حمولتك مايحترمونك تعالي افزع معك اخليهم يحترمونك غصب

أرجو الايفهم من كلامي انه تحريض على أهل الزوج ..
كل مااردت توضيحه ان الحب شيء من الله ..لانستطيع فرضه على قلوب الاخرين ..مهما فعلنا من اجلهم ..
مشاعرهم لليست ملكنا وحدنا ..
واحترامك للهم واجب عليك ..لهم سواء كرهتيتهم أو حبيتيهم ..
هذا الله يسلمكم حنا يالحريم عندنا للبس في المفاهيم ..
للقيت ان اللي قاعده اطلبه من أهل زوجي ..هو انهم يحبوني ..!!!
وهذا اكبر غلط ..سويته بحياتي ..!!
المفروض اني اطلب الاحترام فقط .>>>بتقولون حتى حنا بعد مانبي منهم الايحترموننا ..
بس تعالي شوفي انتي ويش تطلبين ..؟؟؟؟.
صعب اني اخلي الناس تحبني غصب ..
صعب اني اجبرهم يهشون ويبشون اذا شافوني ..!!
صعب اني اجبرهم يشتاقون لي وللعيالي ..!!
تبنهم اذا صارت عندهم عزيمه يشرفونك ..؟؟؟
صعب اني اجبرهم يشرفوني على أمروهم ..((خطاب بناتهم ..او اي شيء ..من اللي تتمنيني اهل زوجك يخبرونك فيه ..))
كل الاشياء اللي نطلب من اهل رجالنا انهم يعامولوننا فيها هي من دواعي الحب ..ماهي من دواعي الاحترام ..
الاحترام شيء نقدر نعطيه لأي انسان ..>>>حتى لو مانحبه ..او مانعرفه أصلآ ..
لكن الحب ماتعطينه الا للي تحبينه ..
واحنا قاعدين نفرض انفسنا غصب على الناس ..
يقول المصطفى عليه افضل الصلاة والسلام ((الارواح جنود مجنده ماتعارف منها أئتلف ..وماتناكر منها اختلف ))
ماهو بيديهم ان ماحبوني ..
لكن اللي انا ابيه منهم الان ..>>>>يحترمونى ..
طيب كيف ..
كل وحده منكم اللحين لو بنقول هل انتي شخص محترم ..بتقول>>>>>هذا سؤال الله يصلحك أيه ..
لكن كيف انا اجبر الناس على احترامي ...>>>>هنا مربط الفرس ..
بعطيك نقاط انا مجربتها فحياتي ..ولله الحمد جبرت من حولي يحترموني ..>>>>ماهو يحبوني ..
1###احاطة حياتك الماديه ..مصروفاتك .بهاله من الغموض .>>>>
والله اني داريه انكم بتقولون كلنا محتفظين ..بس تعالي لاحظيي سواليفك مع أهل زوجك ...
الأسبوع اللي طاف الماركات مسوين تخفيض..المطعم الفلاني فيه كذا وكذا ..السوق الفلاني فيه كذا وكذا .. ..فلان اهداني كذا وكذا .... ابشتري للبيتي كذا وكذا ..بسافر الصيف الجاي ..
هذا يشعرهم بمقدار ماتصرفين وعليه يقيسون ..
بتقولون ويش دخل هذا بالاحترام ..!!
بأقولك كل وحده فينا تتمنى انها تكون زوجه مثاليه في نظر اهل زوجها ..وانهم عرفوا يختارون للولدهم صح ..بس استمريتي بهذا النوع من الكلام ..هذا اللي راح تجنينه ..
وأقرأي اللي تحت ...
>>>هذي همها السوق بس ..
>>>والله مابتخلص ديون وللدنا وهذا صرف حرمته ..
>>>هذا راتبه مايصفي له شيء ..كله على الاسواق والمطاعم ..
>>>عزالله ماراح يشترون بيت وهذي مصاريفهم ..
غير انهم ممكن يلمحون للزوجك ..أو ممكن تبدأ انواع الغيره الظاهره ..
خصوصآ في حال كانت ام زوجك مسنه عاشت في زمن اللقمه فيه بالحسره ..راح تعتبر ان هالاشياء تبذير واسراف ..حتى ولو كانت عاديه ..
لأنها تربت في زمن غير ..فحطي هذا في حسابك ..
2####اياك تكذبين على اهل زوجك ..
>>>>انا ليش خصيت اهل زوجك من بين كل الناس ..لأننا دايم نطيح بمطبات مع حمولتنا ونصير ندور على تصريفه منا والامنا ..
وآخراتها نلجأ للكذب ..علشان نتحاشى نقمتهم علينا ..
ونصير مثل اللي نجا من حفره للدحديره ..>>>مصلح يعني منحدر خ
