حلى مدري وش أقول عنه لذيذ شكله رائع يجنن بكل معنى الكلمة لايفوتكم

مراحب
كيف حالكم فراشات ؟ حبيت أجيب لكم شي أعجبني وبما أنه أعجبني ماهان علي انكم ماتشاركوني الإعجاب
هذا حلا لعزيزتي وحبيبتي (NoOoNy ) يوم سوته وذقناه انهبلنا عليه
والأحلى من هذا كله شكله الرائع يواجه بصراحة وروعة
ماأبي أطول عليكم جربوه بأنفسكم واحكمو وادعو لنا
( لا تعيجزون ترى طريقته طويله شوي بس والله يستاهل التعب واللي يصعب عليها شي انا جاهزة لأي استفسار)
المقادير :
1 . خليط كيك الشوكولاته السوداء من بيتي كروكر ..
2 . 2 كاس حليب ..
3 . 1 اصبع زبدة ..
4 . 4 ملاعق كبيرة بودرة شوكولاته فاتحه ,, 4 ملاعق كبيرة بوردة شوكولاته غامقه ..
5 . سكر ,, وراح نبين المقدار بعدين ..
6 . قشطه ..
7 . 1 حليب مكثف محلى ..
8 . نص علبة جنبه فيلادلفيا ..
9 . بسكويت شاي من اولكر ..
0. 5 اكياس اوريو اللي فيها 6 حبات ..
1. صحون ذهبيه صغار بلاستيك .. شريتها من بلشرف ..
2. فناجيل وغلفيها بالنايلون ..
3. فليك للتزيين ..
الطريقه :
1 . يخبز الكيك حسب الطريقه الموجوده خلف كرتونه الكيك .. ونتركه يبرد ..
2 . فيما يخبز الكيك نعمل صوص الشوكلاته ..
مقادير صوص الشوكلاته ..:
1 . 4 م ك بودره غامقة ..
2 . 4 م ك بودره فاتحه ..
3 . 5 فنجان سكر ..
4 . 1 اصبع زبده ..
5 . 2 حليب المراعي صغير
نخلطها مع بعض ويمكن زياده الحليب او السكر اذا احتجنا ..
ونتركه يغلي على النار .. حتى يصبح الصوص ماهو ثقيل ولا خفيف نفس سماكة الصوص الجاهز
. يخلط في الخلاط : قشطه + ½ علبه جبنة فيلادلفيا + 2 فنجان س كر + 1 نستله ..
5 . يكسر ¾ بسكويت الشاهي + كيستين أوريو ..
6 . نضيف نصف الخليط على البسكوت .. والنص الثاني خزنيه بالثلاجه لين تسوين الحلى مرتن ثانيه اذا عجبتس ..
7 . نفتت نصف الكيك بعد ما يبرد ويفضل لبس القفاز .. والنصف الثاني خزنيه بالثلاجه لين تسوين الحلى مرتن ثانيه اذا عجبتس بعد ..
8 . نحط نصف الصوص على الكيك ,, واعجنيه والنص الباقي لا تخزنينه نحتاجه بعدين ..
9 . اعجني الصوص مع الكيك المفتت ,, لين تصير عجينه لينه ..
. نبدأ بوضع عجينه الكيك على جوانب الفنجان من الداخل ..
1. ثم يوضع قليل من خلطه البسكويت في الداخل ..
2. ثم نغطى اعلى الفنجان بطبقه رقيقه من عجينه الكيك ..
3. ثم يوضع عليه طبقه من الاوريو ..
4. نتركها تبرد في الفريزر لمده ساعده تقريبا .. لين تتماسك ..
5. ثم يصب فوقها صوص الشوكولاته اللي سويناه قبل ..
6. ثم تفتت الفليك فوقها ,, ونحطها بالصحن الذهبي اكشخ ..
( هذي صحون صغار تنباع عن بلشرف صغار مرة على قد الحلا كشخة وحلوة وهي ماهي شرط تقدرين تحطين اي صحون صغار بدالها )
(اعذروني كان ودي أنزل الصور بس مارضت الصور تتحمل )
انتهينا ,, بالعافيه على قلوبكم .. ان شاء الله عجبكم
ولا تحرمونا من ردودكم وبالذات اللي تسويه تكفون تعلمني