صار كدة
قلنا يمكن زوجها اشتغل سواق عند اصحابها>>احلفي
قالت توه ابو فلان الله يعطيه العافية عمرها لنا
ونقلت من شهر وابيكم تشرفوني فيه
طبعا تعرفون لقافة الحريم قلنا لها ام فلان
الله يوسع عليكم بس خير ابو فلان جاه ورث ولا شي؟؟
قالت لانكم حبيباتي من ايام الفقر>>يازين الذكريات بس
بعلمكم السر
قالت لنا..
عيالي الله يصلحهم يشترون الحصالات يلعبون فيها ويخربونها ويرمونها
قلت خلني استفيد منها
حطيتها على تسريحتي عشان تكون قدام عيني وماانسى وكل يوم الصبح
اقول لزوجي عطني ريال..او اي فلوس فراطة معك يعني ريال ريالين ثلاثة مثل مايطلع معك
اوقات يعطيني واوقات يقول لي مامعي الا قليل وبيتنا يحتاج ويعصب علي
يحسبني اجمع الفلوس لسوق ولا لسفرة او شي فاضي
وكنت اسكت ماازعل اقوله تكفى عطني حتى ريال
ويعطيني متأفف
الى ان جاء يوم الجمعة في اول اسبوع بديت اسوي فيه هالحركة
وهو رايح يصلي الجمعة عطيته الفلوس وخشيتها في جيبه
جاء يبي يعدها قلت له لا
قال ليش واش اسوي فيها؟
قالتله وانت رايح تصلي الجمعة وزعها صدقة عالمحتاجين
جاتني هالفكرة من الحديث(اللهم اعطي كل منفقا خلفا واعطي كل ممسكا تلفا)
عشان كدة كنت اخد منك كل يوم الصبح عشان الله الله يخلف علينا
قال لها وليش مانعدهم؟
قالتله عشان الحديث اللي يقول فيما معناه(لاتدري يمينه ماتنفق شماله)
وعجبت زوجي الفكرة كثير
وصار يحس بمتعة طول الاسبوع وهو يحط بنفسه في الحصالة ريال او ريالين
حتى عيالي يحسبونها لعبة ههه صارو يحطون باقي مصروفهم فيها
واستمرينا على هالشي وقت يمكن شهر او شهرين
ومن بعدها ربي فتحها علينا ومثل ماوسعنا على خلقه من مال الله
ربي وسع علينا من حيث لانحتسب والى الان هالحصالة وجه الخير علي
مع انها متهالكة وقديمة وماتليق بفخامة غرفتي الجديدة
بس انا وزوجي مافرطنا فيها..
بنات انا ودي بس اتزوج عشان اسوي هالفكرة>>امشي ياكدابة بس هذا السبب!!
الله يسعدكم سووها وشجعوا ازواجكم
مو بس حلاوتها انها صدقة وقربى لله فيها فوايد كثير
يعني اللي مثلا زوجها عنده الناحية الدينية ضعيفة وانتم خابرين رجالنا كلهم الله يخلف صلاة وصوم وبس كانهم مبرمجين ماعندهم الناحية الروحانية
هذه الحركة راح تقربه من الله وتزرع فيه روح الاسلام
ثاني شي راح يكون في علاقتكم بركة لان كل تفاصيل حياتكم لله
وتكون لكم ذكرى حلوة وبصمة في حياتكم انكم اجتمعتو على طاعة الله
وعيالكم تغرسون فيهم من صغرهم الحب للغير والاحساس بالمسلم الفقير
وقبل كل ده رضا الله وتوسيع الرزق
منقول