حلى الأسبوع المندازي من المطبخ الزنجباري

بسم الله الرحمن الرحيم
هلا فيكم خواتي ............
اليوم جايبه لكم اكله من المطبخ الزنجباري أخذت طريقتها من صديقتي وهي زنجباريه يعني الوصفه مئه بالمئه زنجباريه لأني ذقتها عندهم
وعجبتني وجربتها بالبيت ونفس شي عجبتهم بس بصراحه طعمها لذيذ وطريقتها سهله
ما أطول عليكم .
المقادير:
2 كوب شاي دقيق
فنجان ونص سكر
ملعقه ص هيل مطحون
ملعقه ط خميره فوريه
ملعقتين زيت
ماء دافئ للعجن
فنجان مسحوق حليب جوز الهند(وهنا السر ياحلوات يخلي طعمها لذيذ طبعا مثل ما قالت لي صديقتي ) وهذا شكله
الطريقه :
نخلط المقاديرمع بعضها ونعجنها بالماء ونطيل في مده العجن يعني اعجنيها جيدا
ونخليها ترتاح ساعه ونصف وهذا شكلها بعد ان ارتاحت
بعد ذلك نفردها على شكل دائري ونقطعها مثلثات مثل ما ظاهر عندكم
وعلى ما نفرد ونقطع نحمي زيت غزيرللقلي
طبعا بعد ما قطعناها نقليها بس انتبهوا لا تحترق
وهذا شكلها النهائي :
ملاحظة:
(..ممكن نغمسها مع الشاي طعمها رائع وحتى ممكن مع سلطه الحمص او الفاصولياء بتستغربوا شوي كيف مالح وحلو بس انتو جربوها وراح تعجبكم)
وهنا اقرب السموحه الصور مو واضحه بس يارب تفي بالغرض
وهنا اعلانات بس صدق بتستاهل
ها ايش رايكم
ان شاء الله تعجبكم