حلا كاسات الزعفران يهبل يخبل يجنن ياخذ العقل

السلام عليكم ..
البارح كانت عند اخت زوجي عزومة رجال ( زملاء زوجها ) فحبيت اساعدها وسويت لها ذا الحلا
اللي انجنو علية طعمة خبال ..
شوفو الصور ..
المقادير...
الطبقة الاولى:
باكيت بسكوت شاي
علبة قشطة
كاسة شاي زيت
2 ملعقة كبيرة سكر
ظرف كريم كراميل
تخلط جميعا بالخلاط .. وتوزع بالعلب كل علبة شوي مثل ماتشوفون بالصورة اللي فوق ..
الطبقة الثانية :
3 مارس
3 سنكرس
علبة قشطة
تذوب الشوكولاتة بحمام مائي او بالمايكروييف واذا ذابت تحطين القشطة وتخلطينها يدويا وثم توزعينها كا طبقة ثانية فوق الاولى
الطبقة الثالثة :
نص كاس حليب بارد
ظرف دريم ويب
8 حبات جبن مثلثات او 6 حبات جبن كيري < انا حطيت مثلثات..
تخلط جميعا بالخلاط وتوزع بالكاسات كاطبقة ثالثة فوق الثانية..
وثم يزين بالجالكسي فلوتات
تقطع كذا..
وصبي هرشي فوقة ..
ثم زيني عنق العلب باللي تبين شرائط او ورد او اي شيء ببالك ..
وبالهناء والعافية
واي سوؤال انا حاظرة
دعواتكم لي
ملاحظة : العلب توجد في الراية & شموع بالرس
التميمي في عنيزة ..
2علبة 10 ريال
والتاجرات يبيعونها بعد... التمنى اني افدتكم