خاص لبنات الرياض والكلام للكل

1. بدخل في الموضوع على طول ......................... بسم الله


2. رمته فوق الطاوله وكنا بنخرج

السلام عليكم فراشات

بدخل في الموضوع على طول ......................... بسم الله

قبل امس رحت للرياض مول بعد ما مليت وما لفقيت الغرض الي ابيه في محل ثاني بغيت اقضي كذا غرض وانا عندي قاعده حاطتها في بالي دائما وابدا
من يوم ما عرفت الرياض مول بان كل الي فيه اسمحولي اني اقول عنهم وبصريح العباره ( غشاشين ) وهذا مو افتراء عليهم لا والله بس الصراحه هم يبالغون ا كثر من الازم بالاسعاريعني بضاعتهم كلها صيني xصيني ومعروف ان الملابس الصيني ما يتعدى سعرها 20 ريال مهما كان شكلها حلوه ولا شينه قماشتها خفيفه او ثقيله مثلا حق البلوزه 20 ريال تلاقوهم يبيعوها ب80 او 70 ريال وبعض الاحيان الاقيهم والله يبيعوها ب90 و100
الي خلاني اكتب ها الموضوع اولا لاني مقهوره واكثر من مره اطلع من الرياض مول وانا من حرقه ومسخنه من الطفش . وثاني شي والله ما ابيكم تنخدعون من ها البياعين الي ينصبوا على الزباين وياخذوا فلوسهم من غير وجه حق .
فيه مره رحت الرياض مول كنت ابغي اشتري فستان او تيور نعوم لحفلة تخرج بنت عمي فكنت ابغي اشتري فستان سعره معقول لانها حفله بسيطه ونعومه وما تستاهل اني اصرف فيها مبالغ فكان فيه بلايز تجنن وبناطيل يعني موذاك الشي لان البناطيل اذا كانت صيني تجيك اقمشتها تعبانه الا نادرا واكيد سعرها ما يتعدى ها اذا قلنا بنغليها 40ريال المهم لقيت تنوره قصيره ونعومه اعجبتني وفخمة قماشها حلوه وسميكه فانا عندي عاده قبل لا اشتري البضاعه لازم اتحسس قماشها اخذتها وكانت تجنن وقلت خلاص راح اشتريها وطقمت عليها بلوزه بنفس لونها تفصيلها يجنن المهم لمن بغيت احاسب وانا عارفه ان بضاعتهم صيني واعرف اسعار البضاعه الصينيه قلت حق التنوره ب50 والبلوزه برضوا ب50 هذا تقديرا مني ورحمة مني بالبياع مع ان حق التنوره وانا صادقه ب30 ريال وحق البلوزه الاصلي ب20 ريال
جيت بحاسب قالي اليماني التنوره ب 130 والبلوزه ب 50 يعني يطلعلك الحساب وبكل ثقه قالي ب 180 انا رفضت اعطيه المبلغ الي طلبه لاني ما احب اتجادل مع ها البياعين بس تركتله بضاعته و طلعت وانا مقهوره والله انا ما همني اني ادفع ها المبلغ بس ليش اساعد ها الغشاش واعوده اني ادفعله المبلغ الي يطلبه وثاني شي باي وجه حق ياخذ مني المبلغ الي يبيه وفيه غيري مساكين يضحك عليهم وياخذ فلوسهم وهم يحليلهم محتاجينها
المهم طلعت من الرياض مول وكانت اختي معاي مرت اختي( لبي لس ) والله يا بنات لقت التنوره نفسها هيه هيه بكم تتوقعون ؟
والله ب50 ريال بس وهذا هو سعرها الحقيقي وشوفوا ها الغشاش كم كان يبي يزرفني كان مزود فوق قيمتها الي مفروض انه يكسبها80 ريال ؟؟؟؟؟؟؟ .
بعدها باسبوع رجعنا انا واختي للرياض مول اختي لقت بنطلون مكرمش روعه شافت صناعته طبعا صيني قالتله بكم هذا قالها على طول ب90 ريال
صاحت في وجهه خير ان شاء الله ليش بتسعين ؟؟ تبغى تضحك علي يعني؟؟؟؟
خاف وقالها: بكم تبغينه؟
قالتله: باخذه ب20 ريال بس قال ليش عشرين ؟

