حلوياتي وابداعاتي سبق ونزلتها باحدى المنتديات وابي انزلها هنا لعيونكم واول موضوع

1. عشان يطلع متماسك

يامساء الورد
حابه انكم تشاركوني وتستفيدو وتفيدو << كلها ؟
كل المنيو الموجود حلى في حلى
حياكم الله
قهوتكم ماتردونها ان شاء الله
احس ودكم تعرفون وش هالكيك صح ايه ادري فيكم يالحريم تموتون وتعرفون كل شي << ماني منكم ابد
طيب ولاتزعلون
هذا سلمكم الله كب كيك اي خلطة عندك لكيك شوكولاته او بيتي كروكر
والحشوه
كريمة خفق (فكتوريا الذ شي للحلويات) او دريم ويب مخفوق
بعد ماتخفقي الكريمه اللي تحبيها في اخر دقيقه اضيفي اوريو مطحون ناعم
تقريبا الكميه زي ماتحبي بس ماتكثري عشان ماتخرب الطعم
(وللامانه انا احب اغير بالحشوه كل مره غير بس بالنهايه تطلع لذيذه وكتبتلكم الذ واسهل طريقة)
والتزيين بنفس الكريمه بس بدون اضافة الاوريو وتتشكل وبالعافيه يارب
(تزيين الوجه حسب الذوق ممكن تضيفو نص ملعقة نسكافيه عشان يعطي طعم ويعطي لون كراميل فاتح )
كيكة للمناسبات
استخدمت الخليط الاصفر من بيتي كروكر واضفت عليه ربع كوب دقيق ابيض (الكويت)

عشان يطلع متماسك

وبعد الخبز قلبتها على شبك عشان تبرد وبعدها قصيها من النص وحشيتها كريمة خفق (فكتوريا) ودهنتها واضفت حشوة التورته بالتوت الاسود ورجعت عليها الطبقه الثانيه من الكيك (فهمتو صح ؟)
وبعدها خفقت كريمة للتغطيه (نفسها فكتوريا) واخذت منها جزء بسيط قرابة كوب والباقي لونته بالالوان لما حصلت على اللون البنفسجي والجزء المتبقي من الكريمة لونته بنفس اللون بس زودت اللون حبتين عشان يطلع اغمق من الوجه
دهنت الوجه وزينته بالكريمة الغامقه (وربي الطعم روعه مع الحشوه وكل اللي ذاقها هذاك اليوم مدحها ووحده في بالي بسم الله عليها اكلت في اول الليل قطعه كبر راسها وفي اخر الليل كمان اخذت دبلها ههه لا اله الا الله فهالشي اكبر دليل انها روعه ((معليش ياام محمد خ عليك بالعافيه وربي امزح)) )
المهم نرجع للحلويات
تارت الفواكه يوه عذاب
العجينه
1ونص دقيق
زبده 100جم طريه
2ملعقه كبيره سكر ناعم
ملعقة صغيره فانيلا
بيضه
(عجينة التارت ماخذتها من كتاب ام ريناد ومعتمدتها)
تعجن العجينه وترق في قوالب التارت (لاتنسو تعملو فتحات بالشوكة وسط التارت عشان ماينتفخ) وتخبز وبعدها تحشى بالكاسترد (الكل يعرف طريقة صح ؟)
ويزين بالفواكة اللي تعجبكم وبالعافيه على قلوبكم
وهالكيكة كانت لعيون اختي الكبيره جاتني زياره هي وبناتها الله يحفظهم يارب
المقادير
كيكة بيتي كروكر الخليط الاصفر او الابيض نفس التعليمات بالكرتونه باضافه ربع كوب دقيق الكويت(عشان تتماسك)
تخبز وبعدها تبرد ونقصها من النص ونحشيها بالباي فيلنق (اي نوع يعجبكم انا حشيتها فراوله) مع شوي من كريمة الخفق
وبعدها نغطيها بالنص الثاني من الكيكه ونزينها
كريمة خفق فكتوريا افضل نوع بس انا كانت مخلصه واستبدلتها بكريمة الخفق المراعي واضفت لها سكر ناعم
(حسب الذوق) بس افضلكم فكتوريا متماسكه والذ بكثير
وادهني الوجه واذا حابه تلونيها اضيفي اللون اللي يعجبك
بالنسبه للورد اللي حاطته هذي عجينه السكر (الفوندان) الجاهزه بس افضل فوندان البيت يعطي لمعه والذ من الجاهزه
كل اللي عليك تعجنيها وتلونيها وتشكليها وابدعي ياحواء << مايمدي عالكلمه هع
والف الف عافيه واي سؤال انا حاضره
جينا للادمآن
تشيز كيك الله يسعدها صاحبة الطريقة
الطريقه
الطبقة الاولى
بسكويت شاي + زبده + شوي سكر ناعم + وعشان تتماسك ملعقتين قشطة
الطبقه الثانيه
علبة حليب نستله الوسط
فيلادلفيا 200جرام
كوب كريمة خفق المراعي
2ظرف دريم ويب
ملعقة ونص جيلاتين مذوب في نص فنجان مويه دافيه
تخلط بالخلاط لين تتجانس وتصب فوق البسكويت وتغلف الصينيه بنايلون وتبرد (المده مابين 6 ساعات واكثر عشان نتاكد من تماسكها)
وبعد كذا نزينها بالفيلنق اللي يعجبنا وفي ناس ماتحبه ممكن نحط فراوله طازجه وهيرشي فراوله (انصحكم بصوص الفراوله من فرشلي روعه)
هالحلى سويته عالسريع لاخوي الله يحفظه جاني عالسريع
فما كان قدامي الا هالحلى
الطبقة الاولى
كيك سفن دايز الجاهز
والصوص
نوتيلا تقريبا 5 ملاعق كبيره
شويه كريمة خفق المراعي تقريبا فنجان شاي (اذا مو عندك ممكن قشطة)
اللي يحب طعم القهوة تحط ملعقه صغيره نسكافيه او اقل
وصبيها عالكيكه وزينيها بسكر الزينه
هالحلى سويته بفتات كيك لان مره عملت كيك وبقى منه شوي خبزته وفتته وخلطة بقشطه وشوي سكر ناعم
وشكلته بقوالب السيلكون
وزينته بكاكاو (لوح كاكاو وسيحته) بس للامانه ماعجبني الكاكاو افضّل تستخدمو جالكسي الذ واحلى
واخيرا
هالكب كيك سويته لعيون بنت اختي النوري (اموت فيها لبى قلبها) الله يحفظها ويخليها لامها واخوها
كيك بيتي كروكر فراوله والزينه عجينه السكر (اي سؤال انا حاضره)
اتمنى من كل قلبي اطباقي تعجبكم والقادم باذن الله احلى دمتم بحفظ الرحمن
دعواتكم
(الموضوع نقلته من منتدى اخر بس انا صاحبة الموضوع لاحد يقول سرقته )