حلى بالصور ع كيف كيفكم لذيذ

أحلا حلا بالصور .. << يم يم
هلا ياهلا بكم كلكم..
صبوا القهوه وتقهوو دامي أجيب الحلا..
هذا ياطويلين العمر حلا لقطته من احد المنتديات وسويته أمس
وقاموو يمدحوني صلحيه ..
قلت والله البلشه .. ماعاد أزين حلا حلو .. وقت أصوره واوريكم اياه .. فريش من المطبخ
لعيونكم
مالكم بالطويله.. الحلا سهل مره مره بس يبي له سالفه طويله شوي..
أول شي المقادير..
1-كيك .. بيتي كروكر والا العلالي والا اللي تبون..
2- علبتين قشطه..
3- 6 قراطيس أوريو أبو 3 حبات ،، أو 3 قراطيس أبو 6 حبات..
4- زبدة الفول السوداني..
5- 3 جالكسي ساده أو أي شي يشبه له..
6- نسكافيه..
همن الحين نبدا بالطريقه..
نروح نجيب قوالب الكيك ذيك الصغيره وندهنه بالزيت .. همن نعجن الكيكه
ونصبصبه بالقوالب ونحطه بالفرن..
وبينما حنا حاطينه بالفرن نروح نزين
حشوة الكيك اللي هي ..
1- الأوريو نكسره كله.
2- نحط عليه علبة قشطه.
3- وبعد نحط ملعقه كبيره من الفول السوادني.
4- وملعقه صغيره نسكافيه.
وبعد نص ساعه تقريبا نطلع الكيك من الفرن ..
ونخليه يبرد شوي نطلعه من القوالب ونفرغه من داخل بهالشكل..
همن نحشيه بحشوة الكيك اللي كتبته قبل شوي..
وبعد مانخلص حاشيين قوالب الكيك..
نسيح الجالكسي بحمام مائي .. ونحط معه علبة القشطه
ونصب شوي شوي على كل قولب كيك ونحطه بالثلاجه شوي..
وبالأخير يصير تسذا..