خاطرة ابكت 500 طفل

غلا2008

02-01-2022 - 10:44 pm

إماراتية لم تكمل عامها التاسع فقدت كل فرحة وكل أمل مع فقدانها والدها في حادث مروري
عندما ألقت هذه الخاطرة في مهرجات أبكت 500 طفل معها
يابيه ... عمري ... حبيبي
لا تأخر
أبي ترجع قبل ماأنام
أبي اتلحف حنانك في
تصبحين بخير مع بوسة على خدي ...... يبه وانام
وقبل ماانسى يبه اسمع
ابي فتر رسم أحمر
وابي أقلام للتلوين
وابي فستان .... مثل لون الشموس أصفر
وابيك انت تلبسني
تحمل يبه أرجوك
تمهل يبه أرجوك
شوي ... شوي ..يبه وينك ؟
تعبت أنتظر
تعبت اتخيل ايدينك
يبه وينك ؟
تعبت أسأل زوايا البيت
تعبت أسئل ثوبك المكوي
تعبت اشم عطرك
واحضن غيابك
تعبت أكذب على دمعي
وارتب عيني وثيابك
يبه وينك ؟
ألف الدار واتذكر
هنا يمشي .....
هنا يجلس ....
هنا يضحك ....
يبه وينك ؟
ويقطع حزن هالأفكار
باب الدار
واصيح بصوت واتحشرج ..... منو بالباب ...منو اللي دق هذا الباب
أنا ماابي لعب .....و أقلام
انا مابي هدايا
انا مابي اشوف اصحاب
يبه وينك ؟
يبه يرضيك حالي الحين
كرهت المدرسة والدرس
ولا حد فيني حس
تذكرني بغيابك شهادتي ... ومعلمتي ... وباب المدرسة
والدرس ... اصحابي وعلاماتي
يبه وينك ؟
كلامي يبه حارق كلامي مر
وأنا أقرا في الدفاتر هنا
(يوقع ولي الأمر )
مين لي فرحتي تتكحل بعينه
وضحكاته
يبه ... وينك ؟
نجحت وتختنق فرحة وسط صدري
تجيني الناس وتبارك
وهذا الحزن بي حارث
ولاتدري أني يتيمة والسبب
حادث
مؤلم جداً
منقول

التعليقات (6)

~ حفيدة النصر ~

03-01-2022 - 02:11 am

مؤثره جدا ما قدرت اكملها
مشكوره غلا
تقبلي مروري

**عهوده**

03-01-2022 - 03:12 am

مشكوره على هالخاطره المؤثره
تقبلي مروري

لحن الحياة 3005

03-01-2022 - 04:13 am

خاطرة مؤثرة جدا ومحزنة
مشكوره على هذا النقل

( نظرة خجل)

03-01-2022 - 05:14 am

ياربي تكسر الخاطر مسكينه

أميرة البحور السبعة

03-01-2022 - 06:15 am

ولاتدري أني يتيمة والسبب
..............حادث.............
وأأأأأأأأأأأأأأأأأاه ..مشكورة حياتي ..
هذا قضاء وقدر ..والله يرحم والدي والمسلمين أجمعين..

الجووهره

03-01-2022 - 07:16 am

خاطره حزينه جدا
تأثرت حييل وأكثر شي بكاني
شوي ... شوي ..يبه وينك ؟
تعبت أنتظر
تعبت اتخيل ايدينك
يبه وينك ؟
تعبت أسأل زوايا البيت
تعبت أسئل ثوبك المكوي
تعبت اشم عطرك
واحضن غيابك
ياحرام مسكينه الله يعينها بفقدان شي ثمين
يسلمو ياقلبي ماقصرتي
تحياتي
الجووهره

كيف السبيل إلى الخلاص←
كم تمنيت وكم تمنيت→