((ان الرجل لليكذب حتى يكتب عند الله كذابآ ..))
حتى لو كانت كذبه صغيرونه ..
حكت لى وحده اعزها ..تقول عمري ماكذبت على اهل زوجي بشيء ..
اي شيء حتى لو كان يجيب لي مشكله ..يسألونها بكم شريتي هذا تقول ..وين كنتم البارح تعلم ..كل شيء تعلم فيه بصدق ...
وسبحان الله شاء الله عزوجل انه يصير موقف وسألوه عن شغله ..وقالت لهم بكذاوهي صادقه ..قالت وحده من اللي جالسين كلمه كانها تكذبها ...>>>>شوفوا سبحان الله مين رد عليها .. ام زوجها قالت فلانه ماتكذب ..!!!!!!>>>>تقصد مرة ولدها ..
3####الكلام عن بيت اهلك ..>>>>تاج راسك
..كلامك عنهم في بيت اهل زوجك يقلل من احترامهم لك ..
اهلي يحبون كذا ..احنا متعودين في بيت اهلي على كذا ..امي تقول كذا ..في بيت اهل نسوى كذا ..ابوي معودنا ..أخواني ..خواتي ..>>>>لافرق الله شملكم ..
انتي معترفه بجميل اهلك عليك ..لكن انك تمدحينهم قدام اهل زوجك ..تثيرين غيرتهم ..>>>>يقول المثل الرجل مايحب كل شجيع ..والمره ماتحب كل حسنا ..
انتي بكذا تعرضين اهلك للأنتقاد ..
ترى أول مره بتحترمك ام زوجك ..ثاني مره بتمشيها لك ..ثالث مره بتكتمها بصرها ..رابع مره بتسمعك اللي مايعجبك ..>>>>>هذا اذا هي من النوع اللي بالها طويل ..
>>>>وبتجين تشكين أم زوجي قالت لي ...
لاتمدحين اهلك قدام اهل زوجك ..>>>>بيعتبرونها أياك اعني واسمعي ياجاره ..وكأنك تعايرينهم بأهلك ..خصوصآ اذا كان فيه فارق بينكم ..
3####عاملي اهلك زوجك باللي يحبون ..ماهو باللي تربيتي عليه .
.>>>>ودكم تصفقوني اللحين بس اصبروا علي شوي ..
هماهم يقولون الناس عادات وطبايع ..ليش تفرضين على اهل زوجك طبايعك ..
>>>حتى لو هي زينه ..اذا هم ماتعودوا وعليها وماحبوها ..لاتفرضينها عليهم ..
كذا بتفقدين احترامهم ..وتصير المسأله بالنسبه للهم فرض شخصيات فقط لااكثر ..!!!
اذكر وحده تقول احنا من طبايع اهلي ان الوحده اذا جات من السفر تنام عند اهل زوجها أول يوم ..وثاني يوم تروح تسلم على أهلها ..>>>>هي اللحين زعلانه ..ليه أم زوجها ماتفرح فيهم اذا جوا ينامون عندها ...!!!!!
فهمتوا قصدي ..
تقبل الناس للعادات يختلف من مجتمع لأخر حتى لو هي زينه وماعليها كلام ..
####الطفاقه والطفه ..=تدلق نفسها حيل على اهل زوجها ..
مثلكم خابر أول أيام العرس ..ماغير نطامر لأهل الرجال ..كل يوم ..وكل وقت ..اللين دملنا كبودهم ..
في حريم ينتهي عندها كل شيء بعد شهر العسل ..>>>تبدأ تمارس حياتها العاديه ..
وفيه حريم تظل على ماهي عليه ..>>>كل يوم وهي ناقزه لهم ..على حسن نيه ..تشوف منهم اقبال واحترام ..
لكن مع الايام تشوف شيء مايسرها ..>>>شيء طبيعي ..
اهل رجلك بالبدايه يجاملونك ..ويحترمونك ..>>>مايبون يزعلونك ..ويمكن هم يغصبون عليك تعالي عندنا ..
بس يقول المثل من كثر الجيات لابد يارى ..>>>>يعني يشوف مايكره ..أمي الله يخليه لنا دايم تقوله ..
اكيد في البدايه تحبون بعض تجاملون بعض ..بس مع الايام تنكشف الاقنعه ويبدأ مسألة فرض الارآء ..زايد على هذا انهم يتمللون منك ..
####كثرة التشره ..
تراه يكره أهل رجلك فيك ..ورا ماعزمتوني ..وليه ماعلمتوني ..ويوم جتكم فلانه ماارسلتولي ..
>>>>تراه يمصل العلاقه ..>>>>يخرب ابوها ..
ويفقدك احترامك ..>>>>الله عازك عن الناس ..ويش تبين بهم ..!!!
