حلى التشيز

1. بنات عندي لكم حلى ياخذ العقل وهو عبارة عن ثلاث طبقات :


2. الطبقة الأولى :


3. الطبقة الثانية :

بنات عندي لكم حلى ياخذ العقل وهو عبارة عن ثلاث طبقات :

الطبقة الأولى :

علبة بسكوت أولكر مطحونة جيداً ( يعني لين تصير زي التراب) مع أصبع زبدة نذوبه على النار بعدين تخلطون الزبدة مع البسكوت الين يتماسك البسكوت ويوضع في الصينية ( صينية معدن عشان الحلى يحتاج دخول للفرن ) ويضغط زين عشان ما يتكسر البسكوت .

الطبقة الثانية :

عبارة عن بيضة وعلبة كبيرة حليب نستله المركز المحلى و6 حبات كيري توضع في الخلاط حتى تخلط جيداً ثم توضع على البسكوت في الصينية وتدخل إلى الفرن وتوضع في درجة حرارة متوسطة فقط حتى تتماسك الطبقة الثانية وتصبح مثل طبقات التشيز اللي تشوفونها دايم .
الطبقة الثالثة :
أول شي نذوب بكت كراميل في نصف بيالة ماء ونضعها في وعاء ونضعها جانباً .
ثم نذوب بيالة سكر ( بيالة يعني الفنجان اللي نشرب فيه الشاي ""الصغير مو الكبير انتبهوا يابنات "" ) وإذا ذابت جيداً وانتبهوا خلوا النار صغيرة يعني يطلع لون السكر ذهبي كذا لأنه إذا احترق يطلع طعمه مر ..
المهم تفلست عليكم واجد إذا ذاب السكر توضع عليه علبة قشطة وتحرك جيدا ثم نضع الكراميل المذاب عليه ونحركه حتى يتجانس ..
عاد بعدين تكبينه على الطبقةالثانية بعد اخراجها من الفرن شوي .. شوي عشان ما يخرب التشيز ويوضع عليه المكسرات ويدخل إلى الثلاجة وبالهناء والعافية .
جربوه وماراح تندمون يا بنات