حياتي بتنهار لو ما نصحتوني

يابنات انا نزلت قبل كم يوم موضوع عن
زوجي مدري كيف احط الرابط
ماعندي احد اشكي له بعد الله غيركم
يابنات انا عاتبت زوجي على شي
هو اخطا بحقي
سفهته اسبوعين البارح جاء قال
ترى ماجيت علشانك اباخذ حلالي.....وانت فاهمين
نسيت اللي سواه لي
جاملته
طبعا الثلاجة خربانه وكل شي فيها خربان
وهو عارف لنا اسبوع وحنا على المطاعم قلت له انا
بشتري الثلاجة ما رد علي قال بعدين اشوف
عادي هو اصلا عمره ما اكل معي الا مرة بالاسبوع
اليوم الصبح قلت الله يعافيك
الفطور بنتظرك عليه جب كذا وكذا
الى الان ما جاب يقول دبري نفسك
اللحين بيذن المغرب
بس بالله وش الحل معه
المشكلة عارف ان البيت فاضي
والبارح قال بكرة اجيب
جاء اخذ ملابس الرياضة ومارد علي
المشكلة ماعندي ابو ولا اخو اشكي لهم بعدالله
كيف اتصرف معه ؟؟
لا ولو بروح ازور احد ينهبل لو اتاخر
من الحب الزايد على قولته
اكتب وانا ابكي كيف اتعامل معه
لا تقولون دخلي احد من اهلك
ماعندي احد
بس ابي طريقة اتصرف معه
عمره ماقصر معي للامانه
بس يوم عاتبته على حركات المغازل
اللي مالها داعي زعل
تكفون دورو لي حل
ادري انه حاط عينه
على وحده من اللي يغازلهم
وادري انه يبغاني اطلب الطلاق
والله يابنات مدري شفيه
ماغلطت بحقه
شوروا علي كيف احسفه على تركه لي
اعرفه متعود مني الكلام الزين
وهذا حظي لازم اداريه
فيه اشياء مقدر اذكرها تمنعني من الطلاق
اللي مثل زوجي كيف اروضه
والله قدام خواته دجاجة
وانا يخلف الله
بس ماتاصل للاكل والمشكله عمري مادقيت على مطاعم
اذا بغيت شي هو يوصله
ولو دقيت تقوم القيامه
انا الحين ماحس بجوع من القهر
بس قولو لي الي مثل نوعه
يرتاح قلبه والا بيشوف وش ردة فعلي