رمته فوق الطاوله وكنا بنخرج

طبعا هو خاف على سمعة محله ناداها قالها: خذيه وما يكون خاطرك الا طيب رجعناه واخذناه ب20 ريال طلعت من المحل وهي بتتجنن من الفرحه الانها طلعته كذاب واخذت الي تبغاه بالسعر الي يستاهله .
هذا واحد من المواقف الي مرت علي مع ها لغشاشيين والله يابنات انا ما نزلت ها الموضوع الا اني انوركم وما اخليكم تساعدونهم على الغش وتعودونهم على انكم تدفعون ابيكم تعرفون ان البلايز او البناطيل او حتى الله يكرمكم الجزم الي صناعتها صيني والله سعر البلايزوالبناطيل كللها 20 ريال وفي كل مكان معروف سعرها انا رحت لماليزيا وسعرها عشرين ريال ورحت الاندنوسيا وسعرها يعادل عشرين ريال وفي الامارات نفس السعر ولقيتهم بالطايف في محلات غير محلات اليمنه في الطايف اقضهيم بعشرين ريال لان سعرهم الاساسي عشره ريال فالتاجر يربح فيهم من الزبون عشره ريال وفي بعض الاحيان وتكون مقبوله يغليها الى خمسه وعشرين ريال .
فاكبر دليل على صحة كلامي ما تلاحضو عليهم اذا كانو يبغوا يتخلصوا من البضاعه الي ما تنباع ينزلوها لسعرها الحقيقي ويكتبوا على ا لباب اي بلوزه ب 20 ريال والحريم ما يصدقون على الله ويستغربون من ها القيمه الي ببلاش وها تاتاجر فرحان لانه كسبان كسبان ويعرف ان الحريم دلوخ بيدفعون لهم بيدفعون لهم اي مبلغ يطلبونه . لان الحريم عودوهم انهم يدفعون وبس
فيابنات ذا رحتوا لاي محل وكانت البضاعه صينيه وهي تروها اكثر ما في الاسواق صيني والتاجر غلاها عليكم فوق الا معقول اتركوها له او الي عندها جرئه وتعرف تكاسر لا اوصيها هي وشطارتها وعلى فكره فيه بضاعه صيني في المولات الكبيره مثل غرناطه والحياة مول صحارى مول اسعارها رافعينها فوق المعقول بحجة الاجارات فيها المولات غاليه لان اجار المحل في المولات الكبيره بمليون ريال وصاحب المحل يغلي بضاعته والله مو جوده فيها ولا لانها اصليه ؟ لا لان اجار المحل غالي وما راح يقدر يربح او يسدد الاجار الا من خلال البضاعه الي يرفع سعرها عشر مرات في هذي عذرناهم ومشيناها.
بس هذا وجهي اذاشريت منهم شي صيني او ماركه اعرفها مو بسعرها الحقيقي
لاني مره كنت في غرناطه لقيت بجامه فاعجبتني شكلها وقماشها حلو وسميك وكانت برضوا صيني كن سعرها وطبعا سعرها مكتوب عليها ب200 ريال تركتها وسافرت للطايف لقيتها ب60 ريال بس .
و دائما اقضي ماركات فرنسيه والمانيه وامريكيه وتركيه ومن احسن ما يكون ب100 ريال للبوزه الوحده او البنطلون او التنوره هذي ماركه فما بالك بالصيني؟ .
عموما انا هذرت كثير ولا اوصيكم احذروا الغشاشين وكونوا حريم سنعات
اشوفكم على خير اختكم الي تحبكم
دي نا