حلى سنيكرس رائع

حلى سنيكرس
المقادير:
5 كيك سويسرول شوكولا "كبير"
2 قشطة المراعي " اللي تشبه الزبادي بس لونه أزرق"
3 أكياس دريم ويب
4 جبن كيري
6 ملاعق حليب بودرة
½ كاس ماي
6 حبات سنيكرس
الطريقة:
قطعي الكيك حلقات وصفيه في قاع الصينيه وعلى الأطراف يعني على محيط
الصينيه < ---- قلب درس رياضيات
الخلطة الأولى
خوذي الدريم ويب والماي يكون بارد والحليب وحطيهم بالخلاط الين تصير كريمة
بعدين ضيفي عليه القشطة والجبن مع استمرار الخلط.
بعدين خوذي ½ المقدار من الخلطة وحطيه فوق الكيك.
بعدين خوذي الكيك الباقي وقطعيه حلقات وحطيه فوق الخلطة الباقيه اللي هي ½
الثاني وحركيها بالملعقة وحطيه فوق الخلطة الأولى وبعدين حطيه بالفريزر.
الخلطة الثانية:
خوذي السنيكرس و ¼ كاس ماي وملعقتين نشا وحركيهم على النار وخليه يصير متماسك
واستمري حركيه عشان مايصير متقطع من النشا واذا صار متماسك شليه من على النار
وحركيه الين ما يبرد بعدين حطيه على الوجه.
واللتزيين:
خوذي كاكاو البودر ورشي على الوجه كله
واذا حابه تبشرين فوقه جلكسي براحتك..
للمعلوميه: اي نوع حلى او كيك اكتبه تسوونه بالصينيه اللي قاعدتها تتحرك يعني حق التشيز كيك.
بالهنا والعافية