حل قصتي يحتاج بنت ذكيه انا بحاجه لذكيات

للاسف الشديد انا فشلت في تحقيق رغبتي بان اكون زوجي مثاليه في نظر زوجي كنت دايما اقول رح احب اهله كتير واشيلهم بهعيوني عشان يحبني اكتر ويشوفني غير عن كل نسوان اليوم
لكن للسف قلبي نفر منهم قبل زواجي لما رحت احجز فستان العرس عملتلي مشكله كبيره وسمعتني كلام ما اقدر انسى كل هاد ليش؟؟؟؟؟؟لاني ما قلت لها احنا ما عنا بعاداتنا انه ام الزوج تروح مع العروس لما تختار فستانها شي غريب هاد كلمني زوجي وقلي انه امه زعلانه ويبي مني اروح لها اطيب خاطرها ورحت لها وجلست عندها فبيتها مخصوص وانا مروحه من جامعتي وقلت لها يا ماما اعتبريني ما اخترت ولا رحت ولا شفت والفستان اللي يعجبك رح اختاره .............غبيه وايد انا
قالت لي ما في داعي خلص انت اخترتي وانت الي رح تلبسيه ومن هالكلام روحت ومبسوطه بنفسي كلمت زوجي وقلت له ولا يهمك حبيبي ماما مو زعلانه ما تتضايق (كان حينجن شلون امه زعلانه)
ظنيت انها القصه انتهت وعادي كل شي رجع تمام لكن اول مشكله اول خلاف تافه متل هيك كان بدايت حقدها علي بعد ما روحت من عندها الا خالتي اخت امي (تكون جارة حماتي) تكلمنا تبي توصل لنا رساله من حماتي وهي الاتي :
اولا انها تقولي لو شو ما صار اخلي في بالي انها هي رقم واحد(ما اعرف شو دخل هالكلام بالموضوع)
تانيا وهي مقهوره وتصارخ انا ليش اقولها ماما؟ما اريدها تقولي ماما انا مو امها رغم انها ولدتي هي اللي كانت قايلتلي ناديها ماما تصير تحبك
ثالثا اني بعد ما اتزوج ما يخطر في بالي انه اي شي رح يتخبى عنها ووصتهم يقولولي شو ما اجيب لازم هي تشوفه ويمر عليها
رابعا اذا شو ما تريد مني لازم اعمل اذا في يوم قالتلي البسي ممسحه بيضا بدي البسها وانا ساكته
انا انصدمت بالكلام ما كان باين عليها كانت تعاملني معامله عاديه بس مو هيك وفعلا خيرا تعمل شرا تلقى والله والله والله يا بنات ما كان في بيني وبينها اي شي غير هالموقف التافه بالعكس كنت كتير منيحه معها في يوم الام والله اشتريت لها الهديه واهديتها قبل امي وكانها كاينه تستناني على غلطه ..........ما تغيرت معاملتي معها ضليت متل ما انا احترمها واساعدها واقبل ايده لما ادخل ولما اخرج وتزوجنا وبعدها باسبوع سافرنا والنا ست شهور والحين مروحين على بلدنا رح نعيش هناك انا مو عارفه كيف رح اتصرف معها احنا ساكنين معهم بنفس العماره ساكنين فوقهم وزجي يبينا نتغدى معهم كل يوم ونسهر معهم انا ما ابي احسس زوجي اني لساتني متأثره من كلامها واني ما احب اهله بس بنفس الوقت ما ابي حياتي تخرب ازا سمعت كلامه رح تخرب الامور ورح تختفي الخصوصيه من حياتنا ورح يصير في تمادي وخلافات اكيد وبنفس الوقت شلون اقنع زوجي بهالكلام شلون ارفض ما ابي يقول عني وحده قويه ويخاف من حياته معي ابي شي اقوله له يقتنع هو بالكلام ويأيدني بعد
والمشكله الاهم اللي رح تجبلي اجلي قبل زواجنا بفتره لما بديت انقل اغراضي وجهازي لشقه ابي مفتاح لشقتي لحتى اقدر ادخل ارتب اغراشي في يوم واحنا عند بيت حماي قلت لزوجي كنت جالسه انا واياه وامه وابوه فقال لابوه ابي مفتاح لزوجتي ما في مفتاح عندكم فاذا بحماتي تقول وبصياح انا المفتاح اللي معي هاد اللي ما بعطي لاحد ما بتنازل عنه فاكتشفت انه والحمد لله بيتي اله اربع مفاتيح مفتاح مع زوجي ومفتاح مع ابوه ومفتاح مع امه ومفتاح نسخلي اياه زوجي كل واحد منهم معه مفتاحمو لانا مسافرين انا قلت لكم شو قالت حماتي المفاتيح معهم على طول بالله عليكم ما شي يقهر بدي اضل هامله الهم ومش مرتاحه وانا بالبيت ولما اخرج بعد ؟؟
ما فتحت الموضوع مع زوجي بس شو رح يقدر يعمل ازا هي بتحكيلو هاد المفتاح اللي ما بعطي لاحد ما رح يقدر يكلمهم الموقف محرج اله وامه رح تزعل منه ورح تصير مشكله وما تقولولي غيري السكره ما اقدر اغيرها بدون علم زوجي شو رح احكيله لما يكتشف الموضوع ولا زوجي برضى يغيرها لانه مو مقتنع يقول اهلي ما يدخلون البيت والمفاتيح معهم بحال ازا صار شي واحنا مو بالبيت طيب ليش مفتاحين؟ ازا قلت له ليش مفتاحين رح يقول بتعلقي على شغلات تافه وكل همك اخد المفتاح من امي بس والله هاد مو عدل ما صفى هاد بيتي هاد البيت للعيله كلها
الله يخليكم ابي حل للموضوع قبل ما اروح ما بدي اضل هبله وعلى نياتي بدي امسك الامور من اولها بليز بنات بليز ساعدوني
بالاخر اقول كلمه للبنات اللي فاتحين حرب ضد الكناين بهالقسم يا بنات اللي ايده بالمايه مو متل الايده بالنار
وعلى فكره انا نزلت قصتي من قبل بس ما حد ساعدني لهيك رجعت نزلتها ياليت تقدروا تساعدوني
ومشكورات حبيباتي الفراشاتي مشكورات كلكم خواتي اللي قرات قصتي مشكوره واللي مرت مشكوره واللي ردت مشكوره واللي ما ردت كمان مشكوره