حل مشكلتى الموت لحد فينا

نا متزوجة من سنة ونص كدة وكنت بأحب جوزى جدا وهو كمان كان دايماً يقوللى كدة بكل الطرق وقضينا اسعد خطوبة في الدنيا وبعد ما كتبنا الكتاب كان محتار ازاى يرضيني وكان حبي ليه بيزيد يوم عن يوم وكنا دايماً مشتاقين لبعض جدا ومكانش باين عليه اى حاجة ولا حتى انه عصبي بالعكس كان هادي ورومانسي جدا وعمرة ما مد ايده عليا ولا حتى بهزار وبعد ما اتجوزت بحوالى شهرين كدة اكتشفت انى متجوزة وحش بكل معنى الكلمة بيضربنى بخرزانة على اتفه الأسباب لو ملقاش القميص بتاعة مكوي يسخن معلقة على النار وتصوروا مش هتتخيلوا بجد حتى مش هو اللى يلسعني بيها لا دة يجبرني أنا أحطها على " صدري " شفتوا قمة الإذلال ويقوللى علشان تتعلمى بعد كدة تكونى مطيعة أنا دلعتك كتير في الخطوبة يظهر ويا ويلي لو ماحطتهاش تبقى بدل ما تتحط مرتين ثلاثة على كل جنب تتحط ولا عشرين مرة انا أسفة على صراحتى بس أنا خلاص يائسة من حياتى انا عاوزة أتطلق بس بأخاف أقوله بأفكر أهرب بس لما قلت كدة لماما قالتلى انتى اللى بتعصبيه رغم انى والله عمري حتى ما حاولت ولو قلتله لا على اى حاجة تخيلوا يمدني عارفين يعنى ايه واحدة عندها 28 سنة تتمد على رجليها لغاية ما تعجز عن انها تقوم وطبعا لازم اكون ثابته وما اتحركش علشان أنا لازم أكون مطيعة بيعاملنى كأنى جاريتة وممكن بعد كل دة ياخد حقة الشرعي عادى جداً ولا كأن فيها اى حاجة أنا عايشة بقالى سنة محدش يتخيلها ولا في أسوأ كوابيسه وفي وقت صفائه يصالحنى ويقوللى انتى اللى بتعصبينى خليكي مطيعة وانا مش هازعلك تانى وممكن بعد دقيقتين بس لو حصل أي حاجة أنا مرة فورت القهوة طفى السيجارة اكتر من 10 مرات في ..... وقمة الذل وهو بيجبرنى انى اكون ثابتة ماتحركش ولا وما ادراك ما الا دى ؟؟؟ أنا بجد اسفة انى اقوللكم كدة بصراحه كدة بس أنا فعلاً يئست من حياتى لو شفتوا ايام الخطوبة كان ملاك ازاى دة اللى كان بينتهز اى فرصة علشان يشفنى او يقعد معايا بقى ممكن يسيبنى كدة بالشهرين والثلاثة من غير ما يكلمنى مع ملاحظة انه خلال الفترة دى بياخد حقة الشرعى عادى جدا كأنى بهيمة مثلاً ويا ويلي لو ما نفذتش جسمي بقى كلة علامات بقى قمة الامانى عندى انه يكتفي بالمين على وشي او حتى يضربنى بالخرزانة بس من غير ما يستخدم النار حتى مع ملاحظة كمان انه بيصرف على البيت فوق ما تتصوروا ولما مرة كنت عاوزة اسيبه وجم اهله يصالحونى اشترطت علية يروح لدكتور واكون معاه الدكتور بعد حوالى شهرين قاللى انه مش مريض بس هو عصبي جدا ولما أبوه وأمه عرفوا هاجموه كتير وانا عارفة ان دة عمرة ما بيحصل من باباه أنا باكلمكم وأنا منهاره آخر مرة قلتلة أنا مش مستحملة العيشة دى وأنا عاوزة اتطلق قاللى معندناش طلاق احنا وماتعصب وقاللى مش مستحملة لية
أنا هاوريكى العيشة اللى متحتملش وضربنى لغاية ما فقدت الوعى ولما قمت كمل عليا جسمي كله ورم من الخرزانة وقعدت يومين ش عارفة أتكلم من كتر البكا كل اللى تتخيلوه عملته لما رحت لبابا هو اللى رجعنى وقاللى معندناش بنات بتتطلق متجبلناش الفضيحة امى هتموت علشانى بس قالتلى بنات كتير بيحصل فيها اكتر من كدو وعايشة جوزى من عيلةواصلة جدا لما رحت لعمى هو اللى روحنى كلهم خايفين منه حتى لما رحت اشتكيتة في قسم البوليس اول ما روحنا ربط رجلي في دربزين السلم الداخلي وفضل 16 ساعة كل ما يعدى قدامى يمدنى وخلع هدومي وفضل كل مايدخل المطبخ حتى لو علشان يشرب يكوينى في صدري بسكينه سخنة وابويا كمان ضربنى وقاللى فضحتيناانا عايشة في قمة الذل والعذاب الجيران هما ابوه وامة وهو بيقل عليا وهو ماشي وبيشيل التليفون انا اسفة انى طولت عليكم بس انا نفسي احس ان حد بيسمعنى النت هو الوسيله الوحيدة اللى فضلالى علشان اتواصل بالدنيا ادعولى بالرحمة حملت مرتين والحمل نزل وطبعاً أنا الغلطانة وأنا الى اتعاقب لأن انا اللى مهملة لو قلت عاوزة اخرج يبقى انا على حل شعري علطول بقيت عايشة في رعب مستمر أنا اسفة انى طولت عليكم أنا عارفة ان مفيش عندكم حل لمشكلتى غير ان ربنا يرحمنى بفراقة أو بالموت أرجوكم ترفعوا الموضوع بعد يومين بس احس ان حد سمعنى