حلا طعمه جنان يوديكي عالم ثاني

مراحب بنات
ادري فراشة قديمة
بس مو مشكلة اول مرة اتحمس انزل موضوع هنا بالمطبخ وخاصة الحلويات
عاد ابغى منكم تشجعوني عشان تضمنوا مني الطبخات الجاية
هذي الطريقة..
الطبقه الاولى ..
كيك شوكولاته جاهز او بيبتي كروكر
نسقيه ( ملعقة نسكافيه + ملعقتين حليب بودره + شوي ماء لين يصير سايل )
الطبقه الثانيه ..
4 م ك حليب بودره
2 باكيت كريم كراميل
2 كأس ماء
نحطهم على النار مع التحريك كل شوي لحد مايبدأ يغلي
بهذا الوقت نكون حطينا بالخلاط
نص باكيت بسكوت شاهي مكسر مع ..
علبة قشطه
م ص نسكافيه
ونصب عليهم الكراميل وهو حار ونخلط ونصبه على الطبقه الاولى
وندخله الثلاجه
وبعدين نسوي الطبقه الثالثه وتكون الطبقه الثانيه جمدت
الطبقه الثالثه ..
4 م ك حليب بودره
ظرفين كريم كراميل
2 كاس ماء
1 م ص كوفي
1 م ك بودره كاكاو
ونحطهم بقدر على النار واذا بدأ يغلي نشيله من النار ونصبه على الطبقه الثانيه
وندخله الثلاجه لحد مايبرد ..
وهذا تطبيقي...
صوره اقرب للطبقات
يالله شجعوني عشان انزل لكم طبخات ثانية