حلى التبن والله أتكلم جد

العنوان غريب ادري..
بس لحد يستعجل صدقوني بيعجبكم الحلى
المقادير
بسكوت ( اولكر او هلال )
علبة قشطه
فنجال شاي سكر
نص فنجان زيت
3 ملاعق حليب بودره
3 ملاعق شوكلاته بودره
نستله
شعيريه
الطريقه ...
1 /نخلط كل المقادير مع بعضها بدون ( الشعيريه و النستله والبسكوت) هذولي نخليهم على جنب ..
2 / ناخذ البسكوت ونقصه بالسكين بحيث انه يصير ثلاثة رباع حجمه الطبيعي زي الصوره..
3 / نغمس البسكوت بالخلطه اللي سويناها قبل
ونسويه ثلاث طبقات
إلى هنا حلوين؟؟؟
طيب بعد مانسوي الكميه اللي قصيناها من البسكوت وخلصنا نحطهم بالفريزر لمده ماتقل عن ساعه
عشان تجمد الشكولاته وتتماسك ..
4 / نكسر الشعيريه كسر صغيره مرره ونحمسها ع النار لحد ماتتشقر..
5 / نطلع البسكوت من الفريزر ونغمسه بالنستله وبعدين يقلب بالشعيريه
نجي عاد لطريقة التقديم
نقصص من خيشة الرز او خيشة القهوه حبال زي اللي بالصوره لانه راح نستخدمهم بربط مربعات الحلا..
( ماننسى اذا قصيناهم نغسلهم )
ناخذ الحبال ونربط فيهم المربعات ويطلع عندنا الشكل التالي
ربطناهم وخلصنا نجيب صينية التقديم ونحط عليها ورق الحلى وندهنها بشوية نستله ونحط عليها سميد ..
نجي عاد للشكل النهائي
وهنا من زاويه اقرب عشان تتمقلون
طبعا الموضوع ملطوش
وأعجبني وقلت ألطشة للحلوين