حمآس يلا يافراشات

السلام عليكم
كيفكم يافراشات شخباركم
أببدأ موضوعي وأتمنى أن التشجيع يكفيني ويساعدني للوصول لهدفي
أنا بنت عمري 19 سنه وكان وزني 75 من يوم انا بثاني ثانوي ثابت مايتغير وبعدها خلصت ثالث وجلسه بالبيت وأكل على كيف كيفك ونوم ونت وتلفاز
عاد الوزن بدأ يآخذ راحته بالأرتفاع وصلت تقريباً 78
وضاق صدري وجاني أكتئاب مو طبيعي الجنزات ماتجي علي
و ثيابي وفساتيني كلهم ضيقين
بعدها قررت وأقنعت أمي إني أروح أخصائية تغدية ثم الله سهل ورحت وشجعتني الدكتوره وصار عندي حماس مش طبيعي
داومت على الدايت لمدة أسبوع تقريباً ونزل وزني 4 كيلو والحين أتلكع يومين وأرجع للدايت يوم ثاني والحين الحمد لله وصل وزني 70
وأحس بإحباط لأني ماعدت أروح لأخصائية التغدية أحس إني أبغى أحد يشاركني وقلت مالي غيركم يافراشات
خلينا نبدأ من اليوم ونبغى التشجيع .. ونكتب بالتفصيل وش أكلنا ..
ونبي مساعده كل أسبوع نختار بنت تجيب لنا دايت ع شان التغيير حلو ونتشجع أكثر
وأول دايت أنا بحطه لكم ..
ونهاية كل أسبوع لأزم كل وحده تصور وزنها ع شان نتأكد
الفطور :
قبل الفطور 2 كأس ماي
1 كأس حليب قليل الدسم و2 شريحة بريد بر أسمر
أو 3 شابوره سمره
وتفاحه
الغذاء :
قبل الغذاء 2 كأس ماء
سمكه صغيرونه مشوية
2ملعقة رز أبيض بدون ملح
طبق سلطه خضراء
" بقدونس ،كزبره، خيار مقشر ، طماط حبة واحده فقط "
العشاء :
قبل العشاء 2 كأس ماء
2 شريحة بريد بر أو أسمر
1 شريحة جبن قليل الدسم
1 كأس زبادي قليل الدسم
طبعاً هذا النظام أعطتني أياه الأخصائيه وقالت لي خطير تداومي عليه أكثر من 5 أيام لأنه فقير جداً
لكن لأزم نبدأ فيه لأنه يساعد على نزول الوزن بصورة رهيبه
ولاتنسو تكثرو ماي
يالله نبدأ
28/ 4 / 1430
وتاريخ 5 نصور الميزان ونشوف كم خسرنا