ماتزوجنا وحطينا لنا بيوت علشان يعزمونا ,,
كنت ازعل مثلكم بالبدايه ..واشيل واحط ..ليه ماقالو لي بدري ..ليش ماعموني ..
لقيت اني غلطانه ..
مالقيت التشره جاب لي فايده ..!!
بالعكس يمكن تلقين لك رد يخليك تكرهين نفسك ..
ان قالو لك اهلآ وسهلآ ..وان ماقالو لك ..كمان أهلآ وسهلآ .
>>>>حياتك ماهي قايمه على عزيمتهم ...
4####ماقبل الاخيره وهي مراعاة الذوق العام ..والاتكيت ..
مثلآ اذكر وحده تقول أم زوجي لمحت لي انها ماتبيني اجي ببنطلون عندها ولاقصير ..وآخر شيء قالت لها بالوجه يافلانه لاعاد تجيني بهاللبس ..>>>>اللحين مرة الولد زعلانه تقول ليش ..!!!؟؟؟
يعني أم زوجها حرمه كبيره تربت على الحياء والحشمه ..وصارت تستحى من للبس مرة ولدها ..أذا جوها جاراتها ..طيب هي لليش تعرض نفسها للهذا الموقف ..!!
ليش تفقدين نفسك أحترامها ..احترمتك ام زوجك اول مره وللمحت ..وانتي لسه مصره على رأيك ..!!!
راعي رغبتها ..انتي ضيفه في بيتها ..
طبعآ دايم نسمع ان اهتمام المرأه بأنوثتها مداعاه لأحترامها ..
>>>>مهوب تجيك وحده كأنها رجال ..ضحكتها ومشيتها ..وللبسها ..ومزحها ..
>>>هذي أصلآ بتفقد التقدير والاحترام من المجتمع كله ..موبس أهل زوجها ..
5####آخر شيء ..اقضبي للسانك =امسكي للسانك ..=
صكي فمك عن الكلام في اعراض المسلمين ..مهوب كل ماجت سيره للحرمه افلتي للسانك ..
قصة فلانه اللي بالجريده ..وبنت جيرانكم اللي مدري ويش صار عليها ..واللي بآخر الحاره ويقولون سمعتها ماهي زينه ..وبنت عمة خالكم اللي تطلقت ..وقصة زواج مدري طلاق مدري وفاة قريبتكم ..
هذي أكبر سقطه لك ..مداعاه انك تخسرين احترامك ..((من تتبع عورة اخيه تتبع الله عورته ..
بعض الحريم ممكن تحصل على جزء من الاحترام اللي هي تبيه ..
بس للأسف ماهو حب ابدآ ..>>>>لأنه احترام هي فرضته بسلاطة اللسان ..وفرض السيطره .
.واعتقد ان المجتمع اللي حولها متى مالقوا فرصه يتحررون من احترامهم لها ..ماراح يتأخرون ..
ملاحظه ..
####سلامة النيه جزء مهم للتحصلي على علاقه سليمه مع اهل زوجك ..
>>>>مهوب والله علشان اغيظ سلفتي ..والااضمن مكرهم بي ..والالأني محتاجتهم اللحين ..واهلي مهوب عندي ..
خلي نيتك صافيه يعطيك الله على ماتبين ..>>>وعلى قدر نياتكم ترزقون ..
يعني لو كنتي تمثلين بس ..او تجاملين ..راح يجي يوم وتنكشف فيه الاقنعه ..وساعتها راح تخسرين كل اللي سويتيه ..

يو وه
نسيت اقول لكم
الموضوع ملطوش
قريته وحبيت انكم تستفيدون

فراشة الهيلا
يسعدك ربي عالكلام الرووعة دا..
وانا معاكي في كل كلمة قلتيها..
الله يوفقك ويحقق لك اللي في بالك..
انا عن نفسي قاعدتي مع اهل زوجي..
(اني اخد كل شي بنية طيبة)
سواء كانو قاصدين ولالا..
والحمدلله مرتاحة ومريحة راسي
مشكورة..
والله لايحرمني جديدك يارب..

الله يعطيك العافيه
جد كلام حلو
نبهتيني عليه زواجي بعد كم شهر اروح اطبق عليهم اللي قلتي

نونو مون
فديتك وتسلمين لي
ومشكوره على الدعوه اللي تفتح النفس
والله يرزقك البيت
يسلمو على مرورك حبيبتي

مشكورة
والله انك صادقة...
وانا شفت حريم تصرفاتهم كذا...
يعطيك العافية...

نوني الاموره
تسلمبن ياقلبي
ومبروك مقدما والله يتمم عليك ويجمع بينكم

يسلمو
كلام سليم,,,,,,,,,,,,,,,,,,,,,