حيرتي بالشوفة الشرعية حسيتوا بهالشي قبل

1. السلام عليكم


2. ليش أنا محتارة ليش !!!!!!!!!!!!1

السلام عليكم

بنات واللي يسعدكم تقرأوا كلامي وتساعدوني بنصيحة تراني مو من النوع اللي يفضفض أنا دايمن كتومه بس هالمرة غير هالمرة مصير حياتي متعلق بهالنصيحة والله حنفجر لو ماشكيت وفي البيت ماعندي أحد ساعدوني عسى ربي يفرج عنكم والله لأدعي للي تفيدني بطيب النصيحة بالخير والتوفيق والعافية وباللي تتمناه أنا حاضرة .
عزيزاتي أنا و لله الحمد جميلة وعخلق و تقدملي كثير وجربت الشوفة الشرعية من يوم ماكان عمري 17 لحد يومكم هدا وانا 23 مافي احد مناسب والموضوع فعلا مو بعدد الخطاب بل بالنوعية اللي تقدمولي كانوا غير مناسبين بسبب من الأسباب اللي تختلف من شخص لثاني بس مؤخرا تقدملي شاب عن طريق صديقتي في الجامعة وحددنا يوم وخرجت في الشوفة وانا خلاص فاقدة الأمل من اللي شفته من عجايب هالشوفات السابقة بس ماشالله الرجال طيب اسمه يسري , مهندس دارس دراسات عليا وهو أكبر أخوانه قعدنا مع العيلة كلنا سوا وماجلست وياه لحالي وأخذت أركز فيه أخذت بالي مضبوط من حديثه مع الوالد ومع جدي ومن أسلوبه و الرجال ماشالله معتمد عنفسه وفاتح شغل لوحده بعيد عن أعتماده عوالده مقيم في جدة مثل ماتمنيت , جدا حنو ن ,دين , بشوش , مرتاح ماديا و كريم جدا و اخته قالتلي انه تعلق فيني كثير من بعد ماشافني المشكلة اني اكتشفت نفسي متناقضة فعلا ماكامل غير وجه ربي هالشاب عيبه انو مو وسيم ابدا ابدا . كنت في البداية فرحانه بسبب حديثه في الجلسه والكلام الحلو اللي وصل لأهلي يوم سألوا عنه بس أختي الكبيرة من بعد ماشافته الله يهديها قالت كم تعليق خلاني أخجل ارتبط فيه علقت انوا مو حلو وحرام ارتبط فيه وفين أنا وفين هوا وجلست تتعبني بمقارنة بينوا وبين زوجها ويالله اش أكره المقارنات بين الخلايق وقالت كلام كثير من جد لعبلي بعقلي خلا لساني مربوط من كلمة انا موافقة عليه . بديت من جد أفكر أرفض وأستنى أحد شكلو حلو أفتخر فيه عقول أختي .

ليش أنا محتارة ليش !!!!!!!!!!!!1

انا يابنات اللي مضايقني اني اكتشفت اني متناقضة لأني كنت دوم انصح صحباتي مايفكروا بالشكل بس بالمضمون وشوفوا حالي دحين مضايقة من نفسي ليش كدا أفكر حرام أنا مارديت لأهلي جواب والناس ينتظرون رد اش أسوي .الوالدة من كثر ماشافتني محتارة وماهي عارفة السبب لأني ماأقدر طبعا أقولها السبب أقنعت والدي وجدي أني أجلس معاه لحالنا في المجلس المجاور وبعد اقناع وافقوا و كلموا الشاب اللي قلتلكم عنه وحددوا يوم الجمعة هذا . اش الحل أتوكل عالله واسكت أختي ولا والله ماني عارفه ولا اش أنتوا قولوا حطوا نفسكم مكاني اش راح تسوون وقولولي أش ممكن اسوي
أنتظر ردودكم بالله عليكم