حنونين بس ما وهذي تجربتي

1. انا بغيت احكيلكم تجربتي

السلام عليكم ورحمة الله وبركاته
كيف حالكم يافراشات

انا بغيت احكيلكم تجربتي

انا ولله الحمد ربي رزقني بزوج يحبني ومعاملته لي زي العسل صح هو كسوول حبتين بس يمشي حاله
المهم انا لما حملت اول مره كرهت زوجي وكان وحامي كله عليه والله انه المسكين تبهذل وطلعت عينه لاني كنت اسوي فيه الهوايل وخناق بسبب وبدون سبب وبعدين قررت اعقل لا يهج مني وصرت اطنشه واحس انه صار يتعلق فيني اكثر والله انه حتى قدام اهله يتغزل فيني ويمدحني والحمدلله انه ما كرهني لما ولدت بالسلا مه قلت لا زم اعوضه عن اللي فات واشتريت من هالكتب الرومنسيه وقمت اطبق وتدليع ومداراة وتدليك ورسايل حب وغرام وليالي حمرا على قولتهم بس لاحضت انه قام يتغلى ويتثيقل علي يعني ماصار يدلعني مثل اول وصارت كلمة حبيبي عادييه عنده بعد ماكان يفرح اذا سمعها مني بصراحه ارتفع ضغطي وقلت مافيها الرجال كرهني لكن لما خليت الوضع عادي وصرت ثقيله شوي يعني ادلعه بس بالمعقول وعلى خفيف رجع لي مثل اول واحسن من يومها عرفت ان الرجال ماينعطون وجه خ وسامحوني على هالكلمه يعني موكل يوم تدليع مبالغ فيه يوم كذا ويوم كذا لانه يفسد من كثر الدلال ههه..
هذي تجربتي انا بس طبعا الرجال ماهم واحد يختلفون عن بعض ماهو بكرا تخرشون رجالكم وتصيرلكم مصايب وتقولون هذا راي عذوق نجد
بس امانه قولولي انتم وش رايكم واللي لاحظت نفس الشي تقول ]]