حلى النسكافيه

1. الطبقه الاولى=


2. 2بسكوت اولكر صغير-قالب زبده وسط-شوي سمن-علبه قشطه

حلى النسكافيه
السلام عليكم ورحمه الله وبركاته
شخباركم يابنات
انا صراحه ما اعرف الا هالحلا حتى لدرجه ما اعرف اصلح غدا ولا عشا
ههه ان شا الله اتعلم شوي شوي
المهم ما اطول عليكم
هذا الحلا اموت فيه
وما ادري اذا انه مكتوب ولا لا
وبما اني احبه بكتبه لكم حتى لو كان مكرر
المقادير

الطبقه الاولى=

2بسكوت اولكر صغير-قالب زبده وسط-شوي سمن-علبه قشطه

طبعا يطحن البسكوت ناعم وبعدين تذوبين الزبده وتحطينها فوق البسكوت مع القشطه وتعجنيها بيدك واذا حسيتي يبيلها شوي سمن او زيت عشان تصير متماسكه اكثر ضيفي عليها شوي وبعدين افرديها ببصينيه متوسطه الحجم بس اضغطي عليها بيدك يعني خليها متماسكه
الطبقه الثانيه=
1بيضه - علبه زبادي -5فناجين حقت القهوه الصغيره حليب بودره -2ونص فنجان خقت القهوه سكر
تخلط المقادير بالخلاط ثم توضع عالطبقه الاولى وبعدين حطيها بالفرن بحراره متوسطه بوسط الفرن لمده 5 -7 دقايق لين تحسيها تماسكت شوي
طلعيها وخليها تبرد
الطبقه الثالثه=
كوب حليب سائل كبير
باكيت كريم كراميل
ملعقه كبيره نسكافيه
طبعا سخني الحليب ثم حطي باكيت الكريم كراميل وحركيه عالنار دقيقتين ثم حطي ملعقه النسكافيه وحركي شوي اهم شي يغلي الحليب مع المكونات دقيقتين
وطفي النار وخلي الخلطه تبرد شوي 5 دقايق ممكن
وبعدين ضيفيها بشويش عالخلطعه الثانيه وحطيها بالثلاجه ساعه وخلصنا
ابي رايكم ينفع اكون طباخه ماهره ههه